الحميض بنجض
في السلك
بابكر سلك
الحميض بنجض
*كورتنا ضد الهلال يجب أن لا نعطيها أكبر من حجمها
*فهي مباراة عادية مقارنة بمستوى الخصم
*فهو يشبه إلى حد كبير المستويات التي قابلناها بالدورة الأولى
*إن لم يكن أقل منها
*ونحن ذاتنا مانا أخير منو بشي
*الكورة عندنا تعتمد على الحظوظ أكثر من اعتمادها على المهارة والتدريب والإعداد والاستعداد
*في البلد دي مافي لاعب أفضل من لاعب
*كلهم نفس البامية ونفس الطعم
*فقط يفرق بينهم الحظ
*المحظوظ بجي القمة
*الأداء ذاتو ما بوريك حقيقة الوضع
*فالهلال الكان مستحوذ أكتر من الأهلي القاهري طلع مغلوب
*والمريخ المعسكر ربع سنة بالقاهرة
*مرقو الله من كوبر البحراوي
*فالقائم والعارضة وقفن عوارض أمام حظ كوبر
*لذا
*الكورة الجاية عادية وأكتر من عادية
*دراويش حا يلاقو مداح
*ومن يسيطر على أعصابو ويلعبها بالعادية التي تستحقها سينتصر وسيعبر
*فهل يكون النصر حليفا للدراويش أم يبتسم الحظ للمداح؟؟؟؟
*ولو كان التحكيم موفقا بنزاهته
*صدقوني
*الحميض بنجض
*والخوف الحميض ينجض والصفر ما ينجض
*المهم
*تقول الأنباء إن وفدا رفيع المستوى من كبار المريخ زار الاتحاد
*لي خير طبعا
*علها زيارة تنجض الحميض قبلما تمطر حصو
*فالسحب قد تلبدت لبيد شديد خلاس
*المهم
*لن تتغير كورتنا تغييرا إيجابيا
*حتى تتغير الكوادر التي تدير الرياضة على كافة الأصعدة
*لكن بالكوادر التقليدية دي ما حا نتقدم لما ينجض الحميض
*والحميض لغير الناطقين بها نبات يشبه التبش لكنه أصغر حجما
*ما بنجض كلو كلو ولو نجض ما بنجض بالساهل
*والساهلة مارقة
*وبمناسبة الساهلة المارقة دي
*يجب أن يطال التغيير ناس الساهلة المارقة الذين اقتحموا الوسط الرياضي في غفلة من الزمان
*ديل لابخلوا حميض للكورة ولا بخلوا الحميض ينجض إن وجد
*من أين أتى هؤلاء ده السؤال
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف علينا
*الشغل التحت التربيزة تم لينا
*ولا الشغلة قامت وكل حاضنة طبقت جنينا؟
سلك كهربا
ننساك كيف والكلب قال قلتوا لي اتفاق؟؟؟الاتفاق السعودي الطلع ما سعودي؟؟؟
وإلى لقاء
