قلنا ليكم اطمأنينا زعلتوا

في السلك

بابكر سلك

قلنا ليكم اطمأنينا زعلتوا

*في وديتنا ضد سانت جورج
*قلنا اطمأنينا علي سانت جورج
*الجماعة زعلوا
*ولافين بالعمود تلاتة يوم في قروباتهم
*ماخلوا لي شتيمة ماكتبوها
*لكن انا عافي ليهم
*اخلاقي رياضية جدا
*بس كنت بقرأ تعليقاتهم واضحك
*مابعلق
*لو علقت حايعرفوا اني عضو نشط في معظم قروباتهم
*عشان كدة قاعد باسمي الحركي واقرا واضحك
*امس لما اخواننا الحبش جابوا التاني
*واحد من جماعتنا علق قائلا
*ده كلام سلك ذاتو
*الله يستر
*الزول ده قبل اسبوع قال اطمأنوا
*المهم
*روفا لما جاب القون
*فرحوا فرح شديد لانو المريخ وقتها كان متأخر بهدف
*وانا فرحت فرح شديد لانو مشروع العليقي الافريقي مامرقو الا روفا السوداني البقبض بالجنيه ده
*وتلاشت عبارات الهلال الجديد
*شكل الاداء اختلف
*كورة الهلال بقت سريعة
*وتلك العبارات التي يطلقونها مع بداية كلو موسم
*الحارس السنغالي طلع ابو مية وعشرين
*وقلب الدفاع العنقالي طلع لاعنقالي ولا شتين
*والمهاجم الزي عيسي صباح الخير
*طلع لازي عيسي ولا هو صباح خير
*المحور الخطير المكير البقرأ الميدان
*غير صلاح عادل المكتوبة علي ظهر الفنيلة ماقرا حاجة
*وابشركم
*بهلال يهز الارض في الموسم القادم الجديد
*ديل الفيهم اتعرفت
*المحاولة رقم مية هيا هيا

*المهم
*نتيجتنا في جيبوتي عادية جدا
*قياسا بفنياتنا واستعداداتنا وسقف طموحنا
*بس زعلانين شوية
*كنا دايرين ود الاميرة السمراء بدون مايلج مرمانا هدف
*نعتبر ده الاول والاخير في هذا الموسم الافريقي
*ناس محمد عبدالماجد قالوا برغم الخسارة سنعبر
*سنعبر بالسا؟؟؟؟
*ولا بالمركب؟؟؟
*المركب جاز ولا بنزين؟؟؟؟
*وهاهي اليزابيث الراحلة تمضي بعد شهدت معظم احداث الالفية السياسية والرياضية والاقتصادية والصحية
*مضت وفي قلبها حسرة عشان ماشافت جوية للهلال
*وانتي شفتي حاجة؟؟؟؟
*مبروك لمريخ لوح الشرف الافريقي
*وحظا اوفر لهلال فطومة اختي في المرات القادمة
*ولا ذلت اذكر حديث كردنة عن الاحتفال باليوبيل لما قال نحتفل كيف ونحنا كاس ماشلناهوا؟؟؟
*نخت في الاحتفال شنو؟؟؟
*ياسلام ياكردنة يا هلالابي ياشجاع
*قولة الحق صعبة في زمن طال فيه الانتظار لطيارة رش ان شاء الله شايلة مبيد ماكاس
*قلبي مع هلال الشرق واهلي الخرطوم المكلوم
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*المدارس دايرين يفتحوها لينا
*انت جادي يا اخينا؟؟؟؟
سلك كهربا ننساك كيف والكلب قال فتحت المدارس دي زي فتحت الحبن تفتح الليلة وتقفل بكرة والمر الحجازي قابض الجو
والي لقاء
سلك