وظائف شاغرة محتاجة صفحة فيس ومتبقي من الزمن ٤٨ ساعة….
تغريده واتساب
بقلم : معاذ ابومؤيد
وظائف شاغرة محتاجة صفحة فيس
ومتبقي من الزمن ٤٨ ساعة….
??????
الاعلان واضح ومامحتاج شرح وظيفة ما محتاجة الا صفحة في الفيس تكون مخالف فيها الناس عشان تظهر وتكون من رواد لبس البدل
???
غايتو احتفال الصحيفة ورانا الطفى النور منو
بقدر فرحتنا بالاصدار بقدر احباطنا بالالوان وحضور بعض الشخصيات
معقوولة بس بدل زرقاء اللون في احتفال احمر الهواء حيرتونا
ننادي بتوحيد الملابس في المدرجات نتفاجأ بالجماعة لابسين كيف كيف !!!
???
ومع غبار الجو ظهروا ناس ومعاهم غبار برضو
جو من وين وجاين لشنو !!
هو ناس الساس والراس الدفعوا من قوت اولادهم ماعارفين زمن الاحتفال يجونا ناس من ذاكرة الوطن ومتحكرين قدام ويبشروا كمان !!!
???
نرجع لوظيفتنا المعلنة مسبقا عايز تشتهر وتكون من اصحاب الفلاشات والاضواء ظبت ليك صفحة في الفيس واعمل ليك قروب واتساب وشوف ليك بدلة معاها نظارة تلاقي نفسك في العلالي المهم كتر الناس والاضافات واعمل ليك شعبية
???
قلنا الكتابة ساهلة لكن الإدارة كيف
المناصب المؤقتة والتعيين هل اصبح معبر و طريق لاعتلاء المناصب الإدارية
فجأة كدة !!!
بالمناسبة الاعلام دا ذي كورة القدم
البعرف يلعب والكيشة ظااااهر
من شكله
لكن كمان الإدارة عندها شروط ومواصفات
لكن ادارتنا ومناصبنا في السودان ترضيات ومجاملات
ولا الفهم شنو
تكون الإدارة في المؤسسات ذي إدارة صفحات الفيس
والواتس
يكون متخيلنها متابعة وعمل لايك للمنشور!!!!
لكن الاحتفال ورانا نوعية البدل واختيار الالوان صادف الميول الداخلي
???
في ناس ينطو ليك يقولو ليك عايزهم يلبسوا بدل حمراء اقول ليهم من الالوان الكثير ومن مشتقات الالوان الاكثر عيبوا لينا اوسط الحلول الرمادي لا ابيض و لا اسود
بس النظارات امبارح جايبة شغل وابتسم عشان الصورة تطلع حلوة والصورة نفس الصورة ??
???
عيشوا نبض الصفوة ولا ساعدونا بالسكات والموية الباردة ولنا عودة لفن الإدارة الحديث
بدلة + صفحة فيس+ من عشاق التصوير= منصب فخم
انتظرونا ايضا ونشوف كمان الناس العايزة تدس المحافير وعايزين يكسروا مقاديف ناس القروبات وعندهم راي في نفرات النادي والاستاد
هل المريخ اصبح ورثة لاشخاص بعينهم
???
ختاما
المناصب لو دائمة لما آلت اليك ماتغشك الفرحة وتنسى الصفحة والخوف رواد الصفحه ذاتهم يكونو من اصحاب المناصب قريبا
???
نرجع لمدرجنا مدرج الناس الغبش الما بيلبسوا بدل
ناس الوجعة وناس الفرحة الغير مصطنعة
باقي لينا ياشفوت ليلتين وتنوروا المدرجات عايزين كل شفوت الخرطوم جوه ولو جو معانا ناس الاقاليم ذيادة الخير خيرين
كل القوة الاستاد جوه ماعدا المذكورين مسبقا اصحاب المرض والمنظراتية والبعاينوا ساكت
كل شفت معانا بلونين بس احمر واصفر
انشاء الله ناس المقصورة يلتزمو معانا لو بلون من مشتقات الاصفر والاحمر تكونوا ماقصرتو اعصرو علي نفسكم حبة كلها ساعتين والكاميرات حتجيبكم يعني حنشوفكم لابسين شنو وبعديها ماتلومونا لانو وريناكم من اسه
???
شكرا يامجلس الشورى شرفتو النادي ان شاء الله تكونوا فتحتوا الباب للجميع عشان كل شي يخص المريخ يدار من داخل النادي وخلونا من الحوامة خارج النادي والايجارات وصرف القروش
القروبات تلقط فيها لقيط
ويلمها النمل وياطها الفيل ……
بالله شفتوا شغل الشفوت والقروبات كيف ان شاء الله عجبكم
???
غايتو يادكتور جار النبي يوم شكرك ما يجي عملك البتقوم بيه ماهين الشفوت يشكروك شكر مابعده شكر
شكرا لمجهوداتك في اصابات لاعبي المريخ شكرا رابطة مريخاب الامارات شكرا لكم
الغريبة مجهود دكتور جار النبي مع المريخ دا كلو وصوره قليلة في الاعلام
وناس ظهروا فجأة في عالمنا الجميل مالين الصحف بالصور والكلام…..
ناس خدموا الزعيم وحقهم مهضوم
وناس تتصور وعندها جضوم!!!
? ? ?
