العقرب يتجه شمالا
حدق العيون
خالد سليمان
العقرب يتجه شمالا
• والله ( تتابعونى ) ياهلالاب ارفع ليكم ( السكرى ) ….
• اذا كان ( هشام ) سجل للهلال عشرين ( ماسورة ) ومعاهم ابو ( عشرين ) فانا لحدى الان سجلت ليكم ( الغربال ) و ( عجب ) و( الرشيد ) و هسه ( العقرب )
تانى دايرين شنو ؟؟؟ و دايرين منو ؟؟؟
السمانى ؟؟؟؟ ياخى دا حقو ( غالى ) …
• تخيلوا عنوان زى دا ( العقرب يعود لجحره ).
• هو ( بكرى ) لو رجع برجع ل ( جحر ) ولا ( سوق العيش ) سابقا … جوهرة ( الكاردينال ) حاليا ؟؟؟
• انا المفلس دا … حالتى اكتر ( فلسا )
و ( بخلا ) من سوداكال الا انى أهديت ( احبابنا ) كل ( الكوكبة ) المذكورة انفا
• ( هشام ) السوباط كلو كدا وبعد ( اللغف ) من ( الانقاذ ) سجل عشرين بس … مع انو الجماعة محتاجين تغيير
( كشف ) كامل ….
• من سخريات أقدار الهلال ان اصبح الكابتن ( هيثم مصطفى ) مدربا بينما
لازال ( الشغيل ) و ( عبد اللطيف بوي )
( يركضان ) والله انا ما متاكد هم ( بركضوا ) بالضاد ام بالدال ؟؟؟ البفقع
الزول قال ليك الهلال ( يجدد )سنتين
( لعبداللطيف بوى ) انتو جادين ؟؟؟
• بوي دا بعد سنتين والله ( يجرى ) عشرة أمتار الا أسعفو ( بالبخاخة ) الليلتى دى ….
• ادم سوداكال ياخى ( شرطت ) عيونا
( كسوفا ) و( خجلا ) تجيب ( اللاعبين )
و ( المدربين ) وتفكهم فى شقق الجوع ؟؟؟؟
• من هو ( عمر محمد عبدالله ) هذا ؟؟؟
• للمرة المليون يكرر سوداكال ومجلس ( الحيرة ) ذات الأخطاء ( المفضية ) للخروج من الأدوار ( المخجلة ) …. ثلاثة سنة والجلوس على الرصيف امر ( مكسف ) للغاية ….
• لا اعرف من أشار بضم اللاعب المصرى ( عمرو علاء ) ولم اشاهد اللاعب ولكن اشد على يد من اختاره
وأراهن على نجاحه … فمن يلعب فى شباب الاهلى لابد ان يكون بحجم نادى
القرن ….
• ليتكم تفرجتم فى الدورى المصرى
ففيه لاعبين ( أرخص ) من ( كردمان )
ووجدى ( هندسه … وأعلى ( قيمة ) من كل لاعبى المريخ والهلال ….
• لو صحت الأخبار بان مجلس المريخ
نجح فى ضم اللاعب ( تمبش ) لكفاه
ذلك ( نجاحا )
• انا من ( غلاة ) الحانقين على هذا المجلس الذى أراه اقل كثيرا من قامة المريخ الا أننى وغيرى لا ننكر ( ثمة ) جهد بذله هذا المجلس فى هذه التسجيلات ….
• المريخ بحالته ( الراهنة ) ومن دون اَي إضافات مؤهل للهيمنة على البطولات اذا أولى مجلس الإدارة عنايته بالفريق وتلافى اخطاء الموسم ( الكارثية ) والممعنة ( تخلفا ) و( بدائية ) ……………..
• الأستاذ ( اماسا ) اكثر كتاب الأحمر ( تنظيرا ) وجدلا …. يلعن ( ظلام ) المريخ كثيرا … يرى ( التقصير ) من الكل … وفى الكل أيضا …. فإذا كان الأستاذ ( اماسا ) ذو علاقات متينة وممتدة مع ادارات ( امبدة ) و ( العباسية ) و ( كوبر ) وغيرهم … ترى
متى يوقد هو للمريخ ( شمعة ) ؟؟؟
اعنى هل ( اعان ) و ( افاد ) المريخ بما
يملك من ( صفات ) ؟؟؟؟؟؟؟؟؟؟؟
• اخر الحدقات
• ( عجب ) و ( الرشيد ) المريخ ام الهلال فقد ( قرفنا ) من هذا المسلسل ( الهندى ) …
• ان اخترتم ( المريخ ) فمرحبا بكم فى داركم ومطرحكم … وان اخترتم ( الند )
فعليكم يسهل ……………
ارحم نفسك انت من رفع السكري والضغط والجلطات. حالتكم بقت شلش وبقيتوا تهضربوا بلا سبب وربنا يسامح السوباط السوبط عقولكم من كاهنكم الاكبر و كوراله وحتي اصغر المخدرين من الدلاقين. (الزول ده مالو؟؟). بكري المدينة والغربال اولانا وقد تربوا في قلعة الاسياد وليس عيبا او عجيبا الرجوع الي بيتهم من جحيم حفرتكم ولا عزاء لمدمني مخدر اليخماو من الدلاقين.
ضغط وسكرى شنو بترفو انت الضغط مرفع عندكم اليومين ديل خليتو كل مشاكل مريخكم وبقيتوا شغالين ردحى فى الهلال وناس الهلال عاملين بالمثل بتاع ( الكلاب تنبح والقافله تسير ) بعدين تعال هنا انت بتتكلم عن لغف الحكومه يا فالح انت ركب غلط انت اظن قصدك ارئيس طوالى بتاعكم هو ده بتاع اللغف الجد جد شكلك كنت ماجايب خبر الاستاد الجديد والاعبين الغالين ووارغو بتاع ال3 مليون دولار والحضرى بتاع الكم مليون دولار والبوفيهات المفتوحه وفريق بايرن ميونخ انت قايل ده من وين يافالح . .. عارفين انو السوباط ده حارق فشفاشكم وطير النوم من عيونكم . ركزوا مع سودكال بتاعكم ملس ما مفلس ده الموجود عندكم وياها قدرتكم لانو الهلال فيهو ميه سوباط وكل واحد فيهم يتمنى يبقى رئيس للهلال كان الكوارتى او البرير او الكاردينال وغيرهم كثير . صحيح الما بتلحقو جدعو .