هو الهلال ذاتو برلوم المريخ
في السلك
بابكر سلك
هو الهلال ذاتو برلوم المريخ
*الحبيب محمد عبدالماجد استنكر في زاويته المحبوبة قصة برلمة مجلس الهلال
*استنكر ذلك لدرجة أنسته ثوريته ومعاها مدح كمان
*يقول محمد عبدالماجد في وصفه للسوباط والعليقي
*ناس البترول ديل ما عندهم جودية
*اكسح وأمسح وافسخ بس
*حتى عبارة المدح هي إحدى شعارات أحمد هارون
*من أول وهلة ما صدقت إنو الكلام القدامي ده كتبو محمد الثورجي
*قلت يمكن كلام زول شوربجي (بتاع شوربة)
*فسلوك الثورة وقناعاتها لا يمكن أن تسمح لثورجي أن يمتدح ثورة مضادة أو مضاد حيوي
*ناس البترول ديل يا حمودي خلي طابقهم مستور وخليهم في بترولهم (إذا حقهم) أو إذا (حق غيرهم واسمي مكتوب)
*نرجع لموضوعنا
*السوباط برلمتو مافيها شك
*من بترولو ولرئاسة نادي الهلال
*لا خبرة ولا أظنو كان وقتها يعلم الهلال فيها كم لام
*وكتاااار الزيو في مجلس الهلال
*وللأمانة كتااار زيو على قمة الهرم الإداري الرياضي
*يعني برلوم وسط الجماعة عرس
*الحبيب محمد زعل من برلمة مجلس الهلال
*طيب تعال جاي
*الهلال ذاتو برلوم المريخ لليوم
*النشأة
*السينير المريخ والهلال برلوم
*وفي النشأة دي
*الهلال برلوم بري ذاتها
*فبري إذا قابلت الهلال بتملصو لأنها هي سينير الشعار والهلال
*والهلال برلومها
*يعني في النشأة الهلال برلوم المريخ
*في الاستادات
*استادكم الخالعكم (اللهم اجعله في ميزان حسناتها وفك أسرها واستر سرها)
*استادكم ده برلوم استادنا
*شوف نحن شيدنا متين وإنتوا شيدتوا متين ونحن افتتحنا متين وإنتوا افتتحتوا بالدين متين؟
*برالمة استاديا برضو
*إفريقياً
*نحن قبل تلاتة وتلتين سنة اتخرجنا
*فارقنا مدرسة الأندية غير الحائزة على بطولة من بطولات الكاف
*ودخلنا جامعة الأندية المتحكرة على لوح الشرف الأفريقي بفضل حيازتها لبطولة من بطولات الكاف
*وإنتوا لي أسي في الأساس زيرو كبير
*في دي برالمة إنتوا وسناير نحن ، ولا دي ما سمعوا بيها ناسك ناس (البترول )
*ياخ في دي
*كردنة عندو فيديو حايم
*فيديو أوسكار
*للرائع وليد أبو هجمة
*مونتاج من لقاء مع كردنة على شاشة البلد
*قال قناة الهلال قال
*كردنة فات
*وقفل الملفات
*والقناة رجعت لي سيدها
*ناس البترول ديل البترول شغلهم عن إطلاق قناة لنادي البترول ولا شنو؟؟؟
*كلموا الشيخة بتعملها ليكم
*ياخ مرة البر والإحسان دي عملت ليكم استاد بي فندقو ما تعمل ليكم قناة
*القناة طبعا حا تكون كلها اكسح امسح وإعلانات محطات بنزين
*وأغنياتها البابور جاز خلو الاشتغل لما لجنة التمكين تعود يا أبو حميد
*أوعه ناس البترول الما بفتشوا لي جودية
*يرجعوا يكوسوها يابسة
*ده تبقى مشكلة يا أبو حميد
*محمد عبدالماجد رجل ثوري ما بتغالطو في دي نفرين
*ولثوريته هذه احترامها عند الكثير من جماهير المريخ
*ومقدرنها ليهو
*بس كوصية
*إذا تعارضت الهلالية مع الثورة
*أخير ليك الثورة فهي أقرب للقلوب
*والوطن أولى ثم تأتي بقية الانتماءات
*المهم
*الفيديو بتاع كردنة العملو وليد أبو هجمة روعة
*كردنة قال اعترضت على الاحتفال بمرور تسعين سنة على تأسيس الهلال
*لأنو ما ممكن نادي تسعين سنة ما شال كأس ويحتفل
*نحتفل بي شنو؟
