طعون سوداكال وقضايا اخرى..!!
كرات عكسية
محمد كامل سعيد
* كعادة المريخاب فقد نسي الجميع تماما قصة الطعون التي قدمت في حق مرشح الرئاسة بالنادي الاحمر ادم سوداكال.. حتى زملاء المهنة لم يتناولوا لا من قريب او بعيد وضعية التوهان التي فرضت نفسها على المفوضية بخصوص الطعون الغريبة..
* وللذين الهتهم (تجارة) الانتصارات التي حققها فريق الكرة عن المطالبة بالحقوق المشروعة بخصوص الفصل في الطعون المقدمة في مرشح الرئاسة نشير الى ان الجمعية العمومية انعقدت يوم (10) اكتوبر الماضي وتم الاعلان عن المجلس الجديد..
* ومنذ ذلك التاريخ وحتى اليوم اقتربت القضية من اتمام شهر بالتمام والكمال ظل خلالها النادي الاحمر بلا رئيس معلن ودون ان تحمل الايام الاخيرة معها اي جديد في اشارة عميقة الى ان المفوضية لا هم لها بالاشكاليات التي يعانيها نادينا جراء الفراغ..!!
* والفراغ الرئاسي الحالي بالطبع سيدفع المريخ ثمنه غالياً سواء في القريب العاجل او في الايام القليلة القادمة لانه وحال رفض الطعون بالامكان ان يكتسب مرشح الرئاسة الشرعية الغائبة.. لكن هل فكر احدكم في وضعية النادي حال قبول احد الطعون..؟!!
* لقد سعدنا بوداع المريخ لدائرة تعيين لجان التسيير واقتحامه لسكة الديمقراطية وتحرر ابنائه من دائرة الاجماع السكوتي وكلمة الفرد الواحد واستبشرنا خيراً بالقيادة الجديد الحرة البعيدة عن السيطرة لكن وقبل ان تكتمل فرحتنا اذا بالطعون تتسبب في ازعاجنا..
* وجود الرئيس بالجد مهم ومهم جداً خاصة بالنسبة للمريخ الذي عانى ما عانى طوال السنوات الاخيرة من ازمة مزمنة في القيادة تحولت الى دائرة تحدي احمق تولى قيادته اصحاب المصالح بعدما اشاعوا استحالة ان تقدم المريخ الى الامام بدون رئيسه السابق..
* ولعل البيان العملي اثبت حقيقة ان كل ما تردد لا يخرج عن دائرة الادعاءات الكاذبة التي روج لها البعض لتثبيت وهم لا وجود له الا في عقولهم المريضة.. وكم كانت الصدمة اعمق والفريق الاحمر يجسد التقدم ويجبر جماهيره على العودة الى المدرجات..
* نعم لقد اثبت مجلس ادارة المريخ الذي يستمد شرعيته من الجمعية العمومية جدارته بقيادة النادي بعدما كذب عملياً اداعاءات المصلحجية وفندها ووفر كل المعينات التي ساعدت اللاعبين على التقدم بقوة الى الامام حتى استردوا صدارة الممتاز بجدارة..
* لقد افرط الحالمون في احلامهم البائسة عندما روجوا لوهم ان المجلس الشرعي لا ولن يتمكن من تسيير العمل لاكثر من اسبوع وسريعاً سيهرب الاعضاء نتيجة لارتفاع سقف الصرف الشهري على الفريق ولكن خاب ظنهم وتبددت عملياً كل المخاوف..
* توقعنا ان يخرج الواهمون من دائرة وهمهم ويبتعدوا ولو قليلاً من الشائعات وان يطالبوا ـ باعتبارهم مريخاب ـ بضرورة ايجاد حل نهائي لقصة الطعون المقدمة الى المفوضية لكن ذلك لم يحدث ولن يحدث لاسباب نعرفها ونحتفظ بها لانفسنا..
* المريخ سيؤدي اليوم مباراة مهمة امام الوادي بنيالا وهنالك لقاء صعب آخر ينتظر المريخ بنيالا ليختتم الاحمر بعدها جولاته الولائية وعليه نتمنى ان يكون التركيز هو السلاح رفاق عجب في حسم النتائج والعودة بالست نقاط كاملة والاقتراب من اللقب..
* حي الوادي وعلى الرغم من تعرضه للهزيمة في آخر مباراتين امام الاهلي مدني ومريخ الفاشر الاّ ان ذلك يفرض على المريخ التعامل معه بالحذر المطلوب والابتعاد عن الاستهتار به حتى لا نفتح باب التواضع الذي ربما يقود للتعثر فحذاري ثم حذاري..
* تعثر الهلال وتأخره عن المريخ بنقطتين يجب ان يزيد من تركيز لاعبي الاحمر ويضاعف من رغبتهم في مواصلة الانتصارات لان المهمة الان صارت اصعب من قبل وبالامكان ان نتابع ذات سيناريو الازرق يتكرر للمريخ وعليه لا شئ غير الحذر.
