المهم غلبنا
في السلك
بابكر سلك
المهم غلبنا
*انتصر الزعيم علي اهلي طرابلس باي (هوك-كمبالي) OR (كروك- الجزولي)
*انتصر الزعيم بالرغم من انو الانتصار ماكان في كورة قدم
*كان في اي شي الا كرة القدم
*هرجلة ممكن تكون تعبير جيد لما قام به لاعبو المريخ
*حاجة كدة مامعروفة شنو
*حتي الجهاز الفني غير انو قام برص حداشر لاعب داخل وحول خط طمنطاشر ماعمل شي
*وسألت نفسي عن مليارات التسجيلات ودولارات اعادة القيد
*بحثت عن كل ذلك بين اقدام اللاعبين فلم اجد منه شي
*ولا مليم
*هذا المستوي
*سواء كان من اللاعبين او من الجهاز الفني
*مابعمل شي غير يعجل برحيل المريخ خارج المنافسة
*نعم لانحلم بالاميرة السمراء
*فهناك من ظل يحلم بها تسعين سنة دون انقطاع
*لما الاميرة بقت قدر اليزابيث ولم ينل ودها بعد
*لانحلم بالاميرة ولكن نحلم بالتقدم في المنافسة بعيدا
*وبهذا المستوي مجرد الحلم يعتبر ضربا من ضروب الجنون
*علي كل
*انتصرنا قسمة ونصيب
*وما النصر الا من عند الله
*والحمد لله الذي نصرنا برغم سوئنا
*والحمد لله الحكم شاهد ماشافش الكورة لما لامست يدل الزول
*الله شافنا قام الحكم ماشاف
*لو الحكم شاف كان عيننا ماشافت الا النور
*ايها الناس
*الم يكن الاخ حازم علي حق حينما قال حتي الجمهور ببخل بدخول المباريات
*مع احترامي لكل من تواجد داخل قلعة شيكان متكبدا كل الصعاب
*هل كان عدد الحضور مشرفا لنادي في قامة المريخ الجماهيرية؟؟؟
*مريخاب الابيض بس مفروض يملوا الاستاد
*نقول معليش الناس طولت
*والجايات اكتر من الرايحات
*ونكرر شكرنا لله علي نصر في حقيقته هبة منه
*ايها الناس
*اليوم يلتقي شباب تنزانيا بالحالمين
*الحالمون بود الاميرة السمراء
*يحلموا بيها لما بقت قدر اليزابيث
*اخاف علي الحالمين من راس الحربة وحظ شباب تنزانيا
*قال ليك الشباب التنزاني ده شدة مامحظوظ
*لاعب ليهو كورة محتاج فيها لاربعة اقوان
*راس الحربة البعاتي بتاعهم ده جاب تلاتة
*والدقيقة تسعين
*الحكم رفع دقيقتين والكورة ضربة مرمي لصالح الفريق الخصم
*حارسهم شاتها ووقع
*الكورة جات للبعاتي شاتها دقت في الحديدة
*رجعت دقت في مدافع الخصم ودخلت قون
*جماهير شباب تنزانيا قالوا حظ زي ده مابجيهم الا يوم السبت
*والليلة السبت
*اسي جمهور الشباب التنزاني كلو بغني جمب الاستاد
*الداير (السبت) يجينا يوم السبت ياناس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قالوا ندي القلعة تغني في حفل استقبال ايلا
*ناس قالوا ماياها وناس قالوا ياها بي جضومها واضنينا
*الصاح شنو يا والينا؟؟؟
سلك كهربا
ننساك كيف والكلب قال مابصدق لانها في الاعتصام اعتقد جاتنا وبحلقت عينينا….هي الناس دي مالها؟؟؟
والي لقاء
سلك
مووووت بي غيظك يا عمك تنقو، وكان للحظ أسأل مواسيركم الغليدة الفازوا بالعناية، وما عاوزين نتكلم عن ضربة جزاء الأهلي الليبي، بس لو جلدوكم في طرابلس البلد ما بتشيلنا سوا !!
الله شافكم ياتنقو، بس مافي كل مرة تسليم الجرة و…….وليكم يوم !!
يا عمك تنقو سمعت قالو الحكم المره دي قبض ايفون طبعا انتو مشهورين من زمان الجلاكسي ضربتين جزاء عمل منهم رايح حرام عليكم طيب كان يديهم حقهم ولو في واحده قلت لي ايفون برو ٠13ولا الكلب قال شنو يا عمك تنقو حك صلعتك برجله الشمال وقال اي اي اي فووووون
كويس انك اعترفت بصحة ضربة الجزاء المستحقة للاهلي الليبي. لن نطعن في ضمير الحكم كما فعلت انت وغيرك عندما اتهمتوا الحكم الصومالي بإنه مرتشي وجامل الهلال. الان ماذا تقول عن ضربة الجزاء اللي انت اعترفت بيها؟ هل الحظ في كورة ضربت في العارضة ولم تدخل المرمى ام الحظ في اربعة فرص حقيقة ضاعت من الهلال بطريقة لا يصدقها عقل؟
قلت ليك يا عمك تنقو وسأقولها للمرة المليون: مافي شىء حينفعنا نحن كهلالاب غير “نواياكم الطيبة”. لن نتوقع منك انك تقول الحقيقة وهي انه الهلال قدم مباراة رفيعة المستوى لم نشاهد مثلها لفريق سوداني من فترة لانه دأبكم هو التقليل من الهلال والحقد عليه. و “الحسود لا يسود” وباقي اسبوع وتتفرز الكيمان.