*طبعا كردنة لو لقى في دولاب الهلال مانديلا
*كان قفل واحتفل وختاهو مع بشه في دائرة السنتر
*لكنه وجد العنكبوت الذي يدل على البرلمة
*ياخ سيكافات عندنا مجدعات زي الركشات
*وإنتوا يا محمد بي بترولكم الركشة تسمكم
*تقول لي ما برالمة
*برالمة وزيرو كبير كمان
*دفعة مريم بتي
*السنة دي ماشه زيرو كبير
*برلومة زي الهلال
*ما زي العجب
*العجب ده بلعب في نادي سينير
*أسي في أي محفل رياضي
*يحق ليكم في التعريف
*تقدمونا بقولكم
*المريخ
*سينيرنا
*صدقوني أفريقيا كده بتحترمكم
*لأنو سينيركم عضو في لوح الشرف الإفريقي
*ولكي تعم الفائدة
*نحن كسناير نشرح لبرلومنا معنى لوح الشرف الإفريقي لأنهم برالمة لا شافوه ولا اتكتبوا عليهو
*لوح الشرف الأفريقي ده يابرالمتنا
*لوح كبيييييير
*وعاااااالي
*بكتبوا فيهو بالدهب
*طبعا بالدهب ما بتكتب نادي ضهب
*بكتبوا فيهو الأندية السناير الشالت بطولة من بطولات الكاف
*الهلال برلومنا حقو ما يحرجنا ويسألنا أنا اسمي مكتوب؟؟؟
*طبعا ما مكتوب
*كردنة قال لقى الديار خلا
*كاس ما فيها
*بيت أنصار سنة بس
*ولا كاس
*وقع ليكم يابرالمة؟؟؟
*المهم
*كورسات تقوية لطلاب زيرو كبير
*الفرص محدودة
*سجل برلومك حتى لا تفوتك الفرصة
*وسجلنا برلومنا
*لا شكر على واجب يا محمد عبدالماجد
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*البرالمة دايرين يتطاولوا علينا
*وكردنة قال لما جينا
*الترابة ما لقينا
*خجلانين خجلانين خجلانينا
سلك كهربا
ننساك كيف والكلب قال عندي جريو كلما نجي جمب البرلوم مول يقول نادي الهلال نادي الهلال …ماعارف العلاقة شنو؟
وإلى لقاء.
انتو كل اداراتكم برالمه امسك هسه سودكال وين شاف الاداره للانديه والتانى الهربان ده عمرو ما رس اداره برضو . بعدين تعال من وين عندك كاس بطولة الكاف بطل كذب واتحداك ادخل موقع الكاف وشوف بى نفسك مريخك ده مسجل انو شال ليهو كاس دورى بتاع الكاف ما تخمونا بى الكلام ساى . لى هسه ماف فريق سودانى فاز ليهو بى بطولة للكاف .
هههه علي الاقل السوباط والعليقي كانوا في لجنه تسيير لمده 18 شهر لكن القنصل الفشنك خبراته شنو وسوداكان خبراته في سجن الهدي زول فاز بالتذكيه من الربط خبرات بلا خبرات و هيثم كابوا خبراته شنو كان صحفي بنقل اخبار القونات خبرات ايه يا وصييف العارف عزو كانت خبراته شنو تابيته بطرس ومين منير ديل اساس عديل
أحلى حاجة(كأس ابو ظبي)
يعني عندكم بطولة خارجية دي ليش يقولوا عليكم صفر
المشكله انت برلومك الاتسجلوا بالايمو والواتساب
للاسف اتكلمت عن لوح الشرف وانتو ماعندكم شرف يابتاعين سوق العتبه وسيبك من حكاية مانديلا ده كان فعل ماضي رايك شنو في كأس ابوظبي الخلاكم تسجلوا محمد موسي انتو يا كتاب الاحمر حاركم الصيني
ههههههه هااااااا. شر البلية مايضحك والجمل مابيشوف عوجة رقبتو ياعمنا تنقو. 😹😹😹😹
والله يا سلك مسحت بيهم الواطه
يوم بتقتل ليك زووووول ههههههههه
يقول الاستاذ الواثق بالله (هناك من يرى أن لجنة أوضاع اللاعبين قد جاملت الهلال وأعفته من العقوبة لمخالفته نص الفقرة 7 بالمادة 25 من لائحة أوضاع وانتقالات اللاعبين 2018 التي تلزمه بمخاطبة نادي المريخ قبل مفاوضة لاعبه عماد الصيني.
