اتعلمنا فيهو
في السلك
بابكر سلك
اتعلمنا فيهو
*الشباب التنزاني ده هو الفريق الذي تعلمنا فيهو الجويات
*في ستة وتمنين وبدار السلام وامام الشباب التنزاني ده جلبنا اول بطولة جوية سودانية للبلد دي
*ومن ديك وعييييك
*وبدأت عبارة من غيرنا
*ولي الليلة من غيرنا
*من غيرنا يعطي لهذا الشعب معني ان يعيش وينتصر
*معني ان يمشي المطار
*من غيرنا ذهب للمطار؟؟؟؟
*بي شارع المطار ساي مافي زول جا
*لذا نحتفظ للشباب التنزاني بود ومحبة
*لان مجرد ذكر اسم الشباب التنزاني
*تدخل الفرحة نفوسنا
*ونستدعي ذكريات سيكافا ون وسيكافا تو وسيكافا ثري ودبي والشارقة
*ريحة المطار دي البشمها بعرف شذاها ومابخليها
*والماشماها بقول عففففففنة
*ايها الناس
*عندي صاحبي تنزاني
*من تنزاناب سيمبا
*قال لي الشباب ده بره بلعب احسن
*والدليل قون كا لالا ده
*قون من بره الاستاد
*بره البلد يكون كيف؟؟؟؟
*ياخ قون من جزيرة القرنفل؟؟؟
*القرنفل ذاتو اندهش
*وواصل قائلا
*قون الشباب التاني ده الحكم نقضو ليه؟؟؟
*قلت ليهو اسألني دبل
*بكون ماقون
*لانو لو قون الحكم كان عداهو
*هو الحكم ذاتو مو افريقي
*بكون كان سارح في الجاز
*باقي قالوا كان موقف عربيتو في صف الجاز
*بس الكويس الجاز جا كتيييير
*بكفي الصف كوووولو
*المهم
*الاعداد لليبين ديل لازم يكون باعداد جميع الاسلحة
*ليبيا ملشياتها كتيييرة
*ويجب ان لا نعتمد علي الامم المتحدة وحقوق الانسان
*ناس حفتر ديل لابعرفوا انسان ولاحقوق
*لازم نمسك(جاز)صاح من البداية
*لتخطي هذه العقبة الجاز لازم يكون فرش
*ترخي بتتدردق طوالي
*جاز بس
*تملا يا ايمن الجيبين جاز
*جاز تنكك وبنكك ده ما بأكل عيش
*بالذات لو جازك في بنكك وزول عرف رقم المرور
*كورة لاتتحمل خطأ وحيد
*ناهيك عن اخطاء ياغرايري
*ايها الناس
*كمبالي والجزولي اصغر اتنين وافضل اتنين(كرشوم براهو)
*عشان كدة قلنا بناء فريق البطولات ببدأ من تحت
*تخيل الجزولي وكمبالي بعد تلاتة سنين؟؟؟؟
*لو ماجوا الكورة بجيبوا تلاتة اقوان في اي كورة
*خصص جيب يا ايمن للصغار
*المهم
*السماكة بقولوا لو شفت الكوارة اعرف في بلطي
*والكوارة شوهدت في الابيض بالهبل
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا المكلف علينا
*في حكومة ولا مافي ورينا؟؟؟
سلك كهربا ننساك كيف والكلب قال حمدوك جاي ولا قال لي بجي مالو ماجا؟؟؟
والي لقاء
سلك
طيب يا عمنا ابوصلعه ضربات الجزاء العمل قيها الحكم المرتشي حميل ده بيكون قبض من أب جيبين من جيبه اليمين ولا جيبه الشمال اكيد من الشمال لانه اليمين مكنكش فيهو اليخماو وبقية الطبالين وانا خايف بسبب حقدكم علي سيدكم وسيد البلد تطيرو من ناس حفتر بعد تقدمكم بهدفين فالحسود لا يسود
لازم تبخس اداء سيد البلد ياتنقو الاحقاد. ده الشباب الذي قتلتم الصحفي المرافق له ولا غيره. قصة كاسكم الذي انتزعتموه زورا وبهتانا مثل كاس جنية وكاسات المكاتب!!! نسيت قتل الصحفي ومسمار الشباب الدخل فيكم وكان مفروض يكون هو من اخذ الكاس وكعادتكم شكوي زور اعيدت بعدها المباراة بحجة ان جمهور الشباب عمل شغب بعد المباراة ومامعروف الحصل شنو خلف الكواليس وبعدها اخذتم الكاس زورا وبهتانا. انتصاراتكم اما عن طريق الحكام او المكاتب. نسيت ضربات الجزاء الاثنين اللتان تغاضي عنهم الحكم الواقف معاكم. هلا اخبرتنا كم دفعتم له؟؟؟
المتعلمين فيهو يا عمك تنقو كان حمام قابلو هسي في مباراه وديه بعد لقاء الأسياد عشان تشوف بل زي البل لامن صلعة عمك تنقو زاتها تتبل
خليك مع الوالي و الكلب و الهرجلة بتاعتك دي ..
ما في شىء غريب. نفس النهج , . لكن هل المباراة القادمة بعد قرن من الآن؟ لا بعد ايام قليلة وسوف نرى بإذن الله من تتوعدنا به. بالمقابل كان تسأل صاحبك التنزاني عن محمد عبدالرحمن وياسر مزمل وروفا وعن الشوارع العملوها في الشباب التنزاني واللي كان ممكن تخلي مباراة الاياب فسحة وتمرين. اما حكاية اننا قابلنا مش عارف ايه قبل مش عارف ايه وعملنا مش عارف ايه فدة اسلوب عفا عليه الزمن وتجارة كسدت. الهلال هو اول فريق يجلب كأس خارجية سودانيا وعربيا عندما جلب كأس من الكنغو عام 1966م لكن هل تعترف بذلك؟ انه حقدكم الدفين ومرضكم العضال. شكرا للمريخاب “الآصلاء” اللي تقدموا بتهنئة “صادقة” للهلال على المباراة الرفيعة المستوى اللي قدمها – بإسم السودان – امام خصم شرس. اما انت وصبحك مزمز ابو القنابل وبقية جوقة بلطية اعلام مريخ سولارا فمصيركم واحد وهو البقاء دوما في “حفرة” يحفكم الحقد والكراهية بكل اشكاله وفي راسكم “الهلال منور في السماء” شئتم ام ابيتم. وبرغم … نتمنى ان يعود المريخ من ليبيا بالتأهل لانه يلعب بإسم الوطن. صدق من سماك “عمك تنقو” لانه في كل مرة “ليك حكاية” تضحك – الصغار – قبل الكبار.
والله ياسلك كنت فاكرك صحفي لكن لقيتك اقل من د جة مشجع.
ماهكذا التنافس لا تبخسوا الناس اشياءهم.
الحقود لا يسود.
خليك موضوعي
بالله ده اسلوب صحفي عقدة الدونية متاصله فيكم علاجها صعب
يا حبيب شوف شغلة غير الصحافة كل فاشل يا اتجه للصحافة او الغناء