التلج المشوي !!

بالعربي الكسيح
محمد الطيب الأمين
التلج المشوي !!

* واحدة من الأشياء التي كانت تشغل بالي منذ أيام الطفولة وحتى الآن هي التفكير في تصنيع (تلاجة) لتصنيع (التلج السُخن) ..
* والله صحي ..
* معروف أن التلج هو عبارة عن (موية) قبل دخوله التلاجة ..
* موية سُخنة بتبقى تلج بعد دخولها التلاجة ..
* فلماذا لا تكون هنالك تلاجة نُدخل فيها (الموية الباردة) ونخرج منها (التلج السُخن) ..
* يعني في الشتاء تكون الموية في الحافظة باردة بسبب برودة الجو تقوم تجيب ليك (قالب تلج سُخن من التلاجة السُخنة وتضعو في الحافظة المويتها باردة عشان يعمل ليك موية دافئة) ..
* التلج السُخن من مميزاته الكبيرة إنو (ما بتكسر) ..
* وفي الحالة دي بنكون حاربنا ظاهرة (كسير التلج) ..
* ما يهمنا في هذا المقام هو التلج .. البارد منه والسُخن وحتي المشوي ..
* وطبعا سمعتو بالتلج المشوي ..
* التلج المشوي هو الأخ غير الشقيق للحمام المشوي ..
* والحمام المشوي يختلف عن الحمام الميت ووجه الإختلاف أن المشوي يُقتل عمدا من أجل الأكل بينما الحمام الميت يموت موت الله كده ..
* قارة أفريقيا هي أكثر قارة إشتهرت بالتلج المشوي والحمام الميت ..
* الحمام الميت قبل ما يموت (بيطير سريع) ..
* في حمام قدر ما تكب ليهو (موية سكر) عشان يوالف يحلف ما يوالف ..
* حمام أدمن الطيران ..
* ولذلك وبعد كل هذه القصة نقول : الذكي هو الذي يوجد وجه الشبه بين (الحمام والتلج المشوي والمريخ السوداني) ..
* بعاين ما الشبه باين وعايدة (النجمة) لأصلها كبرنا وكبرت آمالنا وإنتو كبرتو وزدتو (طيران) ..
* المهم ..
* ندعم مشاركة جمعة جينارو أساسياً في معركة الأحد ولكن دون أن ننال من مكسيم أو أن نسخر منه ..
* جمعة أسبوع بحالو ولكن يبقى مكسيم هو مكسيم ..
* غادر السماني الصاوي المريخ (المشتعل منذ رحيل جمال الوالى) وإستقر في ليبيا (المشتعلة منذ رحيل القذافي) ..
* السماني الصاوي إختار (نار البعد والغربة) فهي أرحم من (نار المدفور) ..
* نار لنار أخير ليهو (نار الغربة) ..
* ثقتنا في انفسنا هي من اهم مفاتيح الفوز على فريق الموانئ ..
* وبما أن ذلك كذلك فيجب أن نعيش إحساس التأهل منذ الآن حتى لا يكون امامنا خيارا آخر يوم الأحد القادم بإذن الله ..
* وإذا كان (البكا بحررو أهلو) فان (النصر بحررو نجوم الهلال وجمهور الهلال) ..
* الهدف الأول والهدف الثاني في شباك الموانئ مسؤولية جمهور الهلال، والهدف الثالث مسؤولية بشة ..
* هدفين بواسطة حناجر الجماهير وهدف بواسطة بشة ..
* ويوم الأحد ده بالذات نرجو من ناس المريخ أن يساعدونا بالموية الباردة و(التلج المشوي) ..
* أغرب حاجة إنو المريخ لحدي الآن ما فكر في سيكافا ..
* بالجد أنا مستغرب الجماعة ديل ما فكروا في سيكافا لحدي الآن ليه ؟؟
* سيكافا ظلت وطوال الـ(15) سنة الماضية هي (المنديل) الذي يجفف به المريخ دموع الطيران من التمهيدي ..
* غايتو لو الطيران من التمهيدي بقي بـ(الرتب العسكرية) فان المريخ الآن هو (لواء معاش تمهيدي) ..
* لواء طيار ..
* عندهم لواء في التمهيدي ..
* أو بالأصح .. عندهم : (ماجستير في التمهيدي ودكتوراة في الطيران ودبلوم عالي في سيكافا) ..
* يعني تاني ممكن الزول لما يجي يكتب إسم المريخ يقول : (الهلال يستضيف اللواء تمهيدي المريخ في لقاء ساخن بالجوهرة الزرقاء) ؟؟
* وغايتو جنس غايتو ..
* يوم الأحد الأهم من تسجيل هدف في الربع ساعة الأولى هو منع هجوم الموانئ من الوصول إلى شباكنا ..
* يجب أن نستفيد من الدرس الذي قدمه البتسواني وهو يصل شباك المريخ في أول ربع ساعة في مباراة الأياب التى جرت بملعب إستاد الحكومة بأم درمان ..
* تركيزنا على الهجوم يجب ان لا يكون على حساب الدفاع ..
* كولا مدافع متمكن وكل المطلوب من فارياس أن يثق فيه ويمنحه الفرصة ليشارك بجانب أوتارا بدلا عن إرجاع بوي ..
* التوليف الكثير سيجعل الهلال يدفع الفاتورة باهظة ..
* طالما كولا موجود لا داعي للتوليف ..
* وطالما بوي ومحمود أمبدة في كامل الجاهزية أيضاً ما في داعي لإشراك السموأل بالمقلوب ..
* نثق في انفسنا ونجتهد ومن خلفنا أقوى وأفضل جمهور في أفريقيا ..
* والباقي على الله ..
* ويوم الأحد ده بالذات نرجو من ناس المريخ أن يساعدونا بالموية الباردة و(التلج المشوي) ..
* بمناسبة التلج المشوي ..
* قالوا مازدا المدرب الذي عينه محمد جعفر قريش قد أشرف على مباراة المريخ والأهلي الأخيرة ولذلك سيكون محمد موسى المدرب الذي عينه محمد الشيخ مدني مشرفاً على مباراة المريخ الجاية ..
* مباراة مازدا ومباراة محمد موسى ..
* وأنا والله ما شايف في داعي إنو يكون عندكم مدربين اتنين ..
* أصلاً ما عندكم حاجة غير الدوري المحلي ..
* والدوري المحلى ده لو شديتو حيلكم ممكن تلعبوهو بـ(الكابتن) ..
* ما محتاج مدرب ذاتو ..
* بس شدو حيلكم ..
* لكن أنا خايف لو (شديتو) حيلكم يقوم (يتقطع) ..
* خايف والله ..
* وطبعا أي زول حر في (مخاوفو) ..
* وغايتو الله يكفينا شر (المُصدي) اللمعتو الأيام ..
* ونركب صافنات ونجيبة (حسانية) وأصلو الزول بيموت والذكرى تفضل حية ..
* و..و..
* وغدار دموعك ما بتفيد في زول ….(لواء في التمهيدي) ..

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملو التطبيق      

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app