كورتنا والهوية المفقوده !!

لهيب النار

هاشم الطيب

كورتنا والهوية المفقوده !!

================لو عاوز تصبح مشهورا وصورك تملأ الصحف السودانية والدول المجاورة وزبونا دائما للقنوات الفضائية وصديقا لإذاعات ال FM عليك بملأ جيوبك بااجنيهات السودانية وقليلا من الدولارات ؤجلالبه بيضاء وخفيفة تظهر ما بالجيوب سلام وكلمتين من هنا وهناك باكر تجد صورتك والبسمه في عينك متصدرا تلك الصحيفة والمواعيد تنهال عليك مطر تلفزيونات جرايد إذاعات وهلمجرا!!
& باكر صاحبنا يصبح المطلوب لزعامة النادي وربما الاتحاد المحلي أو العائم عوم الجنيه السوداني!!
& هذه النوعية التي تقود كورتنا وهي لا نفرق ما هو الاستاد َولا تعرف الليق ونقعد نضحك ومرات نبكي ونسأل الذات من أين أتى هذا الزول !؟
& الدليل ما نسمعه اليوم السوباط يفنش الصربي والمصري ويتفق مع البلجيكي ومن الجانب الأخر سوداكال يقيل النابي ويسجل الإنجليزي !!
& عاوزين يوصلونا وين؟& أمر المجموعات بين شك وظن والظن هو الأقرب المغادره لكن أعلامنا يكابر ساكت!!
& حلم الجيعان رغيفه أقصد نقطه والنقطة لا تودي لا تجيب !! & لو ما غيرنا هذا الفكر وإيقاف البهجة والفرح بأصحاب الجيوب الكبيرة والعقول الفارغة لن نتقدم قيد أنملة للأمام وسنكون دوما في آخر الصف محل ما نقبل !! رمضان كريم ::
_____
لا سكر لا حلومر وليمون توتي الغالي واليتريتة لا بتنهبش لا بتبقى عصيدة ويا حليل زمن يا فلانه أديني كراع شرموط ولا تسأل عن سعر لوح التلج والكهرباء قاطعة والجنيه عايم في موية السيل ورمضان تبقت له أيام معدودات تصوموا وتفطروا يا شعبي على بصله والله يجازي السبب !!