العنوان اعلاه علي طريقة كيف تتعلم الانجليزية اوالفرنسية في سبعة ايام،لكن اخترنا الرقم خمسة لأن فريق مازيمبي لغته الرسمية خمستانية . الكتاب هذا من اعداد اساتذة مركز الوصافة بالمريخ حيث يقدم للدارسين شروحات عن فن الشكاوي الفالصو وكسبها بطرق مشروعة وغير مشروحة،سيكون ملحق ببعض الشكاوي التي كان اخر ضحاياها فريقي الامل وهلال كادقلي.
# يبدو ان مازيمبي سمع بمثل الشيخ فرح ود تكتوك نومي بدري واصحي بدري شوفي كان تنقدري، قاموا حورو المثل ل: تعالي بدري وشوفي كان تنغلبي # نعم وصلت بعثة مازيمبي وقبل اسبوع من زمن المباراة # غراب الشوم يريد ان ينعق بخبر مفاده لن نرضي باقل من خمسة في المريخ #وحسب الاخبار الواردة من هناك ان مازيمبي مجهز برميل شربوت # الشفقة تطير يامازيمبي هسه نقول دا خوف منكم والا نسميه شنو؟ # مازيمبي كلامه واضح يريد الحسم من امدرمان #نواياه واضحة للعيان الضرب في المليان، وحذاري يا وصيفاب من ضرب مازيمبي
#علي فريق المريخ الا يركز علي الشية وينسي الغربان # جهزوا فريقكم من مجاميعه حررو شكاويكم منذ وقت مبكر حتي لا تركبو الكنغولية # اضمن شكوي يمكن ان يقدمها المريخ في مازيمبي هي ان يشكو ساماتا لأنه شرب شربوت كتير
اخر تحذير: لوما اشتكيتوا مازيمبي معناه انتظروا استقالة بابا الوالي لو ما حافظ جدول خمسة ماتخاطر
لو كانت فالصو ما كان المريخ كسبها يا كاتب الهنا
الشكاوي الفالصو زي شكوى
البرقاوي وبكري المدينة وشكوى فيتا كلوب
لغة مازيمبي خمسة
اه لو (بخمسة)
اول خمسة حفرت في الذاكرة وابت تتنسي , خمسة المقبرة
التي تركت (فريق المعبرة) في غبرة, ولم يستطع الهلال ان يدرك اثره
اها الخمسة الجوة الاستاد قالوا كان نسيتوها التاريخ ما بينساها
وصار هم وامل الهلال ان يهزم المريخ بخمسة
حتي يرتاحوا من( هم) الخمسة
اها الهلال خمسة مازمبي مما منسية
وفي المريخ (باذن الله) ما محرية
اسي عليك الله في داعي براك تقول ماركة مازيمبي خمسة؟
هي نان دي بتتنسي؟