أبو عشرين أساسي في يوغندا وعجب ومحمد الرشيد حايمين في أم درمان !!
بالعربي الكسيح
محمد الطيب الأمين
أبو عشرين أساسي في يوغندا وعجب ومحمد الرشيد حايمين في أم درمان !!
* رحيل رجل بقامة وقيمة الصادق المهدي يبقى من الصعب جدا أن تسيطر فيه على مشاعر الناس وتصرفاتهم في لحظة (وجع مباغت) .
* موت الصادق (عليه الرحمة) ومهما إختلف حوله الناس يبقى هو موت (جزء من تاريخ الوطن) .
* وللرجل محبين وأنصار أكثر من جمهور المريخ .
* ولذلك جاء تشييعه متجاوزاً لكل الإشتراطات الصحية .
* وهذا أمر متوقع رغم (خوفنا على المشيعيين) من داء كورونا .
* جنازة الصادق المهدي هي ثالث أكبر جنازة يتبعها الناس بعد (العارف بالله محمد سيد حاج ومحمود عبد العزيز) عليهما الرحمة .
* نسأل له الرحمة والمغفرة ونتمنى من كل الذين حضروا التشييع أن (يعزلوا) أنفسهم خلال الأيام القادمة من (باب الاحتياطي) حتى إذا كان بينهم (مصابين) لا قدر الله لا يفشون المرض .
* المهم .
* اليوم (الكبير) يستهل مشواره الأفريقي من محطة (الصغار) .
* التمهيدي .. مرحلة لا تشبه الهلال ولا تليق بمكانته الرفيعة في القارة الأفريقية.
* ولكنها كرة القدم وجنونها الذي لا يحفظ (المقامات) في كثير من الأحيان.
* وبما أن هذه (المرحلة) هي لصغار أفريقيا و(حمامها) من شاكلة المريخ والبطيخ والقطن والرز ، فإن الهلال مطالب بأن يثبت ذلك (بياناً بالعمل) .
* نثبت الكلام ده جوة الملعب .
* نتخطى هذه المرحلة من خارج الديار .
* نحسم بره بلدنا ونجي في الإياب نحتفل .
* ثقافة النصر خارج الديار هي التي ستكتب للهلال العمر الطويل في هذه البطولة .
* تخت التلاتة نقاط خيار أول وبالعدم نقطة .
* الهلال بعد هذه التسجيلات المشرفة وبعد التعافي الكبير والاستقرار الذي يعيشه النادي يجب أن نرفع شعار الفوز (جوة وبره) .
* نحترم المنافس ونحترم تاريخه وطموحه ولكن للهلال الكلمة الأعلى إن شاء الله.
* نراهن على أي تشكيلة يختارها الجهاز الفني .
* أي حداشر إذا أحسنوا إدارة اللقاء ستكون البداية فاتحة شهية بإذن الله .
* نقول هذا ولا نغفل جنون الكرة .
* لا نغفل جنون الكرة ولا نناقض أنفسنا.
* الطبيعي أن نفوز رايح جاي ولكن كرة القدم قد تقول كلمتها.
* ولذلك أي تعثر لا قدر الله لا يعني نهاية الدنيا ولا يعني شن حرب على الفريق .
* كما لا يعني سقوط الهلال من البطولة .
* نحن على ثقة بأن الأزرق سيذهب بعيداً هذا العام حتى إذا تعثر اليوم .
* نراهن على ذلك .
* ونسأل الله أن يوفقهم في سبيل إسعاد هذا الشعب العظيم.
* بالأمس حقق الأمل الفوز وهو فوز مستحق .
* الأمل فريق محترم يجب أن ندعمهم كافة أشكال الدعم.
* إعلام الهلال هو إعلام الأمل عطبرة.
* معاكم للنهاية .
* وبمناسبة النهاية .
* قصدنا أن لا نعلق على قضية عجب والرشيد لأن الهلال إختار التصعيد.
* الهلال بدأ خطوات التقاضي خارجياً وبإذن الله لن يضيع حق مع القانون .
* لجنة الانضباط مؤكد أنها ستوقف عجب والرشيد ومعاهم (التاني داك) ولكن هذا لا يكفى .
* نجيبها ليكم من فوق والحشاش يملأ شبكتو .
* لجنة تطبيع الهلال تعلم أن كل ما فعلته خلال الشهور الماضية محل تقدير ولكن أي تراخي في قضية عجب والرشيد و(التاني داك) تعني غليان جماهيري .
* نثق في الطاهر يونس وكل أركان حربه وهم يتفرغون الآن لهذا الملف.
* لا مبادرة ولا جودية ولا واسطة .
* المنتخب الوطني على العين والرأس لكن لو اصلاً المنتخب واقف على الإتنين ديل يبقى ده منتخب سجمان ساكت .
