التطبيع بين نارين اتحاد ممرخ وأبو كشفين!
العمود الحر
عبدالعزيز المازري
التطبيع بين نارين اتحاد ممرخ وأبو كشفين!
*بصافرة الحكم المريخي المنحاز صبري خرجت قمة كردفان تعادلية!
*كل من تابع المباراة أكد ان الحكم تقاضي عن العديد من الحالات لصالح الوصيف المريخ وهدف صحيح لا فيهو شق ولا طق ولج مرمي الوصيف!
*هدف كان يمكن ان يحول مجري المباراة لصالح الأزرق ليوقف المد والمعونات التي يتلقاها الوصيف
*حكم المباراة وتحيزه كشف مدي التردي والفساد الذي تعيشه كرة القدم في السودان في ظل قيادة اتحاد اللقيمات ولجانه الممرخة للاتحاد
*ابراهومه عقب المباراة حمد الله علي النهاية السعيدة والتعادل الغير مستحق واقر بأفضلية الهلال!
*سيتعرض الهلال لكثير من الضغوط والوسائل حتي يحرم من تحقيق التوالي في الممتاز بأمر اتحاد احمر كامل الدسم
*المريخ فوق القانون فلا عقوبات توجه لمنسوبيه إداري او لاعب او أجهزة فنية! بينما بوصاية عليا توجه البطاقات الحمراء ويستدعي اداري الهلال ويمنح الطاقم الفني الإنذارات
*بأي صفة يتواجد جاكومي المريخ صاحب فضيحة القرن في الاجتماع الفني للمباراة! وهو الموقوف بأمر محكمة كأس هو ومجلس حازم
*علي لجنة التطبيع بقيادة السوباط فتح العديد من الملفات مع الاتحاد العام الأحمر ووضع النقاط فوق الحروف
*يكمن الحل في توافق وتجانس المجتمع الهلالي فماذا قدمت الخلافات للهلال غير اتحاد ممرخ تتبع له جميع الاتحادات واكتساح وتفوق مريخي في العديد من أوجه الرياضة بسبب بعض الهلالاب القشرة
*علي الهلالاب أعضاء الجمعية العمومية السرعة في إنجاح الجمعية العمومية وإجازة النظام الأساسي تمهيدا لإنتخاب مجلس هلالي بأمر الجماهير ليأتي ويقود الهلال لا ينقاد لإتحاد احمر صرف
*بجانب أسوأ حكم فقد ساهم موتا مدرب الهلال هو الاخر في التعادل الذي خرج به المريخ
*ترك موتا للمريخ الوسط وشوط كامل دون ان يحرك ولولا الطاف الله لخرج الهلال مهزوما في الأول
*مغامرات موتا مستمرة فلا أحد يعلم كيف يفكر الطاقم الفني للهلال وما بين الإقالة والاستمرار تكمن أصوات تنادي ببقاء المدرب ومنحه الفرصة كاملة
*لا نريد ان نفتح ملف موتا مجددا لأن القرار بيد التطبيع التي سمعت ما فيه الكفاية من قدامي لاعبي الهلال ومن الاعلام ومن الجماهير
*لكل وجهة نظر خاصة بالأمور الفنية في الهلال وبالأمس قلنا كلمتنا وسنظل نحتفظ بها الا ان تدرك التطبيع ان موتا الداهية في نظرهم لا يمكن ان يقدم مشروع الهلال الذي يحلم به العليقي وصحبه
*يلعب موتا بثلاثة مهاجمين بلا تمويل! وبعد ذلك يكتب البعض عن الغربال والشعلة وهبوط مستواهم
*دعاة الاستقرار الفني في الهلال ,,وضعوا هاشتاق عبر منصات التواصل ..موتا مدربي!
*دي جمعية دمار ما استقرار!
*اخر كلمة حرة ..الوصيف أبو كشفين
كلمات حرة
*لن يحقق الهلال شيئا هذا الموسم طالما ان حكام الاتحاد الأحمر اظهروا العداء والتحيز في الدورة الاولي في الممتاز بهذه الصورة دعما للوصيف
*لا نريد ان ندعو الجماهير بكتابة هاشتاق احموا الهلال! لأننا لو قدمنا الدعوة لحدث ما حدث وما لا يحمد عقباه ..لكننا نوجه التطبيع ونكتب احموا الهلال
*برغم انتقادنا لموتا وطريقته الا ان كشف الهلال من اللاعبين ينقصه الكثير!
*الهلال بلا أطراف وبلا مهاجم قناص وبلا لاعب ارتكاز مؤثر!!عافية الهلال في عودة أبو عاقلة
*أكبر أخطاء التطبيع الاستغناء عن مجاهد !!!
