*حمدوك كراعو خضراء
*اول مباراة للمنتخب في عهدو وخارج الارض انتصرنا فيها بالتلاتة
*تلاتة رائعات وكأنهن يشاركننا ثورتنا الفتية
*لذا اسمينا الاول حرية
*وكان الثاني سلام
*اما الثالث فهو عدالة
*إنتهت كورتنا ضد شاد الشقيقة لصالحنا بنتيجة حرية سلام وعدالة مقابل عسكرية للشاديين
*ولعله فأل خير برغم تواضع الخصم وضعف الاعداد
*البلد دي الخير جاييها كتييييير
*شوية صبر ومجهود مننا جميعا
*ويهطل علينا خيرنا
*حقنا
*موش خير غيرنا البمتني بيهو علينا
*حاجة تقبض القلب
*لما لاعب الوصل يقول للجمهور خير زايد مغرقكم
*وهو لايدري انه لولا خيرنا لبقي هو وجده مقرقبين يبحثون عن لؤلؤة وسطي
*لايعرف اننا سفرنا ليهم النيم بالطيارة
*بي فروعو واوراقو وطيورو راكات فيهو
*لما شيخ زايد قال بدي ابوظبي تصبح متل الخرطوم
*نحنا اهل الخير قبيل
*لكن عهد الذين جعلوا وطننا مسخرة هو الجاب راسنا الواطة وخلي زي لاعب الوصل ده يتكلم فارغ
*اصبروا
*مدنياااااااو اول همها اعادة كرامتنا التي اهدرها المخلوع بقبول الظروف والغمت من اي عقال حايم
*مرحب بكل العالم اذا كانت العلاقة بيننا وبينه علاقة ندية واخاء
*لكن تعالي وتكبر وجوة شؤوننا تدخل
*الف لأ
*ولن نسمح
*ولهذا ثرنا
*ايها الناس
*لم اسمع عن اعتذار لاعب الوصل الذي تجني علينا
*ولم اسمع باعتذار ناديه اكراما لنا
*ولم اطالع علي اعلامهم توبيخ للواقعة
*ولا من بعض جماهيرهم لوم
*المهم
*كراع حمدوك خضراء علي المنتخب
*وعلي البلد باذن الله
*وعلي الثورة
*فالثورة التي صنعناها كنا راكبين قدام فيها
*لم نتشعبط علي آخر محطاتها وقطارها يدخل لارض الاعتصام معلنا نهاية عهد الاستبداد
*لذا يهمنا جدا ان ننسب اي انتصار للثورة
*ايها الناس
*اكتب قبل اعلان الوزارة المدنيااااو
*واكتب قبل لقاء اولمبينا بالشقيق النيجيري
*واتمني ان تطال كراع حمدوك الخضراء منتخبنا الاولمبي وينتصر للثورة
*ايها الناس
*اذا انتهي الجزء الاول من الثورة باسقاط الفساد
*الثورة لم تنتهي
*وعلينا ان نبدا بالجزء الثاني منها
*العمل علي بناء الوطن
*فنحن لاننتظر عصا موسي الحكومة المدنية
*علي الشباب واجب تقديم الجهد لاجل الوطن والنفير
*شوارعنا وطرقاتنا ومدارسنا واسواقنا
واشواقنا تحتاجنا بشدة
*واذا اشتغلنا صاح
*شدة وتزول
*نقول بسم الله ونغير السؤال البقول البلد دي عملت لينا شنو
*لسؤال صعب ولكنه عميق
*نحنا عملنا للبلد دي شنو؟
*المهم
*حجوة ام غريزينة
*تطرح اسئلة كثيرة
*غارزيتو داير كم؟
*عقدوا كان بي كم؟
*استلم كم؟
*مستند الاستلام وين؟
*انهاؤه لعقده من طرف واحد كان مخالف للعقد ام يوجد نص يعطيه ذلك الحق؟؟؟
*غرزة مشي الفيفا طوالي ولاعرض تسوية؟
*اصل المطالبة كم؟
*وهل عقدو معانا فيهو شرط جزائي لصالحنا؟
*ولييه؟
*هل انذر غرزة بالايميل مجلس المريخ بفسخه للعقد اذا لم يستلم حقوقه؟
*ان كانت الاجابة بنعم متي كان ذلك؟؟؟
*وهل اخطر غرزة المجلس بانه قد قام بفسخ العقد من طرف واحد؟؟؟
*وماذا فعل مجلس المريخ وقتها؟؟؟
*ومنو الكلف وفوض محامي اوكتاي بالرد شكوي غرزة؟
*وهل تم تسليم ذلك المحامي المستندات التي تمكنه من الرد؟
*طب لييييه؟؟؟؟
*ايها الناس
*الوقت لايسمح بالسؤال التقليدي
*غلطان الفكاها عارت ولا اللقاها عايرة اداها سوط
*لانه مهما كانت اجابة هذا السؤال خسران المريخ
*لو غلطان الفكاها عارت
*خسران المريخ
*ولو غلطان اللقاها عايره اداها سوط
*برضك خسران المريخ
*الحل في امة المريخ
*سمعت بمبادرة للقنصل حازم
*وسمعت بسعي لبعض الاقطاب
*ولكن يسرني جدا مشاركة الجمهور
*وياسلام علي قروب مريخ البطولات الذي بدأ فعلا في جمع مساهمات اعضائة للموضوع ده بالسوداني والريال والدولار
*هذا القروب العظيم يحتاج وقفة عنده
*بعد نخلص من حجوة ام غريزينة سنعود لقروب مريخ البطولات
*وسيعود المريخ للبطولات
*وكان سيسرني اكتر لو ناس المجلس كشكروا بقرشين تلاتة في الموضوع ده
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*اعلنوها لينا
*ولا لسه مدورين بينا؟
سلك كهربا
ننساك كيف والكلب قال انا بقيت انوم بدري كان اعلنوها الصباح بعرف….وهز ضنبو وحك اضانو بي رجلو الورا وناااااااام
والي لقاء
سلك