للرد على هذا الادعاء نقول ان اللجنة لم تجامل الهلال وان الفقرة 7 بالمادة 25 لا تنطبق على حالة اللاعب عماد الصيني.
وأن المادة التي تنطبق عليه هي المادة 59 الفقرة 15 من نفس اللائحة تعديل 03/07/2022.
ولبيان ذلك نذهب الى المادتين المذكورتين ونستعرض فقرتيهما..
تنص الفقرة 7 بالمادة 25 على الآتي (النادي الذي يرغب في توقيع عقد مع لاعب يجب أن يخطر نادي اللاعب الحالي كتابة قبل الدخول في أي مفاوضات مع اللاعب).
تحدثت هذه الفقرة عن (اللاعب) بصورة عامة، وهو توصيف يشمل اللاعب (الوطني والأجنبي) معا، وهي بالتالي تعتبر (نص عام) حسب القاعدة القانونية المعروفة.
بينما تنص الفقرة 15 بالمادة 59 تحت عنوان (إلتزامات الأندية) على الآتي (على النادي الراغب في التفاوض أو التعاقد مع لاعب محترف وطني أن يخطر ناديه الحالي وأن يحصل على موافقته كتابيا قبل البدء في التفاوض معه، إلا اذا كان عقده انتهى أو سينتهي خلال الأربعة أشهر الأخيرة من عقده الحالي)
هنا حددت هذه الفقرة صفة اللاعب الذي يجب إخطار ناديه بأنه اللاعب المحترف (الوطني) وعماد الصيني لاعب محترف وطني.
وبالتالي تنطبق عليه هذه الفقرة 15 من المادة 59 باعتبارها (نص خاص) وكما هو معلوم (ان النص الخاص يقيد النص العام) ويقدم عليه.
وبالعودة للفقرة 15 بالمادة 59 نجدها قد استثنت نادي الهلال من مسؤولية مخاطبة نادي المريخ والحصول على موافقته الكتابية المسبقة لأن الهلال فاوض اللاعب ووقع معه عقدا خلال فترة السماح التي حددتها المادة بأربعة أشهر.
مع العلم أن العقد المعني هنا هو العقد الأول المعتمد من الاتحاد ومدرج في “السيستم” منذ ثلاث سنوات ونفذه اللاعب على أكمل وجه وليس العقد الثاني الذي أبطلته المادة 42 من لائحة أوضاع وانتقالات اللاعبين.
فبعد أن كان انهاء العقد مقتصرا على انتها مدته أو بالاتفاق في المادة 13، نجده هنا في المادة 14 جائزا بطريقة ثالثة وهي توفر السبب العادل..
وهذا هو ما يعرف ب”النص الخاص” الذي يقدم على النص العام.
وهو ما طبقه الاتحاد الدولي (فيفا) في قصية انتقال اللاعب محمد عبد الرحمن (الغربال) للهلال من النادي الجزائري حيث انتقل للهلال بالنص الخاص (توفر السبب العادل) وهو عدم تسديد النادي الجزائري لمستحقاته المالية.
فلو أن الفيفا طبق “النص العام” الوارد في المادة 13 على اللاعب والذي قيد انهاء العقد بانتهاء مدته أو باتفاق الطرفين (فقط) لما انتقل للهلال إلا باحدى هاتين الطريقتين..
نفس الطريقة تنطبق على حالة اللاعب عماد الصيني الذي أعفت الفقرة 15 بالمادة 59 الهلال من مسؤولية مخاطبة المريخ مسبقا كما بينا أعلاه).
تفسير الاستاذ الواثق بالله خبير القانون الرياضي يجب أن يسدل الستار على قضية الصيني الذي يجب أن يضم إلى كشف الهلال ومن حق المريخ أن يذهب إلى كاس ولكن من هو صاحب الشرعية حازم ولا سوداكال.
وفي الختام.. صيني أصلي ما تقليد.. والسلام. عشان كده المريخ بجي الطيش ودايما وصيف