مجلس المريخ يجتمع اليوم ويخطر المفوضية بموعد الجمعية العمومية

مافي انتخابات ولا إستفتاء ولا بطيخ، كل مافي الحكاية إنو ناس البتاع الطوالي عاوزين يخدروا ناس عجورة وليمونة العاملين ليهم جقلبة اليومين دي، وبعد ما المخدر يمسك يجي البتاع الطوالي راجع من جدة في آخر أيام لجنة التسيير وبعد يومين يقول ليكم الوزير نسبة لضيق الوقت وعدم ومشاركة الفريق في منافسات سوكافا الجعرانية (طبعاً ده في حال النشاط ما إتوقف من الفيفا وبعد الطيران من بطولة أبطال أفريقيا والبطولة العربية والخروج ملوص من بطولتي الدوري الممتاز والكاس) فقد تقرر التمديد للجنة تسيير البتاع الطوالي لمدة ستة أشهر وذلك لتسيير شئون الفريق وإعداد الميزانية والإعداد للجمعية العمومية في ………وعييييييييييييييييييييييييك !!
لكمة أخيرة: مرخرخ شنو البكون فيهو ديموقراطية لمن يعمل ليكم إنتخابابت كمان ياناس عجورة وليمونة؟ إنتوا ناسكم بيجروا يجعروا للبتاع الطوالي قدام بيته وبيفرشوا صيوانهم وبيقيموا المأتم عشان يرجعوا الراجل يبقي رئيس ليكم، أما المشجعين المخمومين ناس عينة أبو المستعار فديل كفاية الواحد فيهم يقرأ ليهو عمود للأستاذ المرشدي، وعليك أمان الله الواحد بعد مايكمل العمود تلقاهو إتفنقل علي ضهرو وهاك يانومة علي المخدر !!