الخطة دي شفتها وييين؟؟؟
في السلك
بابكر سلك
الخطة دي شفتها وييين؟؟؟
*الZY دبل دفرنش فيهو دنقلين
*وكلو دنقل فيهو كرونا
*يعني فيهو كرونتين
*الدفار الجامبو
*يشيل ليهو خمسين طن من أم درمان للنهود
*فيهو كرونا واااحدة
*المريخ يكون فيهو تمنية كورونا؟؟؟؟
*القطر ما فيهو تمنية كورونا
*والكورونا معزلة عزل
*تمنية كورونات
*كورونا تنطح كورونا
*عزل عديييل زي الموت
*الموت بختار الخيار
*وكورونا بتاعت ناس سيمبا برضك بتختار الخيار
* دي خطة شفتها قبل كده
*لكن وين ما متذكر
*بس في ناس بقولوا كورونا بتاعت سيمبا دي نفس جيل كورونا الأصابت مازيمبي قبل كدة
*ياخ التاج يعقوب ده قحة ما بعرف يقح
*يكون عندو كورونا كيف بس!
*لكن حق الحرام ما بودي قدام
*والأيام حا تثبت ذلك يوم طيران سيمبا وطيران الخليج
*مازيمبي قال ما عافي ليكم كلو كلو
*المهم طرنا
*ولو تعاملنا بمسؤولية مع المباريات السابقة
*كورونا سيمبا ما كان ودتنا الإنعاش
*لكن ما بنطير برانا
*ويا حليلك يا أحمد محمد أحمد
*طرنا
*وصن داونز عندو إطناشر نقطة
*ومجموع نقاط باقي مجموعتو تمنية نقاط
*مازيمبي نقطتين
*بلوزداد تلات نقاط
*الصفر تلات نقاط
*يعني صن داونز لو انقسم على إتنين
*صن وداونز
*بقسم عليهما العشر نقاط
*يبقى صن خمس نقاط
*وداونز خمس نقاط
*يعني أي واحد فيهما بتساوي نقاطو مجموع نقاط الصفر ومازيمبي
*أو مجموع نقاط بلوزداد ومازيمبي
*غايتو أنا لو محل الكاف بطلع قرار بموجبه يصعد صن كفريق وداونز كفريق تاني
*باقي المجموعة كان مشت لي قدام بتحرجنا وتحرج رقبتها
*أيها الناس
*هل كانت لقيادة بعثتنا الخبرة والدراية المؤهلة لقيادة تلك البعثة في هذه الظروف؟؟؟
*شوفوا الفرق بين قيادة بعثتنا لنيجيريا
*وقيادة البعثة دي
*بتعرفوا ليه معمل تنزانيا قال المريخ فيهو تمنية كورونات
*أيها الناس
*الاستفادة من الإخفاقات تعتبر نجاح يغير تلك الإخفاقات لنجاحات
*ولا أحمل أي لاعب مسؤولية الخسارة
*لأن الخسارة أسبابها إدارية
*وداخلية
*وداخلية أعني بها إشكالاتنا التي أوصلتنا لمرحلة أن ينصب أعداء الأمس الأخ أسد شيخا ويصنعون من أنفسهم حيرانا عل الشيخ يفك طلاسم الحيرة
*إشكالاتنا التي ساعدت آدم على تقريب من يحب
*ثم يرمي به بعيداً ليقرب غيره
*لأن آدم بلعب على أخطاء الغير
*ما بكلف نفسو يعمل خطة
*تغلط تتحمل
*إيه كان حا يحصل لو اعترفنا بنظام ٢٠١٩ في أكتوبر ٢٠١٩
*يحصل إيه ؟
*إيه كان حا يحصل لو اعترفنا بمخرجات جمعية ٢٠٢٠
*يحصل إيه ؟
*إيه كان حا يحصل لو لم نضع العراقيل أمام المجلس المكلف الذي عينته لجنة الإنتخابات المنتخبة بواسطة الجمعية العمومية ؟
*يحصل إيه؟؟؟
*عرفتوا منو الأوصل المريخ لهذه المرحلة؟؟؟
*أيها الناس
*من بعد ما فات الأوان
*الليلة جاي بتعتذر
*وترجع أيامنا الزمان
*من وين نجيب ليك العذر؟؟؟؟
*عذر تاني إلا من الفيفا
*وزي ماقال المفوض قبل كده
*الموضوع طلع من يدنا
*ودخل في أيدي أمينة
*أها أمينة دي إسم الدلع بتاعها الفيفا
*أيها الناس
*لحدي أسي شايلين مننا حداشر نقطة
*ياخ الألف شالوا منو تلات نقاط
*الجنيه وقع
*حداشر نقطة؟؟
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*بسبب كورونا يوم محكمة قافلنها علينا
*ويوم مدرسة قافلنها لينا
*طيب لو جات في الحلة
*شنو العمل يا والينا؟؟؟؟؟
سلك كهربا
ننساك كيف والكلب قال كورونا الموديل الجديد ده جا بصمة…كجنج…قلبة مفتاح وتوديك
وإلى لقاء.
