مابالغتي يا الكاف؟

في السلك
مابالغتي يا الكاف؟

*دي قرعة ولاعقوبة؟
*معقولة!
*ده حظ شنو ده؟؟؟
*الأهلي وصن داونز؟؟؟؟
*طيب كان تعفوهم من الدور ده يا ناس الكاف
*لأ وإيه
*حا نلعب خارج أرض الوطن المجروح
*القاهرة بره الخيارات
*أديس مع الفشقة دي مشكلة
*ليبيا عندها انتخابات
*تونس كلها في الشارع ضد الانقلابيين
*ولو اخترنا تونس في ظل الاحتجاجات دي
*مع قانون الطوارئ ده
*ومع إعادة تلك السلطات دييييك
*حا يكتشفوا مقبرتنا الجماعية سنة تلاتة ألف
*الجزائر مناسبة لكن بعيدة
*موريتانيا إلا نوسط أهلنا الشناقيط
*ناس الصومال من زمن مريم ماكيبا نسونا
*أما جيبوتي
*فحدث ولا حرج
*لكن انجمينا كيف؟؟؟؟؟
*واسطاتنا لديهم كتيييرة
*لكن ما ظنيت عندهم إستاد فيهو حمامات
*المهم
*من باب الغيرة كده حزنت لتصنيفنا مستوى رابع
*والجماعة مستوى تالت
*احتجيت
*قالوا لي راجع الأرصدة في الألفينات
*لقيتم فعلا تميزوا علينا أفريقيا في حقبة الألفينات
*ده غير غيابنا لمدة خمس سنوات متتالية عن مجرد التمثيل في الأبطال
*لكن ملحوقة وبنعوض
*بس نعوض كيف والكاف رمانا مع الأهلي وصن داونز؟؟؟؟
*غايتو الله يسترنا ويستر عروضنا في هذه المجموعة
*والواقع يقول إننا أمام الأهلي وصن داونز لو ترسنا شباكنا بالكونتينرات ربك يسترنا
*إذا كان راتب مدرب الأهلي لشهرين يساوي تكلفة صيانة جميع إستاداتنا ويشيد بها حمامات كمان
*نسأل الله أن يوفقنا
*ناس روشا ما بنسأل ليهم
*ما دايرين نكتر الطلبات
*وربنا يحيينا ويحفظ بلدنا إلى ذلك الحين
*لكن بالغتي يا الكاف
*المهم
*انتخابات اتحاد السلة
*انتخابات اتحاد ألعاب القوى
*انتخابات ليبيا
*وهييييصه
*لا نسمع بمن يتولى إلا في الجمعية العمومية القادمة
*إن كانت هناك دولة لذلك الحين
*لنا اتحادات تغطي الشمس
*ولجنة أولمبية
*ولا نرى طحينا ولا طحنية
*عراك على كراسي من أجل الركلسة فقط
*والتمثيل في لجان خارجية
*وكم سفرة كدة لبعثات قد تضم عشرين عضوا
*تسعطاشر إداري ولاعب واحد فقط
*ولك الله ياوطن
*فهذا ديدن الإدارات فيك أيا كانت
*سياسية رياضية أهلية اجتماعية خنفشارية
*اللهم ابدل السودان أهلا خير من أهله
*اللهم وامدد لشباب السودان من هذا الجيل مدا
*اللهم قويهم
*ووحدهم
*وأنصرهم
*وشتت من يقف في طريقهم
*ووسع صدورهم لدرجة لا يؤثر عليها البمبان ولا صمغ اللبان ولا الفطيس
*يارب العالمين
*اللهم كورونا تخلي أكبر مواطن عمرو أربعة وعشرين يارب العالمين
*فلقد سئم الوطن الكبار الصغار في مواقفهم
*أيها الناس
*إن تنصروا الله ينصركم
*والله العظيم ينصركم
*أها
*نجي لي شمارات والي الخرتوم
*كان شفت يا والينا المكلف علينا
*اليومين دي في نزلة لامة فينا
*ما زي نزلة زمان يا أخينا
*الكان عالجناها أسبوع حتى تخلينا
*وكان خليناها بعد سبعة يوم بتمشي تخلينا
*نزلة لايوقه لايوقه لايوقه
*لياقة شنو بس أقول ليك يا أخينا

سلك كهربا

ننساك كيف والكلب سرح شديييييد وقام مشى على العمود…..يسوي شنو عاد مع الحاصل ده
وإلى لقاء