هلال زي طلة الأعياد في لحظة الميلاد..!!

شارعين وناصية
محمد الطيب الأمين
هلال زي طلة الأعياد في لحظة الميلاد..!!

*زمن بعيد ما شفنا الهلال بهذه الشخصية القوية.
* شخصية قوية ومعاها (قوة عين) كمان.
* جمهور الشباب لما تعاين ليهو بشكل عام كده أقل من جمهور الهلال وأكتر من جمهور المريخ.
* ده من خلال نظرة عامة كده.
* نحن أكتر منهم لكن هم أكتر من جماهيرية المريخ.
* ولذلك ليس سهلاً أن تلعب أمام جمهور بهذه العددية.
* صعب تلعب بهذا الثبات أمام جمهور كبير وثائر.
* إنها الشخصية.
* کاریزما الهلال.
* الطلة.
* والحضور.
* الحيوية.
* الرغبة.
* الثبات.
* الهلال.
* من أول عشر دقائق أي مشجع داخل الإستاد عرف إنو الشباب (وقع وقعة سوداء).
* بدأ الهلال المباراة (ما خايف وثابت).
* منع الشباب من اللعب بأريحية واستطاع أن ينهي الحصة الأولى بالتعادل
السلبي.
* الحصة الثانية ومع بداياتها تمكن الشباب من التسجيل.
* وبدأ الضغط الجماهيري على الهلال.
* ولكن.
* الخبرة ليها أثر.
* تماسك الفريق وقدم أجمل شوط في السنوات الأخيرة.
* لعب الفريق بإنضباط تكتيكي رفيع جداً
* وبرع نجوم الفرقة في تنفيذ الرسم على أفضل ما يكون.
* وكان التفوق لصالح النجم الكبير فلوران.
* مدرب متمكن وصاحب عقلية كبيرة.
* إلى جانب أنه شجاع.
* وضع الغربال ومزمل والشعلة ورفا في الكنبة.
* عكس كل التوقعات.
* ضغط الشباب في مناطقهم دون أن يهمل الدفاع.
* فرض رقابة صارمة على المزعج جداً كالالا.
* ثم كانت التغييرات كلمة السر.
* الغربال من الكنبة وللشبكة.
* و(مزمل لا) في الصناعة.
* کالالا هو الغربال.
* عندهم كالالا عندنا غربالا.
* واحد بي واحد والبادي أجمل.
* المباراة بالفعل اثبتت إن الهلال كسب مدرب كبير.
* مدرب رزین وشاطر.
* لا بنطط ولا شفقان.
* زول رايق وعارف نفسو بعمل في شنو.
* تفوق على النابي في كل مراحل المباراة.
* وجعل من الهلال الطرف الأفضل في اللقاء.
* نتيجة مثالية بحسابات الذهاب والإياب.
* وكان يمكن أن يحسم الهلال التأهل من هنالك لو إستثمرنا الفرص المضمونة التي ضاعت وعددها ست.
* عموماً .. الحمدالله على هذه الفرحة.
* والحمد الله على نعمة الإسلام والهلال.
* والحمدالله الحكم طلع ود ناس لا بتاع آیفون ولا بتاع بنكك.
* ألف مبروك لجمهور الهلال المحترم ويارب إنتصارات ونجاحات تغمرنا فرح.
* و.. و.. .
* هلال زي طلة الأعياد في لحظة الميلاد.