حكم وجكسيتين
عن كثب
إدراك عبدالرحمن
شهدت لقاء الهلال الاعدادى مع ليباردز الكينى على قناة الهلال الغراء ولابد ان نقول ان الهلال اختار فريقا مختل الفهم وركيك فى مفاهيم التجارب الودية فالحكم ومساعديه الجكسى لم يحسنوا الاضافة والضيافة فالحكم كان همه الانتصارعلى الهلال وليوبارد لعب بخشونه كادت ان تقضى على جوفيانى وحقيقة ربك لطف والا كان سيكون مع عمار فى مستوصف واحد لاادرى لماذا عامل ليباردز الهلال الفخيم بمبداء الربح والخسارة وهو يعلم ان الازرق اختاره ليقدم له خدمه اعداديه طيبه يستفاد منها الا ان الحكم ومساعديه تعاملوا بروح عدائه غريبة؟ قد يكون تشجيع ابناء الجالية السودانية اثاروا حفيظتهم ؟ الحكم قاطع بنلتيات من بنات افكاره اغضبت اللعيبة الا ان الامر برمته يعتبر تجربه اعداديه ليس الا صحيح الامر كان مضحكا لكن هناك وسائل اسفتزازية كروية راقية مثلا كان جمعة يعطى الكورة لمنفذ الركلة وما يتحرك عليها واول مايشوت يعاين جمعه للجوارب او الشربات او ينظر للشعار ويخليها تخش دون انفعال ونرفزه تزيد من اسهمهم ويواصلوا اللعب بروح طيبة تحرج المضيف اذكر ان الهلال سحب فريقه عندما تحامل عليه الحكم مع الهلال السعودى فى لقاء ودى وطالبهم النقر بعدم الانسحاب والغضب لان الحكم لايحب هزيمة الهلال السعودى تحت اى ظرف ولو بالهزار، فريق ليباردز فريق سيكافى ساذج لايدرى ان الهلال جاء للاعداد وصقل الصلات ولكن للاسف تعامل بخشونة ورعونة ..وخسرنا جيوفانى الذى كنا نتوق لمعرفة مستواه مع ليسكر ولو ربع ساعة فقط وللاسف رجع مع المجموعة الى امدرمان كعقاب ولكن حقيقة الراجل كان داير يلحقو امات طه فهو غير مليم.
قوات الدعم السريع وصلت كينيا بقيادة بشه واصبح صعب وضع تشكيلة مناسبة للقاء ليسكر انا اشفق على ليسكر من كتيبة الهلال فهو ان شاء الله هالك لامحالة فالكتيبة الراجعة كانت كفيلة بالقضاء عليه وفى امدرمان فى الاياب بالجوهرة سيكون من ضحايا الجوهرة المقبرة باذن الله
حقيقة الهلال لديه عناصر جيده واقول لجماهير الاهلة الممتاز سيغطى كل هذه المواهب الشغل راااقد ماتستعجوا فالممتاز واضافة الى المجموعات تحتاج للجميع كولا.المعتصم.افول الكل يجهز ودكتور شداد قال ما بوقف الممتاز زى ناس اللقيمات فريق يسافر وفريق يلعب دون توقف.
بنو الاحمر
تلقى هزيمة تجريبيه 2\0من بيت داده لا اريد ان اسخر من المريخ ولكن كان الله فى العون لان الهلال لديه عناصر وبدائل قوية.. احتياطى الهلال المركزى جاهز بانق موية ونور لكن احتياطى المريخ اصابات ولذلك لا اصابات فى تجاربه ولا هدف ..والقصة تاعت اتنين اتنين دى شنو؟ماعلينا المهم المريخ جارى بالمجلس ده الباشمهندس المعتصم قال ماجاتو استقالات طيب خشم الموس حسب ما وردنا استقال يعنى المسمى على الجوكر يكون رئيس المجلس ؟ ااناس؟ طيب لجنة التسير مش حايكون عندها رئيس اذا كان كده الوزير يعين الباشمهندس المعتصم رئيس نادى المريخ ويكمل عليه اعضاء اخر بس لمن المريخ يكون عندوو رئيس ده مكسب كبير ياخونا فى قطار بدون ديزل؟ وهو سافر كيف الفريق اديس كيف؟انا راهنت عليه وسافر وساءلت كيف؟ معقولة قروش السمانى؟ تبرعات؟ عموما المشكله ستبداء فى الممتاز وبعيد لقاء بتسوانا.الله يسهل.
قصاصات
السمانى يتألق مع الاتحاد الله بريدك كفيت ووفيت مع القومى وانعشت المريخ تعال لى عمك كاردى ولا حاتلحق جمال سالم
جمال سالم شغال زمبلك يدو قروش يشتغل تقطع يقيف
شداد يوجه بتحويل بيكو للجنة الانضبط حقيقة من جمال الوالى فات بيكو عيان
مورينو مدرب عام من منازلهم ..اومدرب الراجعين
بدور ببكى
شمهروووش اجمع
شبيك لبيك مولاى
المريخ اخبار
ميزيرى مولاى ارميمزو انا قعدت اجعر سكتتنى الداده افهوك كمينجىلو لو اشتغلوا طلب وعمال فى سد النهضة احسن من قصة الكورة دى امهوووج موهاهاهاهاها امهوووج مووهاهاهاهاها امهووووووج
امهوج يعنى دى نهايتكم
تحياتى
(ثمَّ اجْتَبَاهُ رَبُّهُ فَتَابَ عَلَيْهِ وَهَدَى)
حمل تطبيق كورة سودانية لتصفح أسرع وأسهل
لزوارنا من السودان متجر موبايل1
http://www.1mobile.com/net.koorasudan.app-2451076.html
2,456حملوا التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
17756 حملو التطبيق
على متجر apkpure
https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app
على متجر facequizz
http://www.facequizz.com/android/apk/1995361/
على متجر mobogenie
https://www.mobogenie.com/download-net.koorasudan.app-3573651.html
على متجر apk-dl
http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9
على متجر apkname
https://apkname.com/ar/net.koorasudan.app