* تخريمة أولى: استفاد الوداد البيضاوي المغربي (وداد الامة) من الدروس العميقة التي مر بها الترجي والنجم التونسيان امام الاهلي المصري في ربع ونصف نهائي ابطال افريقيا ووضع حداً للطوفان الاحمر وتربع على عرش القارة.. فمتى نستفيد نحن..؟!!
* تخريمة ثانية: تعقد لجنة المسابقات اليوم اخطر اجتماعاتها ونتوقع ان يتم الفصل في الشكاوى المقدمة ضد المريخ والهلال.. وقبل كل شئ نتوقع الثورة من الطرف الذي سيخسر النقاط لتبدأ مرحلة اخرى من المعارضة العرجاء.. فقط تذكروا هذا الكلام..
* تخريمة ثالثة: ثقتنا في قيادة شداد وخبرته وحياديته وابتعاده عن الكيل بمكيالين تجبرنا على تأييد كل قراراته التي ستصدرها لجانه ولو من باب انه سيشرع في وضع حد للفوضى التي سكنت ديار الاتحاد واجبرت ناس معتصم على اعتماد سياسة الترضيات.
حمل تطبيق كورة سودانية لتصفح أسرع وأسهل
لزوارنا من السودان متجر موبايل1
http://www.1mobile.com/net.koorasudan.app-2451076.html
3,699 حملو التطبيق
لزوارنا من جميع انحاء العالم من متجر قوقل
https://play.google.com/store/apps/details…
13230 حملو التطبيق
على متجر mobogenie
http://www.mobogenie.com/download-net.koorasudan.app-357365…
5000+ حملوا التطبيق
خلاص ظهرت يا وهم ؟؟؟ اعوذ بالله منك ومن وجهك القبيح … بعد عروض المريخ الجميلة في الآونة الاخيرة ارتحنا من وشك الفقر دة .. لأنك بتكون ما مبسوط والمريخ يتقدم الفرق ويقدم احلى العروض باعتراف الاعداء .. تعشق النقد الهدام .. ومتيم بالتشاؤم … وتنافس البوم في ذلك .. اعوذ بالله منك … كل شعب المريخ بيكرهك .. انت بشر لا تطاق ..
ارحمنا الله يرضى عليك … وبالمناسبة كل صحافة المريخ تكتب كل يوم عن الطعون بجانب رفع الروح المعنوية للاعبين والمدرب .. لكن لأنك شخص مريض وصاحب اجندة لا ترى ذلك … وانا متابع يومي للصحف ومواقع التواصل بالاضافة لأغلبية قروبات الصفوة … عشان كدة يا بعشوم اطلع منها بالذات الايام دي … بصراحة ما ناقصاك ..شوف وشك دة في المراية وبتعرف انا قاصد شنو … ابعد عن المريخ رجاء في الايام دي وكفاية احباط .. دة لو انت مريخابي بالجد …
دة شنو الوهم دة ياخ … اعوذ بالله منك اعوذ بالله منك اعوذ بالله منك …
ياخي الزول ده بحب الشتاره والعواره
راجع ارشيف مزمل ومعاوية الجاك وامير عوض وسلك وعلم الدين كامثله فقط لمدة إسبوع بس وشوف إنت صح
ولا خطا .
بعدين الناس تعمل شنو تشيل دلوكه وتمشي للمفوض ولا ايه .القصه وراها مفوض وجهات عدلية وامانة الرياضة
ولا دايرنا نطلع مظاهرات امام القصر ياخي نحنا فايتنك بالصبر بس والله عوضنا بفريق الكورة ناس ميدو الكنت بتسخر منو وتسجيله تم مكاواة وشنو ماعارف من عواراتك
وابو اربعه مليار وناي التش والتكت وبيبو الشكروهم وشنو ماعرف كده من سخافاتك والسماني الهاوي وشنو كده برضو وباسكال القلت فيهو مالم يقله مالك في الخمر
مالك ياشافع دار تحشنا إنت عامل فيها فاهم ولا كيف
ان شاء الله تخريمه تدخلك في بص سياحي يريحنا منك
إنت فهمك في الحياة دي كلها نقد ونقد ونقد ياخي ماتقعد تعاين للناس عملت شنو وتقعد تعلق زي المخرف اعمل إنت زي الناس ولو ماقادر تعمل شي اذكر محاسن الاخرين بدل تقعد تعمل فيها سيد الكفر .
وبعدين الإمور مستورة عارفين بس برضو المشاكل موجوده وشوف عمود ناصر بابكر حق امس تعرف المشاكل المالية وبالمره تعرف ناصر برضو تحدث عن قضية سوداكال وتاخر حسمها من قبل المفوض والاخرين عشان ماتعمل فيها إنت براك .
ياخي اقطع وشك وريحنا .
واعرف القاعدة دي اي شخص ليس له مايقدمه
طوالي تلقاهو ماسك الناس ده فعل وده ترك
وعليك الله اولادنا اللاعبين ديل اختاهم في عهد جمال كنت ماسح بيهم الارض ماتجي تنافق وتقول فيهم شي .
انا غيتو ماعارف العلاقه بينك وبين المطلقه شنو بس في وجه شبه .