* المنتخب لا يتشرف بلاعبين أخلاقهم مضروبة .
* عشان كده قولوا لحسن برقو ده يزح بعييييد .
* الموضوع ما فيهو هظار يا برقو .
* أطلع منها.
* عندك نزار حامد رجع يلعب في خانة عجب وعندك بوغبا رجع يلعب في خانة محمد الرشيد والموضوع إنتهى.
* والتحية للأخ غير الشقيق أبو عشرين الشهير ب(لون الدم) .
* أبو عشرين يحرس مرمى الهلال اليوم في يوغندا بينما رمضان عجب ومحمد الرشيد حايمين في أم درمان .
* لا سافروا مع الهلال ولا غادروا مع المريخ.
* حايمين هنا في أم درمان دي .
* وتاني يا رمضان عجب كورة قريب ده ما في .
* شوف ليك (ليدو) أنت وود الرشيد واكسبو زمنكم .
* وتبكوا بس .. عين قطرة وعين مس .
* ونركب صافنات ونجيبة (يوغندية) واصلو الزول بيموت والذكرى تفضل حية .
* و..و..
* و(الفيفا) مشهودة عارفنا المكارم والحارة بنخوضة .
العربي المسيخ حتى من رحلوا عن الدنيا الفانية يدخلهم في سخريته… ابوبرنيطة رايح ليهو الدرب قعد يقارن شعبية سيد اسباد السودان وافريقيا بشعبية الهرم السياسي الحبيب… بالله عليك انت علاقتك شنو مع الصحافة وطبعا اختلت المعايير ولولا ذلك انت مكانك مع ا وعامة الناس لأن من يكتب نقد رياضي يحب أن تتوفر فيه صفات معروفة لكن انت موغل في. وستعلم قريبا حجمك الطبيعي وأترك السخرية قبل ما تعرف مستوى فريقك المتهالك الذي يصعد للادوار ببوصلة قرن شطة في توجيه القرعة نحو الحمام الميت ناس الرصاصات والكبريت الزنزباري وصفيح بورندي وبوليس الحارة ٧٥ وهلمجرا..بنص دستة اهلي شندي وبطيخة سادومبا وترماي الوداد وكبري فارس وجسر السمؤال ومعدية الشغيل وانبطاحة سقط لقط ابوعشرة الباع نصفه السنة دي حاتعرفوا حاجة تانية خالص من الفرق المنافسة ومع الغربال كمان. ياخي احترم عقول القراء واكتب كلام مقبول وأترك التهكم الكاذب والسخرية التي بإذن الله تغطس حجر الهلال.
عفارم عليك اضرب الزماطير
زولي
الليله هايج وعندك زخم وهوس اسمه رمضان والرشيد
زعلنا ليك ياخ
تعال جيب ركشه وسوقهم كان بريحك لانه الصوره ما ريحتك
منتظرك هناك بعد المباراة ولنا عودة
رحم الله الامام الصادق المهدي
قال : (وللرجل محبين وأنصار أكثر من جمهور المريخ ).المريخاب كتار والله قصدك ياتم المريخاب الصفوة ولا المريخاب الزعلانين العملو حاجة اسمها الهلال
قال : ( اليوم (الكبير) يستهل مشواره الأفريقي من محطة (الصغار) .) كبير تكون قاصد بيها شنو الصفر البقى محلي ليهو 3 سنوات ولا الصفر الدولي الليهو 90 سنة ما شاء الله واقف محلو
قال :ولكنها كرة القدم وجنونها الذي لا يحفظ (المقامات) في كثير من الأحيان.في دي صدقته والله البخلي الاتحاد الأفريقي يعفيك 3 مرات من لعب التمهيدي شنو مع ناس الأهلي والترجي أبو نص دسته في شباكك 3 مرات يعني 18 /صفر في 3 مباريات ولا الوداد لو نسيت لاعبهم مصطفى بيضوضان اللي جاب فيك 5 أهداف وصار هداف أفريقيا من مباراة واحدة ولا 5 مازيمبي في استادكم ولا ولا ولا ههه قال كبير قال
قال : (نجيبها ليكم من فوق والحشاش يملأ شبكتو .الكلام ده انتو ما قدرو خلوهو لي ناس د/مزمل
قال:لا مبادرة ولا جودية ولا واسطة .طظ فيكم وأعلى ما في خيلكم أركبوهو يا ناس سنه أولى اتعلمو
قال :عندك نزار حامد رجع يلعب في خانة عجب وعندك بوغبا رجع يلعب في خانة محمد الرشيد والموضوع إنتهى.) وديل كانو وين زمان يا مورينهو زمانك ماتخليك في عمودك الهايف وما جايب حقو أحسن ليك انت الكورة شفتها وين في حلتكم ولا شنو