*صرخ ابراهومه انا ما عيوني زرق ولا خواجة عشان كده ما بشكروني وبكره بقيلوني!! صراحة يا ابراهومه انجاز كونك تتعادل مع الهلال
*وعلي طريقة النملة الزول دا ما عاوز يجيبها البر الزول دا بتحدي الزول دا دخل في مجتمعنا الرياضي لغة التعصب الزول دا صاحب اكبر فضيحة والزول دا ماليهو شبيه رياضيا (جعجعة)وسياسيا يكفي انو صاحب التوم هجو وزميل اردول في اعتصام قصر الموز وصاحب تسجيل فضيحة القرن..الزول دا الله معاهو
*اخر كلمة حرة…نجاح الجمعية العمومية لإجازة النظام خطوة اولي تتطلب تكاتف جميع الهلالاب
حكاية
يا اتحاد مجلس حازم سوق السمك بالموردة ولا مجلس سوداكال المنتخب في الاستاد!!افيدونا افادكم الله
والله الواحد يحزن على حال البلاد والصحافه وكل شي ماعارف كيف صحفى انت اولا فى بلنتيين لم تحتسب لصالح المريخ والهدف تسلل واضح اما بالنسبه للكشف كل الفرق مارفعت كشوفاتها لسا وحيترفع كشف 32 لاعب فقط حال كل الانديه بعدها تعال اشتكى بالقانون مش كل واحد يكتب ويفتى على كيفو ارحمونا بالله ياصحفيين صحن الفول
صحافة الفول المدمس كنتم منتظرين ضربة الجزاء الراتب والمريخ فى اسوى حالاته يفقد كرشوم والسمانى الداوى ومحمد الرشيد وغيرهم ما قدرتو تهزموه .. المريخ طلب حكام اجانب تم الرفض من قبل الهلال عشما باب يحتسب لكم الحكم ضربة جزاء كما فى ثلاثة مباريات متتالية عند انطلاقة الممتاز ..لو طبق الحكم القانون فى المخالفات المرتكبة مع اليافع الجزولى نوح من عبدالرازق الجزار وعمنا صلاح عادل كان الهلال لعب ناقص .. عموما اخطاء ابراهومة فى اخراج احمد ادم ودخول الصينى البعيد من المشاركات اعطى الهلال الافضلية فى الشوط الثانى … واخيرا الجكومى قاعد بلنتى بلوشى مافى ان شاء الله فى المباراة الجاية مع الهلال نطالب بتحكبم اجنى مع الفار .
يجب علي اعلام الهلال تكثيف الحملات ضد اتحاد اللقيمات ولجانه الحمراء وفضح مؤامراتهم علي سيد البلد. لو حدث ماحدث لوصيفنا من الظلم الذي تلقاه الهلال لاقام اعلام الوصيف الدنيا ولم يقعدها ولنشر اليخماو ورهطه تلفون الحكم ومساعديه لمضايقتهم نرجو ان يكون اعلام الهلال علي قدر المسئولية لفضح مؤامرات الدلاقين البياعين حتي لا يتمادوا في غيهم.
أخجل على نفسك انت كاتب شنو عليك الله.
يعني عشان يحبوك الهلالاب تشتم المريخ
حكم شنو وبطيخ شنو براك بتناقض نفسك المريخ ضيع شوط والهلال أجاد في الثاني ومباريات الديربي لا تعترف بالافضلية والكورة اقوان المريخ أضاع والهلال أضاع والحكم لا غبار عليه وارجع لكل الحالات التحكيمية انت كاتب رياضي ولكنك تكتب كانك مشجع اي صفارة يراها تحاملا على فريقه.
براك قلتا لا وسط لا هجوم لا أطراف طيب داير تفوز كيف؟ بي ارفس ادعس ولا شنو!
الكورة علم. الهلال يحتاج إلى صانع لاعب في السنتر يمرر باص في العمق وليس على الأطراف. اذا لديك الغربال وياسر ولم تسجل فهذا يرجع لقلة وضعف التمويل من لعيبة الوسط والذين هم من شاكلة ارفس وادفس واعفص وليس هناك لاعب مميز.
أيضا الهلال يحتاج لقلب دفاع وراس حربة سوبر والحال ينطبق على المريخ انظر إلى الرجاء والاهلي وصنداونز محترفين على أصابع اليد الواحدة ويصنعون الفارق.
الخانات هي انع لعب وقلب دفاع وراس حربة وليس كيلة لاعبين.
خلي الجعير واكتب عن فريقك ومستواه عله ينصلح.
وخليك قدر القلم وما تورجغ ساي دي نصيحة لله
معظم المعلقين علي عمود المازري الدسم من المريخاب وهذا دليل واضح عل التميز وتناول الموضوع بشفافية التعليقات تضج بالاساءة وصحافة الفول وغيرها وهذا ليس غريب عليهم ..الموج الازرق هلال الملايين جماهيره فعلا صفوة واسياد صفوة ..اضرب بالتقيل يامازري