المريخ يهدد بالانسحاب من مسابقة كأس السودان
على خلفية الأحداث التي صاحبت مباراة القمة أمس والتي تسببت في انسحابه من أداء المباراة بعد أن رفض الاتحاد العام تنفيذ مطالبه بعدم تتويج الهلال في المباراة إلى جانب رفض لجنة الاستئنافات العليا لطلب الفحص المقدم من النادي ضد قرار اللجنة السابق يفكر مجلس إدارة نادي المريخ بجدية في الانسحاب من مسابقة كأس السودان في نسختها الحالية بعد أن وصل الفريق لمرحلة نصف النهائي وينتظر ما تسفر عنه قرعة دور الأربعة لمعرفة منافسه في هذا الدور، وعصام الحاج مساعد رئيس نادي المريخ أن ناديه ظل مستهدفاً من الاتحاد السوداني لكرة القدم طوال الفترة الماضية ولذلك كان لابد من اتخاذ قرار قوي بالانسحاب من كل البطولات التي ينظمها الاتحاد في المرحلة المقبلة.
لزوارنا من السودان متجر موبايل1
http://www.1mobile.com/net.koorasudan.app-2451076.html
3,339 حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
10130 حملو التطبيق
على متجر mobogenie
http://www.mobogenie.com/download-net.koorasudan.app-3573651.html
1000+ حملوا التطبيق
قشة ماتعتر ليكم. نفذوا بدون جعجعة يادلاقين. تهديدات الأسد خلتكم تجروا وتتلفتوا.
احسن ارتاحو العرايا من غسيل الصابون
ههههههههههه يعني بالواضح كدة لو القرعة رمتنا مع الهلال وأسده المرعب برضو حاتقولوا ماعاوزين وتجروا؟ ههههههههه والله الناس البكايين ديل مشكلتهم مشكلة كبيرة، وأسي تلقاهم بيفتشوا في الدجالين والمشعوذين زي عوايدهم، عشان كدة ربنا وراكم وشعللها ليكم نيران ماتنطفئ أبداً…..!!
الغريبة الليلة معظم كتاب الإعلام التحريضي السالب وحتي المشجع المهووس أبوالمستعار واقعين كسير تلج للبتاع الطوالي عشان يخففوا غضبة الجمهور (البقي واعي جداً) علي باباهم، وعمنا أبو المستعار تاني رجع لشغل المادة شنو والمادة ياتها ماعارف، والمضحك عمنا سمعة بقي زي المجنون الماشي في الشارع وبيقابض في الناس ويسأل فيهم شفتوا غنمايتي مشت وين؟
ربنا يزيدكم كمان وكمان من النواح والعويل والسكليبة أشكال وألوان، طالما إنو راجل واحد ومعاهو خبير التخدير المرشدي جارنكم من إضنينكم وبيضحكوا عليكم ……..!!
لكمة أخيرة: قالوا ناس المرخرخ بعد ما جروا من كورة أمبارح عاوزين يشتكوا حكم المباراة !! والسبب قالوا إنو عنده سابقة قديمة مع المرخرخ وما كان حايحتسب ضربتي جزاء لآوكرا ورمضان عجب أمبارح، وكان حايحتسب خمسة أقوان تسلل للهلال….هههههههههههههههههههههه
ارحم و اكرم لنا الانسحاب من منافسات الاتحاد السوداني و علي ادارة المريخ ان تستعد لتكملة نواقص الفريق للمشاركات الخارجية .
سؤال برئ نوجهه للدولة ممثلة في وزارة الشباب و الرياضة الاتحاديه ما هو دور الوزارة في العبث الحاصل بشأن الرياضية من قبل اتحاد الكرة الذي في كل عام يخلق مشكله يكون طرفها احد اندية القمة من هو مجدى ؟؟؟ و من هو اسامه ؟؟؟ و من هومعتصم ؟؟؟ هل الدوله كل همها الجوانب السياسية و انجاح الحوار الوطني و توزيع الحقائب الوزارية علي الاحزاب؟؟ و كلا يعمل علي هواه ؟؟؟ و هل ليس لديها مسئولية في محاسبة من يقصّر في اداء واجبه من منسوبيها و اشاعة قانون الغاب في وسط الخرطوم ؟؟؟ نطالب برد من وزير الرياضة او المجلس الوطني في هذا الشأن ؟؟؟
……………………………………………………………………………………………………..
اوقفوا العبث رحمةً بشعبكم الوفي الصابر علي المحن و الإحن؟؟؟ هل نحن نبحث عن بورسعيد جديده في الخرطوم ؟؟؟