كتروا (التُوم) وزادوا (الشمار) !!
بالعربي الكسيح
محمد الطيب الأمين
كتروا (التُوم) وزادوا (الشمار) !!
* من وصايا (جدنا) عليه الرحمة: (ما تبيع حاجة عشان تحل بيها حاجة) ..
* و(جدنا) له فلسفة في ذلك ..
* فلسفته هي أن الشخص الذي يتعود على (بيع حاجاته لن يتوقف) ..
* تبدأ ببيع (التلفون عشان تحل مشكلة ختة صندوق)، والمرة الجاية (تبيع اللابتوب عشان تشتري فرخة ويكون عندك مصاريف في جيبك) ..
* قبل كده لما الفنان المصري إيهاب توفيق جاء السودان وعمل حفل جماهيري في بنات باعن (سلاسل وختم ذهب) عشان يتحصلن على قروش التذكرة ..
* والله صحي ..
* الواحدة (تملص الخاتم من يدها وتبيعو عشان تدخل حفلة لإيهاب توفيق) ..
* زولة زي دي بعد شوية ممكن تبيع التلفون عشان تخش حفلة لندى القلعة، وبعد شويتين ممكن تبيع (الكارينا الليمونية) عشان تخش حفلة لطه سليمان ..
* البتعلم البيع تاني من الصعب يتوقف..
* لو إشتهيت ليك (شية ضأن) ممكن يبيع تلفونك (الربيكا) ..
* وبما أن ذلك كذلك فان نادي المريخ الآن يعمل بهذا النهج الذي حذرنا منه (جدنا) عليه الرحمة ..
* ناس المريخ عشان يوفروا قروش المعسكر و(حق الوجبة) قاموا (أعاروا) السماني الصاوي ..
* والآن وحسب ما تردد فان المريخ ينوي إعارة محمد عبد الرحمن ربما من أجل تدبير (حق التسجيلات القادمة)..
* ولحدي آخر الموسم المريخ ممكن يبيع بكري المدينة عشان يوفر حق المعسكر ..
* بيع بكري المدينة ومعه صلاح نمر هوادة ..
* وغايتو جنس غايتو ..
* بعد (تلتلة) وسهر وتنقل بين المطارات وصلت نهار أمس بعثة فريق الهلال إلي معقل فريق أكوا النيجيري ..
* رغم أن هنالك تسهيلات قدمتها السفارة السودانية بنيجيريا للبعثة إلا أن الارهاق والتعب موجود ..
* لن نقول ذلك من أجل التبرير أو إيجاد أعذار مقدماً، بل نقول ذلك حتى يعرف مجلس الهلال أن مثل هذه السفريات لابد أن يكون الإهتمام بها أكبر، ولابد أن يكون السفر قبل خمسة أيام على الأقل ..
* عموماً.. الحصل حصل ..
* كل المطلوب أن ينتصر نجوم الهلال لكبرياء الهلال ..
* مطلوب مقاتلين أشاوس يضعون السودان والهلال على صدورهم ..
* تسجيل هدف يعني أن أكوا خارج المنافسة ..
* والوصول إلى مرمى الفريق النيجيري ليس صعباً كما أن الوصول إلي مرمانا أيضاً ليس صعباً ..
* يجب أن نعترف ونكون واقعيين أن الوصول إلي شبكة الهلال ليس صعباً ولذلك علينا أن نجتهد من أجل الوصول إلي شباك الخصم ..
* تفكير الهلال يجب أن يكون في الهجوم أكثر من الخندقة ..
* الخندقة سندفع ثمنها غالياً ..
* نغتال الفريق النيجيري بهدف مبكر ومن بعد ذلك إذا سجل هو ثلاثة أهداف فان المتأهل هو الهلال ..
* وتسجيل هدف ليس بالأمر الصعب في وجود بشة وشلش وبقية النجوم ..
* وهذا أيضاً يتوقف على التشكيل الصحيح ..
* والتغييرات الصحيحة ..
* وبإذن الله الهلال متأهل ..
* وعلينا أن نتجاوز محطة (صورة الكوتش محمد الطيب) ..
* عيبنا إحنا في الهلال (بنحك الحاجة لما تكب دم) ..
* زول وتم تصويره وهو نايم، يفترض نتجاوز الحاجة دي ونشوف غيرها ..
* ما تكبروا الحاجات وتهولوها بالطريقة دي ..
* صورة عادية دايرين يعملوا ليها (توم وشمار)، ويقول ليك في لاعب في الكنبة غاضب من المدرب قام بالتصوير ..
* معناها في لاعب في الإحتياطي ح يتشطب طالما الناس ديل دايرين يركزوا في حاجات صغيرة زي دي ..
* الظروف التي يمر بها الهلال الآن أكبر من (صورة) والله العظيم ..
* كان بقت على الصورة هينة ..
* المهم ..
* يلعب المريخ الشهير بـ(المدفور) اليوم في سنار ..
* وسنار المدينة الهلالية الجميلة قادرة على هزيمة المريخ شر هزيمة ..
* المريخ خسر في إستاده وفي إستاد عطبرة وفي إستاد نيالا وكسلا ومدني وشندي وبورتسودان والفاشر وكادوقلي وكوستي..
* كل هذه المدن خسر فيها المريخ خلال السنوات الأخيرة ..
* وسنار التاريخ لا تقل عن هذه المدن التي رفضت خروج المريخ سالما من أراضيها ..
* سنار أيضاً ستنال نصيبها من المريخ ..
* المريخ زمان لما يكون كعب جوة الملعب بتلقى ظروفه الإدارية كويسة ..
* والأيام دي المريخ جوة وبرة الملعب كعب ..
* وحتى معتصم جعفر بقى بره الشغلانية وكذلك أسامة عطا المنان ..
* يعني لا (دفرة) ولا (نفرة) ..
* المريخ الذي إتعود الحصول على النقاط من المكتب لن يجد ذلك بعد اليوم ..
* من الملعب بس ..
* (المدفور) في سنار على مسؤولية ود هاشم ..
* جمهور ولاية سنار عليه أن يحضر مبكراً ويقوم بدوره على الوجه الأكمل ..
* جماهير الولاية من سنار والمدن والقرى المجاورة للمدينة مطالبة بالحضور المبكر والتشجيع المتواصل ..
* والمدفور مدفون ..
* ونركب صافنات ونجيبة (سنجاوية) وأصلو الزول بيموت والذكرى تفضل حية ..
* و..و..
* وسنار أنا والتاريخ بدأ من هنا ..
تطبيق كورة سودانية لتصفح أسرع وأسهل
لزوارنا حمل من السودان متجر موبايل1
http://www.1mobile.com/net.koorasudan.app-2451076.html
2,456حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
17756 حملو التطبيق
على متجر apkpure
https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app
على متجر facequizz
http://www.facequizz.com/android/apk/1995361/
على متجر mobogenie
https://www.mobogenie.com/download-net.koorasudan.app-3573651.html
على متجر apk-dl
http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9
على متجر apkname
https://apkname.com/ar/net.koorasudan.app