الواتس اب بقى تقيل من شعبية و جماهيرية المدير والمساعد في العربية مهم
تغريده واتساب
بقلم : معاذ ابومؤيد
الواتس اب بقى تقيل
من شعبية و جماهيرية المدير
والمساعد في العربية مهم
????
لم اسلم من الانتقاد امس علي التغريدة ولم يرتاح الموبايل من الرسائل الفردية والجماعية
من جميع دول العالم
السؤال هل الانسان المذكور في التغريدة مسبقا معصوم من الانتقاد
هل اصبح عشاق واحباب النجم والرمز يعشقون الافراد علي حساب الكيان
هل نحن ماضون علي نهج الجار من الناحية الجنوبيه
وهل سنسمح للصحافة بقياده مركب الكيان
وهل نسمح للاقلام وضعنا اينما تشاء كقطع الشطرنج !!!!
????
لم ولن نبجل شخص علي حساب الكيان
المريخ هو الباقي للاجيال سنذهب جميعا فردا فردا وتبقي النجمة لكل الاجيال لن يبقى قلم او تبقى إدارة سيبقى المريخ عشقا للجميع
والجماهير من ستورثه للاحفاد
اتيتا للدنيا ووجدنا المريخ الكيان موجود
وسنرحل من الدنيا والمريخ سيظل هو الزعيم والكيان
????
رددنا علي عمود صحفي وانتقدنا ما جاء فيه باحرفنا ولم نقدم الإساءة ولم نتجاوز العرف الصحفي الصفوي
كل له راي وكل له وجهة نظر
المريخ لم يولد اليوم!!!!
هل قبل التسعينات المريخ كان مستباح ولايوجد من يدافع عنو!!!!
للناس البتقول دا خط الدفاع الاول
وهل قبل التسعينات لم تكن هناك خطوط حمراء!!!
للناس البتقول دا خط احمر
وهل الصحفي اكثر عشقا منكم ومنا للكيان
لم اسعي لشهرة او اتقاضى مال علي كتاباتي
للذين يصرحون اني ابحث عن الشهرة
احمد الله علي علاقتي الان ومتاكد تماما انهم منقسمون معي وضدي
لكن علي يقين تام ان دعواتهم ستلاحقني في حياتي او مماتي
لذلك لااسعى لشهرة
همي المريخ وعايز المدرج ملياااااااان
اكتفي بذلك تعقيبا لتغريدة امس ومنتقديها
????
نرجع لقضايا معشوقنا وحبيبنا الزعيم الكياااااااان
معقولة ياناس التسيير
المدرب ماصرف راتبه ولا المعاه
والوك خارج الشقة وسكنه لعدم سداد الايجار…
والشركات حاجزة عربات الاجانب
عشان الاقساط
حنرجع تاني لنقطة البداية
اصلو ما وقت تاخر استحقاقات مالية
لأنه مقبلين علي استحقاقات قارية
والمواجهة المرتقبة لا تقبل القسمة علي اتنين
وربما تكون اخر مواجهة للجنتكم
انستروا في الاشواط الأخيرة وخليكم مثل كاكي نفسكم ماينقطع….
الشفوت شالوا عن كاهلكم الكتير
ودعموكم قدر قدرتهم
كمان خليكم مع الناس في خندق واحد
اصدقوا في تصريحاتكم ووضعكم المالي امام الجميع
?????
باقي ليكم ايام احرصوا عليها واتركوا ما يشفع لكم مع الزمن
نفسي اعرف راحت وين النص مليار بتاعة الدخل
مش مفروض تتوجه للفريق مباشرة
والله انا لو مكان اللجنة من صناديق التذكرجية طوالي اوزع علي للاعبين والأجهزة الفنية واسدد منصرفات المباراة من فنادق وتذاكر حكام
مابخلي الواطة تصبح ذاتو
وانتو لو الفلس ضاربكم منتظرين اخر ابريل لشنو
امشو للوزير من اسه باستقالتكم
المريخ حاليا يعاني ماليا وخبر عودة الوالي اغلق جيوب بعض الداعمين
????
