كوفات طيفور ومشاط الغربال

في السلك

بابكر سلك

كوفات طيفور ومشاط الغربال

*اليومين دي كلما أعاين لصورة طيفور
*ألقاهو يبقى لي محمد عبد الرحمن محمد عبدالرحمن
*حتى العوينات سبحان الله
*بس حقات الغربال
*الزول ده مرات بشبه لي محمد عبدالرحمن شديييد
* حتى في (مشيتو)
*والله لما شفتو في الصورة بالفنيلة البيضاء لمن اتخلعت
*لكن اطمأنيت لما شفت الحبيب الفاضلابي في نفس الصورة
*لكن كمان البوظ أعصابي
*الحبيب فاضلابي ما بلبس قميصو أبو جيبين ده إلا في حفلات الوداع
*بسم الله الرحمن الرحيم
*وداع شنو كمان؟؟؟؟
*لكن والله طيفور بشبه محمدعبدالرحمن
*بعدين البجيب الوداع شنو
*وحسب ما سمعنا طيفو طائف قبض خمسين ألف دولار من عضو مجلس، وتلتين ألف دولار من عضو مجلس تاني خلن لحاظو كالقذائف وأنا من عيونو خايف
*والله خاييييف
*عيونو ديل بالذات
*بشبهن لي عيون فلان
*لكن ما بنخاف ما بنخاف ما بنخاف
*لكن طيفور مرات بشبه مبابي
*وبمناسبة مبابي
*ما قام به باريس في التعاقد مع مبابي يعد تخلفا إداريا لحق بالكرة الأوروبية
*فإذا قريت العقد بتلقى اللاعب أكبر من النادي بكتير
*ودي مرحلة الأوروبيون فاتوها زمان
*لكن شراء العرب للأندية الأوروبية ريف المدينة
*وعاد بالمدينة الي الوراء كثيرا
*كنا نظنهم سيتمدنون وينقلون تجربة المدنية لبلادهم
*ولكنهم جلبوا ريف بلادهم وريفوا أوروبا من خلال شراء الأندية
*خمس سنين كده القيامة لو ما قامت
*حا تلقى موسم الانتقالات في أوروبا يضج بعبارات
*قنبلة التسجيلات
*لولا تدخل الكجنكة لخسرنا الصفقة
*الأجانب سيصلون بطائرة خاصة
*الكشف الطبي يثبت إصابة اللاعب الموريتاني بالسعر
*وما مطعم كمان
*طبعا مانشيت اللاعب السعران ده بكون عن اللاعب الما دايرنوا
*والله يستر من عيونك يا غزالي
*مرات بتشبه لي عيون مبابي
*ومرات محمد عبد الرحمن الخالق الناطق
*لكن ماهي العلاقة بين كوفات طيفور ومشاط محمد عبدالرحمن؟!
*وهل حا تكون في علاقه بينهما لو الاتنين نقضوا الشعر؟؟؟؟؟؟؟
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*السحاب يتلملم والمطر ما بجينا
*جاهزين كان صب يا والينا؟؟؟؟

سلك كهربا

ننساك كيف والكلب قال المطر السنة دي ما بتغرف ليكم بالكيزان
وإلى لقاء.