شاخور ماكان عندو قروب واتس والشهرة لاتاتي بالكلام تاتي بالعمل فقط،،،،،
تغريدة واتساب
# بقلم : معاذ ابومؤيد
شاخور ماكان عندو قروب واتس
والشهرة لاتاتي بالكلام تاتي بالعمل فقط،،،،،
باقي خمسة ايام لنفرة القروبات
وفي ناس محتاجه اعادة صياغة
بس حنفكر كل زول عايز يشتهر علي حساب القروب تبعة
شاخور اسس المريخ ودعم المريخ من اير قروب واتساب او صفحة فيس
عمل بعيد عن الاعلام حتي اتاه الاعلام والشهرة تزحف علي قدميها
عرفتوا الفرق!!!
من يبحث عن الشو والشهرة فليبحث عنها بعيدا عن قروبات الغلابة والكادحين
اعمل من حر مالك ودع عملك يتحدث عنك
لم اعمالك ترى النور سيتسال الناس عن صاحب المجهود
حينها ستشتهر
لاتتسلق عبر قروبات الواتس اب وقروش الاعضاء وتلمع شخصك او تلمع نفسك !!!
القروب ليس باسمك
انما كل القروبات يسبقها اسم المريخ او يعقبها اسم الزعيم او يتوسطها اسم المارد او معناها يرمز الي الجمهور
يعني انشاءك للقروب لايعطيك الافضلية بالنجاح
الاعضاء هم اصحاب الفضل عليك
لذلك نصيحة اخوية لكل مشرف
دورك فقط التنظيم للعمل
وانت مجرد مؤتمن علي اصوات ومال القروب،،،
كل واحد او مشرف يبحث عن الشهرة او المنصب علية ان يعمل باسمة او يظهر العمل من حر مالة فقط !!!
الكلام دا مقصود بيه كل شخص باحث عن الشهرة او التلميع او المنصب
وكل شخص الكلام دا حرك فية شعرة يتاكد تماما انة مقصود
طبعا التحريك ليس بالاعجاب ام بالسؤال هل انا المقصود!!!!
الاجابة متروكة لكم
••••••••••••••••••••••••••
الرسالة التانية لاصحاب الانفة والتعالي علي الاخرين
تزكر فقط انك ذاهب وستبقى اعمالك
تزكر انك ربما نترحم عليك غدا
هل ستخلد ذكرى طيبة خلفك ام الترحم سيكون من باب اداء الواجب!!!
عملك وحده وتعاملك من يجبر الاخرين علي الدعاء بكل الم
ولاتنسى
تذكروا محاسن موتاكم
اترك لك بصمه بالنزول الي مستوى الحدث ومستوى تفكير من يخاطبك
لاتغرك العظمه والفشخرة الكذابة
عملك وحده عو الباقي
ان كان خيرا فلك مثلة دعوات من الملايين
وان كان شرا فلك دعوات من اقرب الاقربين واداء واجب من الباقين!!
••••••••••••••••••••••••••
مسك الختام
لاتشهر نفسك علي حساب الاخرين
وتزكر الذين ضحوا باموالهم وجهدهم من اجل الزعيم
ناس خلفت اجمل الزكريات والتضحيات
واسمهم محفور في امخاخنا
باعمالهم فقط
••••••••••••••••••••••••••
ونحن علي المدرج ندعم ونشجع ونتفرج
دعمنا سيتواصل
وتشجيعنا سيتواصل
فرجتنا ستتوقف وستحل محلها
المواجهه وبتر كل صاحب مصلحة او شهرة،،
من كان بيننا يدعم ويشجع ويكون من البسطاء الكادحين حبابوا الف
ومن كان من اصحاب الوجهين فلك مننا كلمات تسم بدنك حتى ينصلح حالك!!!
ياتجلس وسطينا وتكون مننا وفينا
او تمشي تشتهر في صحف او مجلات وممكن تاخد ليك لافتة وتقيف في نص المدرجات
وتكتب فيها
شووووووووووفني!!!!
