*نغمة جديدة ظهرت علي موبايلات ناس العهد الفاسد
*لا يمكن ولا يجوز واطلاقا
*موش ممكن نلغي شرع الله
*ووقفت مذهولا امام تلك النغمة متسائلا
*شرع الله؟
*عن اي شرع يتحدث هؤلاء ؟
* لو كان شرع آلله مطبقا لما خرجت الامة للشارع تندد بالسرقة والظلم والكذب
*وبحثت عن آية تجيز لبعض منسوبي الحزب الحاكم وقتها وذويهم ونسابتهم ونسوان اخوانهم ورجال بناتهم اكل حق الناس وسرقة موارد الدولة
*ولكني لم اجد
*فعن اي شرع هم يتحدثون؟؟؟
*وعدت الي عهد النبي عليه افضل الصلاة والسلام
*كان بمجتمعه غير المسلمين
*فهل كانت تطبق عليهم احكام الشريعة الاسلامية؟
*هل كانوا منبوذين ومستضعفين في ذلك المجتمع؟
*وهل يقر الاسلام عدم الاعتراف بحقوق الغير في حرية العبادة؟؟؟
*وهل كان السيف سببا في نشر الاسلام ام كان سلوك المسلمين وقتها هو مايدعو الناس للحاق بركب الاسلام؟؟؟
*هل فتح المسلمون بلدا واجبروا اهلها علي اعتناق الاسلام؟
*الاسلام دين عقل وفكر فلا تشوهوا صورته بالصاق السيف عليها
*خلي ذلك المجتمع وتلك العهود
*في سوداننا ده شفتوا المسالمة؟
*شفتوا المحبة والتعايش الديني السلمي بين اهلها
*خليها المسالمة
*كل مدن السودان
*عطبرة الابيض بورتسودان الفاشر شندي
*شفتوا كيش يعيش ويتعايش اخوتنا الاقباط مع المسلمين في سلام مشرف؟
*ديل كلهم خليهم
*حي اليهود بامدرمان والحي اليهودي بالخرطوم وفلان اليهودي بكريمة وعلان اليهودي بالسوق الافرنجي
*شفتوا ليكم يوم موية اندلقت بين يهودي ومسلم
*او بين يهودي ومسيحي
*او بين مسيحي ومسلم؟؟؟
*لكم دينكم ولي دين
*منهاج رباني عرفه اهل السودان وعاشوا به في سلام
*يبقي علي اصحاب النغمة تغييرها الي نغمة
*ووب عليا البكا مابجيبو ليا
*وووب عليا
*لاننا لو طبقنا شرع الله علي من سرق ونهب وقتل واشتري بآيات الله ثمنا قليلا
*لقدناهم جميعا الي السلخانة
*لانو العدد كبير علي المشنقة
*ابكوا علي عهدكم وغيروا النغمة الي
*وووب عليا والبكا مابجيبو ليا
*وخلونا نعيش في سلام وامان نبني وطن بنحلم بيهو برغم نهبكم ليهو
*خلونا نتقابل المسلم طالع من المسجد والمسيحي طالع من الكنيسة والوثني طالع من البقرة واللا ديني طالع من بيتهم
*لنلتقي في ساحة الحرية يملانا الشوق والمحبة والاحترام لنتعانق بشفافية وود
*دايرين نبني وطن
*ايها الناس الدخلونا الجامع وسرقوا شباشبنا
*نحن نعرف الله والنبي
*لان من يعرف الله يخاف الله
*فهل خفتم الله فينا؟؟؟؟
*نحن نحب درب آلله والنبي
*بس الله والنبي حلوا عننا
*المهم
*كونو انو منتخب صغار الجديان يتصدر مجموعته امام منتخب البلد المنظمة
*ده انجاز حد الاعجاز
*وكونو يعود من بعيد في مباراته ضد منتخب الدولة المنظمة
*ده تأكيد علي نجاعة جهاز فني مقتدر
*القبعات نرفعها لكل البعثة
*والتمنيات نرسلها لهم
*شدوا حيلكم عشان نجيكم في المطار
*ايها الناس
*ماعارف ليه الزومة بتتضايق بمجرد ذكر النظام الاساسي
*الزومي ضايقي شديد خلاس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*عايشين معانا وبين ظهرانينا
*في منانا وفي غنانا وشركاء في الخلا والكلا والمدينة
*انت يا اختاه مسيحية
*وانا يا اختي مسلم
*ثم
*استحلفك بمارجرس بالكنيسة بالمسيح
*بقداسة البابا المعمد بالجرس المرن علي السفوح
*المشكلة كانت وين يا والينا؟؟.
سلك كهربا
ننساك كيف والكلب قال حاكمين تجننوا مكروشين تحننوا
والي لقاء
سلك
