العلاقه بين الشطة والليمون؟؟

لهيب النار
=======
العلاقه بين الشطة والليمون؟؟
________________
كتب : هاشم الطيب
_______________
& عجبتني هذه العبارة المكتوبه على الزجاج الخلفي لحافله تسير أمامنا وأصبحت أتأمل وأناقش نفسي عن سر هذه العبارة وطوال الرحلة وانا عائد من تمرين الحكام أصبحت هذه الجملة القصيرة تملأ فراغات نفسي آملاً في فكفكتها وحل مضمونها الذي يرمي إليها كاتبها ؟؟
& لا تذهبوا بعيداً العبارة تقول (ما كعب الزول البيجيب الشطه كعب الزول البيحلب الليمون) فهمتوا حاجه الروقه أقول ليكم الفهمتو أنا !! فهمت شنو؟
& الشطه لو جابوها براها بتغمض عينيك ويمكن ما تدخل ايدك فيها لكن لما يحلبوا عليها الليمون يقوم ريقك يجري وتدخل اللقمه او قطعة اللحم فيها وتتوحوح وتأكل اكتر من حمولة بطنك وبعد شوية تفعل الشطة بالليمون السحر اللعين وتفتش للمهديات؟ والفلاجيل ويقل نومك وتفتش الابريق !!
& المناسبه شنو يا أبو الهش؟؟
& يا خوانا لو رقتو بوصف الشفته الروقه ياعمر…
& عمر منو لو شكلتها ضمه وتاني ضمة بتضح ليك الرؤية…
& ده ما موضوعنا بس الموضوع بصراحه بصراحه طلعت تعبير قريب من المكتوب في الحافله …
& لو جابوا ليك صحن ابيض وجميل فيه زبده مخلوطه بعسل نحل اصلي وبجواره صحن آخر مزلط فيه كسره بايته بملاخ بايت أيهما تختار؟؟!!
& طبعاً محتارين بلغة الكوره سألتوا نفسكم الزول ده شايت وين وبلغة ناس شمس عمك جنيتر وانا اقول ليكم انا لهذا ولا ذاك بس زول رومانسي زي ابطال السينما التركيه والهنديه!! & ندخل في صلب الموضوع بعد حضوري يا ايمن تمرين الحكام باستاد الخرطوم الأربعاء كنداكات خادم الله بت الشايب وأخواتها وعارف السر أقصد عارف حسب الرسول أمه آمنه وآبوه عبد الله وجده عبد المطلب ده حسب سيدنا رسول الله صلى الله عليه وسلم… الموضوع…….
& حرجت بالكثير من العبر والعبارات والمقارنات بين الأمس والحاضر ولذلك تناولت صحن العسل بالزبده والمتمثله في الخليط بين الشاذلي وجماعته والفاضل وناسه واحد عسل والزبده وريقك يجري…
& أنا أقول ليك ياريس شادلي عرفت النجاح يبدأَ من وين تحكيم ناجح اتحادك ناجح تحكيم كما تردد المدرجات فاشل يكون اتحادك فاشل واختياركم للجنة تحكيم بمواصفات خاصة سر من أسرار نجاحكم وبإختصار ياريس قرب قريب من هؤلاء الشباب ما تبتعد لان 🔑 سر النجاح يمتلكونه …
الغامدي في البلد**
===========
أهلنا ياخبير خليل الغامدي يقولون عن العريس ( العريس من بشته) اي من مقدمه واشيله التي يقدمها للعروس وأهلها وهذا نراه في اتحاد الخرطوم ولجنة الحكام بمقدمكم لتزيد غلة حكامنا من علمكم لك استاذ خليل الشكر والتقدير ونتمنى من الاستاذ الغامدي تكرار التواصل…