حنجدد كروت البي ان اسبورت،،،، والليله الاستاد مليان شفوووت،،،
تغريدة واتساب
بقلم : معاذ ابومؤيد
حنجدد كروت البي ان اسبورت،،،،
والليله الاستاد مليان شفوووت،،،
جاهزين ياشفوت المدرجات،،،
عايزين كل الشفوت القلعة جوة
مع الكهرباء المجهجه دي احسن تكون في الملعب اخوي الشفت ،،،
ماتكون بتحضر فيها ومع باص من سلمون لبكرى الكهرباء تقطع !!
حيفوتك نص عمرك،،،
لانو حيكون باص قوون ،،،
تعال الاستاد وخليك مع الشفوت
شوف الاستاد ممتع بس مافيه اعادات !!
لكن مع الشفت الجنبك ممكن تشوف الاعادة في عيونو
شفت كيف لم يقول ليك ياخي دا باص مجنون ،،،
ويقعد يكورك ويديك تسالي معاه ،،،
ياخي دي متعة فاقدناها المغتربين وناس الولايات ،،
تعالو عصرا بدري ،،
اللعيبة قابضين ومزاجهم عالي
تعال ومعك اخرون،،
اللبس ضروري ذيو وذي الموية والتسالي !!
احمر واصفر بس،،،
عشان من مباراة اليوم ننتظر القرعة اصلو السنة دي انتظرنا القرعة كتير ،،،
البي ان اسبورت نقلت لينا قرعات كتير ،،،
مجموعات ياشفوت ،،
نصوم ونحن في المجموعات
والله عز ،،
تكون بتفطر ومنتظر المباراة في المجموعات
اول زول تقوم من برش الفطور ،،
والبقيه ياكلو البليلة حنظل بس !!
ويقولو ليك دا كاس حمام من مغستهم !!!
يلا دا كلو منتظر جيتكم اليوم ومن عصرا بدري،،
جيتك اليوم معناة ناس البي ان اسبورت حيكسبوا من تجديد اشتراكتنا نحن الشفوت،،،
اصلو المجموعات منقولة عندهم ،،
جيتك للاستاد ياشفت تفرق كتير مع ناس امير كمال وجمال سالم وسلمون ،،،،
تعال واستمتع مع الالتراس والتيفو ولو فاتك قون ناس قناة انغام حيعيدو الكورة اكتر من الاغاني ،،،
يعني تاني تشغلوا انغام اكتر من ام بي سي اكشن ،،،
كل مرة تتفرج فيها لانها حتكون متعة ،،،
••••••••••••••••••••••••••
غايتو جدد اشتراكك في البي ان اسبورت بدري عشان اسعارالاشتراك ماتزيد من باكر ،،،
تعال بدري عشان تستمع لناس التيفو وهم يشرحوا ليك
وخليك مستمع جيد عشان العمل يطلع جيد،،،
مباراة اليوم نكون او لانكون
ياصمنا واكلنا بليلة مرة ذي الجماعة ،،،
ولا نحلل صيامنا وبلحنا في يدنا والرموت في يدنا ،،،
تعال عشان عيد الفطر الناس تكون مارقه مشوار وانت منتظر اخوان امير كمال،،،،
غايتو الخريف ظاهر من تباشيرو
ومطره امس دي بشارة خير،،
مطرة في خزنتنا
ومطرة في الجو
شفتو العز دا كيف،،،
اللهم اجعلها امطار خير وبركة للجميع وترفع سخانة الجو عن الجميع،،،
••••••••••••••••••••••••••
مسك الختام
المريخ بمن حضر والشفوت حتنسى اي الم وننسي اي ادارة
الكيان ثم الكيان ثم الكيان
••••••••••••••••••••••••••
ونحن علي المدرج ندعم ونشجع ونتفرج
يوم الخميس دعمنا
ويوم الجمعه اتفرجنا علي عالم الرياضه وساعة رياضة
وونسي ماقصر ادانا جرعة ابتسامة زيادة وقال مامترشح
يعني تاني ياشفوت يوم التشجيع الليلة ماناقص حاجة!!
مطمنين للوضع المادي
ومطمنين لعدم الترشيح
والجو فارض نفسو
تاني تزكرتك ومويتك والتسالي
وتلبس احمر واصفر
وماننسي الدعاء
وياناس الاذاعة بتاعة الاستاد القران شغلوه من الصباح ولحدي دخول الجمهور،،،
دي وصيتنا ليكم يادراج
ساعدونا بالتكبيرات ياشفوت المدرجات ،،
باكر عيد لكل مريخابي
••••••••••••••••••••••••••
همسة اخيرة
شكرا لقروبات ناديك يناديك
مدرسة في التعامل مع الملفات المالية،،
تعرفوا من اين تؤكل الكتف
شكرا ليكم وانتم تدعمون لعيبة الفريق بمبلغ خمسة وعشرون مليون….
مليون لكل لاعب ،،،
خليتوهم يضحكو سن سن
مليونات ناديك يناديك حتعمل عمايل الريدة فينا !!!
شكرا ناديك يناديك
شكرا لناس التيفو مجهودكم مقدر والله ،،،
تعبكم مابروح ساكت باذن الله ،،،
شكرا للقروبات الدعمت بالعصائر والفواكه والضبايح،،،،
غايتو المامنكم واطتو صبحت،،،
كل شفت عندو مبادرة
وكل قروب عايز يكون في المقدمة
مريخنا ادانا دروس في الريادة ،،،،
••••••••••••••••••••••••••
خارج النص
لينا عودة لحلقة الشروق الايام القادمة
ولينا عودة لملف دائرة الكرة وحوامة انصاص الليالي !!!!
حوامة وشيشة !!!!!!!!!!!
دي محتاجة ليها تغريدات جون سينا!!!
الملف دا تحت رعايتكم الشخصية!!!!
ياناس انغام انستروا معانا في الصورة والصوت وشوفوا لينا معلق يمتع المشاهدين خارج ولاية الخرطوم والسودان!!!
ناس ولاية الخرطوم ماعندكم اي عزر للحضور ،،
اتزكروا البليله في رمضان والبرش القدام بيتكم،،،،
حضوركم حيرسم خارطة طريق طويل ،،
تعالو عشان موسمنا يكون طويل طاعم مامسيخ،،،
اليوم عطلة مافي اعزار
والسبت يوم الخبت ،،،،
ساعدونا بالدعاء
**************************
الي كل قائد مركبة
اتصالك وواتسابك مهم لكن حياتك اهم
نغمة موبايلك ملحوقة كان رسالة ولا اتصال ركز في الطريق اخونا ابو العيال،،
فتنااااااااكم عافية،،،،،،،،،،
**************************