الحيلة قليلة والخشم بليلة ياتنقو. نقيطة واحدة ومعاها فصاحة. دي لداحتكم الخلتكم تحجزوا مقعد مستديم في طياشة افريقيا. وفعلا الجمل مابشوف عوجة رقبتو.
طيروا براكم تلاتة كفاكم. نسأل الله ان تتكرر عليكم مرة اخري كما حدث في الماضي.
ههههه والله صحيح الاختشوا ماتو. يا عمك تنقو انت المفروض بعد الردم اللي حصل ليكم جوة وخارج ملعبكم ما تفتحوا خشمكم لكن نقول شنو. الله يكون في عون جمهور المريخ اللي بتضحكوا عليهو وتبيعون ليهو الوهم ليل نهار. الفرصة لا زالت متاحة امام الهلال. ام فريقك فيمكن يتأهل لو دخل الجمل في سم الخياط.
اوريك الخطة الصحي صحي . .
4 من فيتا
3من سمبا
3من الاهلي
تبقي الخطة ؟
اسمها خطة 4 3 3ودي احدث خطط اللعب . ياااا طييييييييييييييييييش
حاجة تضحك والله، أبو نقيطة بيضحك على صاحب ال ٣ نقاط !!
عشان فصاحتكم دي يا عمك ياتنقو أبو نقيطة وحيدونة وعشان قلت ما بنطير برانا، الهلال سيد البلد أبزرد إن شاء الله الأمور حا تزبط معاهو ويتأهل من الباب الضيق ويخليكم ماسكين في النقيطة وتحلموا وتخدروا في جماهيركم…..
سدوكل كتمها فيكم وقاااااعد في نفسكم، والشخصية دي حا تكون الشخصية الحا تدق آخر مسمار في نعش المرخرخ ….
أسي ال zy بتاع ناس فيتا فيهو ٤ دنقل وبتاع سيمبا فيهو ٣ دنقل، وإن شاء الله بتاع الأهلي أبزرد حا يكون فيهو ٧ دنقل يا عمك تنقو 😆😆😆
الاستاذ / سلك لك التحية …. بعيدا عن المناكفات لدي سؤال قانوني اتمنى أن احصل على اجابة عليه. اعتقد أن الاجابة عليه قد تكون فيها حل
للوضع الإداري المايل في المريخ.
هل سودا كال وماتبقى من مجلسه شرعي ؟؟؟؟ اعني ألم تنتهي فترة إدارته للمريخ ؟؟؟؟ ثانيا ألم تنتهي الفترة التي منحها شداد لمجلس سودا كال ؟؟؟؟ { اقول مجلس تجاوزا لأنه لا يوجد مجلس.}. هل تستمر صلاحية المجلس بثلاثة أعضاء إلى ما لا نهاية ؟؟؟؟. تتمسك بمبدأ الديمقراطية وذلك كلام سليم ولكن تحكم الديمقراطية ضوابط . الديمقراطية ليس هدفا في حد ذاتها ولكنها وسيلة للوصول لحكم رشيد..
إذا لم يتحقق الحكم الرشيد تفقد الديمقراطية أهم مرتكزاتها. هل في رأيك أن مجلس سوداكال حقق متطلبات ما تهدف إليه الديمقراطية وهو حكم المريخ بطريقة رشيدة ؟؟؟؟؟؟؟؟.