رمضان بدون سلطة روب

في السلك

بابكر سلك

رمضان بدون سلطة روب

*رمضان في السودان طقوس وعادات وفهم وقيم واطباق اساسية واخري تحرج مستبدلة في ايام لتدخل اطباق بديلة
*وبليلة
*رمضان شوربات وشربات وسلطة روب
*الشوربات بالخضار بتبقي
*بالبرسيم بتبقي
*بصلة ودكوة بتبقي
*والشربات لو تموص ليمونة بببقي
*الليمون الغالي ده
*لكن سلطة الروب هي الطبق الوحيد المابتقلد
*صيني ماموجود
*يا اصلي يا مافي
*واختفت سلطة الروب لاول مرة في تاريخ السودان من مائدة رمضان
*كاس الزبادي بتاع الشركات اياها فاق الميتين وخمسين الف(بالقديم)
*لان تلك الشركات لا بتخاف من رقابة ماموجودة
*لابتخاف من حكومة مامهمومة بهم الناس
*حكومة لابتجيب موية لابتجيب كهربا لابتوفر كراس
*وحتي الاسر المتعففه (السودان كلو بقي متعفف) حتي الاسر المتعففه والاسر المنتجة لاتستطيع صناعة زبادي البيت
*لان منافسة تلك الشركات للمواطن في سوق اللبن اوصلت الرطل لمية وعشرة
*زمان في رمضان اللبن برخس
*اسي بغلي اللبن وبرخس الانسان في رمضان
*كيلو الخيار بستمائة الف
*الخياياراية تقع بالشي الفلاني
*والعجورة اصغر من ضنب الجقر الحايم علي الخضار بمنتهي الحرية في الاسواق وبالشي الفلاني
*وتبقي حقيقة واحدة ومقولة خلفها الف معني
*الليلة وووب اختفت سلطة الروب
*المهم
*الفيفا ماجابت جديد
*لكنه تمديد مغلف
*ومتي يستتب الامن وتستقر الصحة لتقام جمعية اجازة تعديلات النظام الاساسي حسب خارطة الطريق
*زمان برانا حشرنا الفيفا في شأننا
*وهاهي تحشر انف الاتحاد فينا
*الفيفا الخاينة
*الفيفا القاصدانا
*كان ما اخاف الكضب
*الفيفا الهلالابية
*ايها الناس
*زمااان قلت ليكم
*مايطول عمر طويل العمر الا معارضة طويل العمر التي تستعجل الهدف فترتد الهجمة ويستفيد آدم

*ايها الناس
*بالطريقة دي رمضان الجاي عادي ممكن المغرب يأذن ولا يحرك فينا ساكنا او ملعقة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*موتة دبي دخلت علينا
*وحقو نفرش يا والينا
*لانو الفقد واحد وجلل يا والينا
سلك كهربا
ننساك كيف والكلب قال نسدها بجاي تتقد بجاي
والي لقاء
سلك