إستاد الهلال للهلال والمنتخب..!!

شارعين وناصية
محمد الطيب الأمين
إستاد الهلال للهلال والمنتخب..!!

* أكتر فريق متضرر من إعتماد ملعب شيكان هو الأهلي المصري !
* أكثر فريق متضرر من إعتماد الكاف لملعب شيكان هو الأهلي المصري.
* والله صحي.
* الأهلي المصري عمل ليهو (زباين) و(حيران) في أفريقيا.
* زباين معتمدين.
* يلجأ لهم الأهلي عندما يكون في حالة فنية وبدنية غير جيدة.
* ويقدم الأهلي عروض مغرية للزباين.
* عندهم عروض مختلفة.
* حسب وضع الزبون.
* لو لقوك فرحان بيقدموا ليك عرض خالي قروش.
* وأنا صراحة أكثر حاجة عاجباني في الأهلي المصري إنو ما بيديك قروش في يدك.
* ما عندهم بند زي ده.
* كل شي هم معاك ما عدا القروش.
* ممكن يدوك لاعب إعارة لكن ما بيدوك قروش.
* ممكن تنزل في الفندق على حسابهم.
* لا تدفع قرش ولا تعريفة.
* تسكن مجان لكن ما بدوك قروش في يدك.
* تأكل وتشرب على حسابهم.
* تأكل وتشرب وهم يدفعوا الحساب.
* بتعاملوا مع الكاشير مباشرة.
* ببيعوك لكن بدون كاش.
* بيع عيني ساكت.
* الإستاد مجان ، الفندق مجان ، الأكل والشراب مجان ، يغلبوا ليك الهلال رايح وجاي وبغلبوا ليك صن داونز رايح جاي.
* دي كلها عروض بيقدمها الأهلي لكل فريق في أفريقيا ما عندو ملعب.
* الأهلي لما يعرف إنو أنت (تمامة جرتق) ساكت ما بتعب معاك ولا بضيع زمن.
* بقنعك تجيهو في القاهرة.
* كده كده انت طاير.
* وهم دايرين يشتروا راحتهم.
* ولذلك أعتقد إنو الأخوة في النادي الأهلي غير سعداء بإجازة ملعب شيكان.
* كده ح يفقدوا زبون.
* المهم.
* إستاد للهلال والمنتخب.
* تمشي شيكان تمشي بحر دار انت حر.
* داير تلعب في أم درمان تدفع 40 ألف دولار.
* ودي ذاتا تسعيرة السنة الفات.
* هذه الرسوم من أجل أن نحافظ على الاستاد الوحيد المجاز في السودان.
* كهرباء ونظافة وعمال وقصص كتيرة.
* وعلى فكرة .
* السعر ده بالنسبة للمباريات العصر.
* بعد الإضاءة ممكن يصل 75 ألف دولار للمباراة الواحدة.
* عجبك عجبك ما عجبك إستاد السلام قاااااااعد.
* المهم.
* من الأفضل أن لا ينصاع المريخ لتعليمات الأهلي وعليه أن يختار ملعب شيكان.
* نتمنى إنو حازم يرفض طلبات الخطيب.
* ملعب شيكان مميز جداً.
* وسيجد المريخ سند جماهيري ما بطال إذا لعب بمدينة الهلال عروس الرمال الأبيض.
* بلادك حلوة ارجع ليها.
* اختاروا .. شيكان ولا الجوهرة؟
* وكل واحد بتمنو.
* و… و…
* ويا الله مطرة.