قال :(المنتخب لا يتشرف بلاعبين أخلاقهم مضروبة .) يا سلام على أخلاقك انته يااااخ وانته بتكتب ألفاظ من شاكلة بنطلونك ناصل وداقي سيستم وتبكو بس عين قطرة وعين مس هزلت الصحافة والله والمصيبة انو في دكاترة وبروفات بقرو الكلام الفارغ والهيافة دي
قال :(نثق في الطاهر يونس وكل أركان حربه وهم يتفرغون الآن لهذا الملف) هه الملف ده ما قدركم بلا الطاهر يونس بلا اركان حربه
قال 🙁 شوف ليك (ليدو) أنت وود الرشيد واكسبو زمنكم .) يلعبو ليدو ولا العبو للهليل عندنا غيرهم
قال(وتاني يا رمضان عجب كورة قريب ده ما في ) . رمضان ده مش ياهو بتاع البمبان ولا واحد تاني يقعد بس
قال : ( أبو عشرين يحرس مرمى الهلال اليوم في يوغندا) بالتوفيق لي محترفنا بطرفكم ان شاء الله مانلحقوهو أمات طه أقصد جمال سالم من النص تخش وغدا لناظره قريب
قال :(و(الفيفا) مشهودة عارفنا المكارم والحارة بنخوضة .) الفيفا ما عندها علاقة يا ناس قريعتي راحت ما قلنا ليكم يا ناس سنة أولى ما صدقتو شوفو لوزان ولا غيره
وأخيرا خلاص يااااخ نسيتو جمهور الهلال مسمار السمااااااني وشغلتوهم بي قضايا خسرانه تاني مالكم بتجعجعو
عبدالملك كفيت ووفيت
احسنت ياود الطيب. نار القصب حاااارة شديد. لاتبتئس بردم وتطاول عصابات الدلاقين عليك. هذه هي تربية اليخماو ابو الاحقاد الذي زين لهم الوقوف مع الباطل. بالله عليك شوف كمية الحقد التي تنضح من تعليقاتهم الرديئة. غايتو ادمنوا التعصب علي الباطل والعياذ بالله. قال قرن شطة يختار الفرق الضعيفة للهلال. هههههههه هاااااي. طيب فايبر ده مش قشاكم من التمهيدي الموسم الفات؟؟ ولا برضو ضعيف؟ ماتزعلوا جبنا ليكم تاركم وهزمناه في عقر داره كما هزمنا مازيمبي في عقر داره والتي لم بفعلها فريق قبل الهلال في مباراة تنافسية وبرضو نكون جبنا ليكم تاركم من ثلاثية ساماتا. كدي خلينا نشوف فصاحتكم بكرة مع الكنغولي. خايف تتكرر عليكم سباعية الوحدات بيس لاتصرخوا وتلوموا الهلال وتقولوا عطل مننا ثلاثة لاعبين!!! نحن برضو تعطل مننا نفس العدد.
هههههجاام اااانت صاحي ولا نائم؟ تار شنو وساماتا دا ضرب ابوالهل 5 في المعبرة وانت فاكر فايبر دا منافس فعلا ضعيف وحمام ميت والمريخ كلكم تعلمون المشاكل التي يعاني منها منذ اربعة اعوام وبعد دا فاز بالدوري ٣ مرات متتالية وما تبالغ في الفرح الغريق قدام اما المريخ لا تنتظر هزيمته ان شاء الله سيظهر المريخ بالصورة التي تشرف السودان فالمريخ تيم قوي ويلعب كورة جماعية وإن شاء الله هذا العام سبذهب بعيدا في البطولة خذ لك كباية شاي بالنعناع واستمتع بمستوى المريخ والفريق الكنغولي… اما الهوس بابوالمستعار سيطول ويطول لانكم تلهثون وراء سراب اسمه مانديلا فهو شبح مخيف لا هو صاحب العمود المزعوم ولا المندلاوي الذي يقودكم نحو الهاوية ههههه …اما حكاية القرعة الموجهة أسأل قرن شطة نفسه عن الفرق المصرية عيال ابوريده والفرق المفربية عيال لجع…. والتوانسة عيال مين نسبت اسمو والمدعوم وليد القرن المعشعش في ردهات الكاف سنين وسنين مثل الديناصور الذي يأبى أن يترجل أبدا ويريد لآخر يوم في عمر الإتحاد الا يدمر المريخ يا ظلمه ان شاء الله ستعلمون نتيجة ظلمكم في الدنيا قبل الآخرة.
لن يفلح كيد الحاقدين موتوا بغيظكم.. ..بدل ماتشوفوا كيف تصلحوا حالكم كل همكم الاساليب الخيبانة…