وسنرشدك للخطاطا ان احببت
بس من غير ماتقول انا قروب المريخ الفلاني
تحدث عن نفسك فقط
••••••••••••••••••••••••••
همسة اخيرة
النفرة قائمة والقروبات ستدعم
الجميع يحمل هم الكيان الا من رفض
نفرتنا بتاريخ ١٨/٦
وقروباتنا هم الخير والبركة
اخي المشرف
كل عضو حيقول قروبنا مشارك في النفرة
ماحيقولوا مشرفنا مشارك في النفرة
انشاء الله فهمتوها
لذلك نتحمل امانة اخوانا في القروبات
عشان كل واحد شارك ودعم من سكات
كلهم في نظري هم شاخور والوالي وحجوج وغيرهم كتير
اخي المشرف خليك مفتكر دائما
انك تحمل امانة ستسأل منها
••••••••••••••••••••••••••
خارج النص
حبايبنا واخوانا اعضاء القروبات
مشاركتك بجنية او مية جنية تزكر دائما انها لنهضة المريخ
تخيل انك بتنشط بيها نت
وبدال النت حننشط بيها خزينة المريخ
نشط خزينة الزعيم واستمتع بسعة بيانات وتمرريرات وفرحة فوز
نشط خزينة المريخ بقدر فرحتك
لاكلف الله نفسا الا وسعها
نشط واستمتع بمعشوقك يملأ الدنيا فرحا وبهجه
المريخ يستاهل قيمة تنشيط النت
الاتنين بيودوك عالم جميل،،،،
نزكر اخوانا المشرفين شاخور رحمة الله ماكان عندة قروب واتساب واعطى المريخ في صمت
وكل شخص داعم في قروبك له الحق في ابداء الراي وتوصيل الصوت
لانو داعم ايضا بصمت
اعطوا الامانة حقها كما ينبغي
نفرتنا يوم ١٨/٦
للانضمام وتسجيل اسمك في قائمه الشرف
اسامة حسب الدائم ٠٩١٨٢٠٩٣٧٦
المك ٠٩١٦٦٧٨٤٦٢
الشريف ٠٩١٨٩٤٥٠٠٥
قروب تحالف المشرفين لدعم الكيان
••••••••••••••••••••••••••
# تغريدة طبية
اخي الصائم
يجيب ان تكون وجبة الافطاروالسحور من غذاء متنوع ومتوازن يشمل مجموعات الغذاء الاربع
لحوم بيضاء او حمراء خضار فواكهه خبز وحبوب ومواد نشويةً والحليب ومنتجاتة،،،
وربنا ينعم علي الجميع بالصحة والعافية
•••••••••••••••••••••••••
# تغريدة مرورية
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع
الطريق ملك للجميع فلاتفتكر انه ملكك وحدك وتقعد تشتم في خلق الله،،،
الصيام يحتاج الي التركيز في الطريق
قيادتك بامان والتزامك بالتوجيهات المرورية حزام امان لك ولغيرك
لاتسرع فالموت اسرع،،،،،،،،
لاتسجل اسمك في قائمة الوفيات بتهور واستعجال وعدم ثبات
كل السرعة توصلك الي دارك الي السرعة القاتلة،،،،،
••••••••••••••••••••••••••
••••••••••••••••••••••••••
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية……..
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطاءنا في يوم من الايام،،،،،،،،
====================
رمضان كريم
مجرد نصح
لماذا لا تكون كل التغريدات ايجابية وحث المريخاب على العمل وعمل الكيان ودعم الاشراقات, لكن عندما تكون كل التغريدات نقد لاي من مكونات الكيان فضررها اكثر من نفعها .
نحن السودانيين ديل الله ما يكتب لينا ندعم الناجحين ونقف مع الفاشلين حتى ينجحوا ؟
فالنقل خيرا
بالمناسبة طريقة (لا نري في الناس شيئا جميلا دي بيكتب بيها فلان داك وما عاجب الناس )