أحرزهما سيف تيري.. المريخ يحسم مواجهة القمة بالفوز على نده الهلال بهدفين دون رد
كورة سودانية-امدرمان
فاز المريخ على غريمه التقليدى الهلال بهدفين دون رد ضمن مباريات الدورة الاولى فى الدورى الممتاز في اللقاء الذي جمع الفريقين اليوم الأحد على أرضية استاد الهلال في المباراة المؤجلة من الجولة الاولى لمنافسات المرحلة الاولى للدوري السوداني الممتاز.
وجاءت الأهداف بتوقيع اللاعب سيف تيرى الذى افتتح ألهدف الاول في الدقيقة 14 من الشوط الاول قبل أن يعزز تيرى نفسة النتيجة بهدف ثاني للمريخ في الدقيقة 30 من الشوط الاول.
لعب المريخ بتكتيك دفاعى واضح معتمداً على الهجمات المرتدة والتى منحت التفوق للاحمر لفعالية القناص سيف تيرى وتونى ادجو الذى قدم مستوى فنى رفيع.
برز من الهلال اللاعب محمد عبد الرحمن الذى اكتفى بدور صانع اللعب بسبب الرقابة الدفاعية الصارمة التى فرضها عليه دفاع الاحمر ومن جانب المريخ تفوق كل من عمار طيفور وسيف تيرى..
وبالنتيجة، يرتفع المريخ فى جدول الترتيب بـرصيد 34 نقطة فى المركز الثانى بعد الهلال وللمريخ مباراة مؤجلة امام حى الوادى نيالا.
والله مع الرافه والتحكيم
ياهو ده هلالكم انضرب في ارضه وشال حبتين عند اللزوم ولولا الحكم كانت كبيره
حتغلبونا متين انتو الا في حياه اخري
يا شداد خشمك ملح ملح الليله بس ابقي علي المستشفي
الرش الرش
شداد بتكون جاتو جلطه والسوباط اسهال حاد
كلكم ما نافعين لا مريخ نافع ولا هلال نافع – الناس لاعبة في دورة الأربعة الأبطال تقول لي هلال مريخ فرتق كدا ولا كدا
شداد مش اللي عمل ليك استثناء و سمح ليك تسجل اللعيبة الاجانب …؟
الفوز المستحق للمريخ في صالح سودكال اللي جابوا شداد على حسب فهمكم المتواضع …..
لو الفوز على الهلال بقت هيلمانة تبقوا ند تقليدي و احد طرفي القمة بياتو منطق؟
فريقك ده ما تتسى قبل 3 اسابيع ماخد 15 هدف في 6 مباريات.
كلام الطير في الباقير كلام زول مغلوب وموجوع
المريخ اخد 15 هدف في 6 مباريات والهلال وين ياربي في دور الاربعه
لا تعايرني لا اعايرك الهم طايلني وطايلك
نفرح محلي بس ونعاير بعض محلي ونكيد لبعض خارجيا ونسعد بالمغادره للاخر
انا مريخابي وفزت بالديربي وفرحان لكن حزنان لحالكم يا جماهير الكره
مادام مافي خارجي خلينا داخلي
يا بتوعين شداد
التحكيم يا أبو المستعار المندلاوي إشتغل ليك قرفة شديد، وماعارف لمتين حكام الفلول المندسين حا يتم رميهم في المزبلة، ونحنا لو كان عندنا لجنة تطبيع شادة حيلها كان زمانكم في المركز قبل الطيش……!!
مواسيركم بقوا حراس مرمي والحكم نايم، ونفس ليكم مع إنكم كنتوا مزرورين زرة كديس، قوون وباك والحكم الدلقون قشاش !!
اظرف شى رمضان السيد فى عموده اليوم كاتب الهلال يستعد لاكتساح المريخ … الحكم ستر الزناطير من هزيمة تاريخية .. وين الزنطور صلاح مسمارين زى السم
حصلوا شداد بكون انجليزي
حصلوا شداد بكون انجلط
حصلوا شداد بكون انجلط
هاكم الصدارة من مساعد مورينو شخشيا القتل حايغلب الزعيم ههههاااي
تستاهلوا يا جلابي الدوحة والله المريخ لعب مباراة هائلة ونحن بنقول الحق. الحكم اليوم لم يكن بذلك السوء والمريخ لو استغل بطء وسوء مستوى الطيب عبدالرزاق وعدم الانسجام بينه وبين ارنق من خلال اشراك بكري المدينة مع تيري كانت النتيجة حتكون تاريخية. انا بقول ليك الكلام دة وانا هلالابي على السكين. اليوم يومكم وتستاهلوا. نتيجة باهرة اداء ولعب ومستوى من جميع النواحي.
تسلم يا راقي واحيييك واقول هاردلك والكوره غالب ومغلوب
لكن في عينه كده عايشه علي المكاواه وتبخيس الحق
شكرا ليك احمد التجاني
مبروك لكل الصفوة هذا النصر فهو درس لنائب رئيس لجنة التطبيع وهلالاب اتحاد الكورة واعلام الازرق واتمنى من الهلالاب الاحتفال وتكريم سيف تيري الذي اضاع ثلاثة أهداف محققة كانت ستكون هزيمة قاسيه 🤣🤣 ويا الطاهر يونس صدقني الا ناس شداد والحكام يلبسوا شعار الهلال وينزلوا يلعبوا ليكم حاولت بكل السبل والوسائل لا نفع درهم ولا نفع قنطار 😄🙌🏻😁
ياخي احمد التجاني دا زول راقي بشكل.. سبحان الله الهلالاب متعصبين شديد نوعية صلاح الذي يسب ويلعن ولا في قاموسه احترام الآخر… الكورة يوم ليك ويوم عليك اهني الرجل المحترم احمد التجاني على الروح الرياضية وباكر الهلال العظيم ينتفض ويسعد القاعدة الهلالية.
انا هلالابى صراحه المريخ منظم اكتر من الهلال اولا” دفاع متماسك ومتفاهم مع سرعه فى الهجمه المرتده عكس الهلال دفاع مفكك وكلو ثغرات ونص غايب تماما”.. الغربال فشنك اعلام الهلال اداهو اكتر من حقو. كل المحللين والمدربين قالوا الهلال أقوى من المريخ فى الدفاع والنص طلعوا كلهم ما فاهمين اى شى المريخ اثبت انو فريق قوى فى الدفاع والنص والدليل أحرز هدفين من مرتدات سريعات ونص الهلال ودفاعو عباره عن دراويش … حيرنى مدرب الهلال باقى 5 دقايق جاب ياسر مذمل عشان يعمل شنو مثلا” يعنى ال5 دقايق بتعمل شنو ماكان من الاول يا مدرب.