دا كلو كوم وقصة مساعد المدرب كوم تاني
هل يوجد فريق في العالم عندو رغبة في الفوز ببطولة يكون من غير مساعد مدرب ومن غير مدير كرة
ياجماعه قولوا ايميل دا بس لقينا الصباح مافي البدربنا منو
ولا سافر بلجيكا لواجب عزاء او عندو زول عيان !!!
او اتوتر ساكت وباله مشغول مع بلجيكا
اسه تدريب امبارح دا الكان ماسك التدريب منو!!!
المساعد في كل مكان موجود
مساعد شرطة للظباط
مساعد كابتن للطيارين
مساعد لناس الباصات السفرية واللواري
يعني المساعد مهم ومهم جدا ايميل دا لو جاتو كومه سكري البكورك في اللاعبين منو
نقول ادوه كرت احمر في مباراة حيتكلم مع منو بالتلفون عشان يوجه اللاعبين
????
أمير دامر حردان وعندو خلاف ياجماعه أضربو عصفورين بحجر جيبو محمد موسي مساعد مدرب ومدير كره
تكون وفرتو راتب شخص وعبيتو الخانتين وخففتو الدكة
بس البقنع الديك منو إنو الدنيا نهااااار ومافي داعي تكوكي
قصه نخفف الدكة دي شكلها ممكن تخفف جيوب ناس وصلاحيتهم ومصالحهم
الزبده المساعد دا مهم حتى في العربية
العربيه من غير مساعدات رأيكم فيها شنو لناس الحديد
????
ختاما
المريخ كيان موجود من قبل مانتولد
ما محتاج نقدم الافراد عليه لان المريخ من صنع الاسماء وليس العكس
جارنا ضاع بسبب الاهتمام بينا والتقليل مننا
وضاع لتمجيد اقلام الكتاب وسط المدرج
ضاع عشان أعمدة المناكفات اصبحت مهمة في زمن نحتاج الي نقد الزات
ماعايزين نضيع مثلهم
????
ونحن علي المدرج ونتفرج شفت جنب شفت والتراس جنب التراس ورابطة جنب رابطة
تعالوا نبني بيتنا وماعلينا من غيرنا نحن نمشي لقدام وهم يتفرجوا وكل مانبني طابق هم حيتحسروا
ناكفهم يوم وابني قلعة الكؤوس باقي الاسبوع
عشان نمشي لقدام
مانقعد نشغل نفسنا بالغير
وحاليا هم همهم تدميرنا ونفسهم طيرانا
وبصرحوا بيها علنا علي القنوات الفضائية والصحف
وفي واحدين منهم دخلوا مواقع الفريق الجزائري نفسهم ياخدوا الجنسية عشان نحن نطير
بالمناسبة مسموح ليكم تكوين رابطة وفاق سطيف بالسودان ونديكم مدرج كمان تعالوا ادخلو عشان نستفيد من الدخل منكم والمليار يرتفع
وبالمرة نكشفكم للعالم انه ديل الحردانين والطارو من البطولة
عشان فهمهم دا مايتحقق الكلام دا لعشاق وفاق سطيف السودانيين!!
????
كل قروب يرفع تمام الدعم لمشرف القروب عشان نجهز حالنا لمباراة سطيف
عايزين نجهز نفرة المدرجات من اسه
لاذم نكسر حاجز المليار
سطيف لو إتشطف واستحمى
في ناس كتاااااار حيمشوا يرقدوا في البحر عديل عشان حيكون حمام دائم!!
????
خارج النص
الأجانب واللاعبين المحليين ديل كلهم عندهم اصدقاء مافي (شمار بندسه) عشان كده خليكم صريحين مع الاعلام في كل مايخص الاجانب والمحليين من قضايا ماليه يالجنة التسيير الوضع لايحتمل اي تكتيم اعلامي….
الصراحه رااااااااااحه !!
