كيف يلعب ثلاثي المريخ أمام الهلال وبصلتهم في النار ؟؟

قزاز ورزاز

محمد الطيب الامين

كيف يلعب ثلاثي المريخ أمام الهلال وبصلتهم في النار ؟؟

* سيكون التحدي كبيرا أمام الهلال عصر الجمعة عندما يواجه المريخ ( السوداني )
* ولا ما سوداني ؟
* سوداني طبعاً لكن جارت عليه الأيام وارتمى في أحضان الأهلي المصري المعاهو في نفس المجموعة
* أبو جريشة استنكر إنو مدرب الأهلي يسحب قرعة المجموعات .
* وأبو جريشة نفسه تقبل فكرة أن يرتمي المريخ على أحضان الاهلي المعاهو في نفس المجموعة
* حاجة غريبة
* المباراة لن تكون سهلة ، ليس لأن المريخ أفضل من الهلال بل لأن مباريات القمة تحفل بالعشوائية واللعب على الأجسام
* مباراة لا تعترف بالافضلية المسبوقة هذا ما يجعلها صعبة
* ولكن على الورق فإن الهلال هو الأفضل وهو الأوفر حظاً بتحقيق النقاط الثلاث إن شاء الله .
*مؤكد أن الجهاز الفني الهلالي سيضع التكتيك المناسب لكسب الجولة
* يمكن أن نلعب على ثغرات المريخ وعلينا أن نستفيد من الضربات الثابتة
* في وجود عبدول وعماد الصيني وابراهيما وأمير كمال ومحمد الرشيد فإن الهلال موعود بعدد كبير من المخالفات والضربات الثابتة
* وإذا أحسن نجوم الهلال التصرف فمن الأرجح أن المريخ سيكمل المباراة ناقص العدد .
* لازم نطرد لاعب من المريخ وهذا ممكن وبسهولة شديدة .
* نلعب على اندفاع عماد الصيني ومحمد الرشيد ولو في حكم عادل سيتم طرد أحدهما .
* محمد الرشيد طبعاً ( بصلتو في النار ) .
* محمد الرشيد وبخيت خميس ورمضان عجب بصلتهم في النار )
* قرار المحكمة الخاص بقضية الثلاثي سيصدر بعد عشرة أيام .
* يعني يا رمضان عجب ما تتعب روحك وتنطط ساي .
* القرار ده لو صدر مباراة القمة دي ح تكون آخر مباراة ليكم إن شاء الله
* محمد الرشيد ورمضان وبخيت ح تلعبوا كيف وقرار مستقبلكم مع كرة القدم على وشك والصدور ؟
* أنا لو في محلك ما ح انوم خلي ألعب هل مدرب المريخ سيجازف بإشراك هذا الثلاثي أم أنه سيراعي لنفسياتهم ومعنوياتهم .
* نحن من مصلحتنا إنهم يلعبوا .
* يلعبوا عشان تكون دي المباراة الأخيرة بالنسبة ليهم إن شاء الله .
* نرجع للمباراة
* الهلال يجب أن يركز على التحكيم ولابد من إيصال رسالة واضحة للحكم .
* نـحـن مـا دايرين مساعدات لكن كـمـان مـا بنقبل سرقة حقنا .
* واصلا ( بلاوي ) الكاف معانا بقت كثيرة ومسيخة
* ما بنقبل أي ظلم .
* کل صـاحـب حـق ياخد حقو وبعد داك الحشاش يملأ شبكتو ثقتنا في الهلال كبيرة .
* وكل من يقع عليه الإختيار فهو سيمثلنا خير تمثيل
* أبو عشرين أسد وحامي العرين .
* لا نشك في قدراته وإمكانياته الكبيرة وفي وجوده إن شاء الله شبكتنا نظيفة .
* غدا إن شاء الله نتحدث عن محمد عبد الرحمن أفضل مهاجم في السودان .
* و..و..
* والله يدينا في مرادنا .