إعادة الكشف

ﻓﻰ ﺍﻟﺴﻠﻚ

بابكر سلك
* وفرحت جماهير المريخ بهستيريا عقب إحراز المريخ لهدف التعادل في شباك الأهلي القاهري
* هذا هو واقع المريخ
* نفرح بإدراك التعادل في شباك مريخ نيالا
* وعلي أرضنا ووسط جمهورنا
* مع فائق إحترامنا لمريخ البحير
* ولكنها الحقيقة
* نفرح لإدراك التعادل ونتساقط أرضاً عقب صافرة النهاية لأننا نفتقد للياقة البدنية ويخرج أولاد البحير ما شاء الله زي حملان الخريف يتنططون حيوية ونشاط عقب صافرة النهاية
*وده شئ طبيعي لما يكون مدرب لياقتك عوض يس
* مع إحترامنا لتاريخ الرجل ومؤهلاته
* إلا أنه ليس رجل المرحلة
* ولكن ريسين أسد وقريش الكبار ديل يظهر عليهن قويات شديد
* ما بسمعوا الكلام
* ولذا لن يسمعوا أصواتنا علي المدرجات في ظل معد بدني درب أزهري لما جا يمرق الإنجليز
* من الدقيقة عشرة والتيم كلو يلفظ أنفاسه تعوذه القدرة علي الصمود والمقدرة علي الإستمرار
* وفقدان اللياقة البدنية تأثيره السريع والمباشر يكون علي اللياقة الذهنية
* فيتخبط ضياء الدين ويتوه التاج يعقوب ويجلي نمر ويفقد التش موهبته لأنه أساساً يفتقد للبنية التي تمكنه من إظهار إمكانياته ولكن مع فقدان اللياقة وفقدان البنية تصبح الموهبة
علة والفنيات عالة ، الأمر الذي يجبرنا علي المدرجات أن نلتفت الي ضفر ونمر عندما
يستلم التش الكرة بدلاً من أن نلتفت تجاه رمضان ومحمد عبدالرحمن
* لأن الكرة عندما تصل التش لا محالة مقطوعة مقطوعة

* وأهمس في أذن التش
* قبلك كان في زول إسمو نورالدين عنتر أحرف منك
* ولكنه خرج من قلوب الجماهير ومن كشف الفريق لسلبية الأداء برغم الموهبة الكبيرة
* أخاف يا التش بالطريقة دي نحولك لنجوم أبوسعد ونديهم معاك فرق عشان نشيل طرفهم
الشمال يلعب لينا مكان رفيقك بيبو الذي أصبح مهتماً بالقمبور العاملو في راسو ده ونسي الكورة ماشه وين
* أحمد آدم
* الجماهير بدت تقول يا حليل مصعب عمر
* شخصياً
* ما داير أقول أكبر كذبة في تاريخ المريخ الحديث هي التش وبيبو
* وما يقال عن التش وبيبو يقال عن الأغلبية
* وكشف المريخ زي كشف النظر
* يحتاج لمراجعة
* مرات الصداع المزمن بتكون سببو النضارة
* ونحنا الصداع كسر راسنا
* أما الجهاز الفني فحيرنا
* تلاتة محاور فيهم إتنين جداد لم يثبتوا أقدامهما والتالت كان مصاب قريب سنة ؟
* وطريقة لصناعة لعب مافي
* مع الإعتماد علي مهارات صانع ألعاب واحد فاقد اللياقة ويفقد أي كرة تصلو ؟
* ورمضان قدام نفقد حتي مجهوده الوافر في المطاردة في الوسط
* ده ممكن يكون أي جهاز إلا جهاز فني
* ممكن يكون جهاز سكري يكشف سكري المدرجات وصل كم
* لكن جهاز فني الله أعلم
* أيها القريش
* أيها الأسد
* نحتاج لدربات سريعة في غرفة الإنعاش
* مدرب لياقة ومدرب حراس ومعد نفسي يشوف اللاعبين والمجلس ذاتو
*وحتي الجهاز الفني الوطني ممكن يكون قدر الفريق
* موش لقيط أي تلاتة وإصدار قرار بتعيينهم يجبرنا علي التحسر علي محسن وبرهان مثلاً
* أمام حمد عبدالرحمن فنأخذ عليه إستهتاره في تنفيذ ركلة الجزاء وفريقه متأخر بهدفين
* لو دقت في الحديدة مثلاً نقول سوء طالع
* لكن أن تطفش لمن تصل مقصورة كردنة البقعد فيها براهو ديك
* فهذا هو الإستهتار بعينه
* أيها الناس
* أول أمس القريبة دي اللاعبين قابضين ميه وكسر مليون حافز الكورة الفاتت
* وأمس قدموا هذا المستوي الباهت
* تبقي القصة ما قصة قروش
* القصة تانية
* قصة قلب ميت وعدم إحترام لجماهير تقتطع من لحمها لأجل الكيان
* فالحين لي بس في ما فطرونا
* أدونا سندوتشات
* أكلونا فول
* أكلوا النار أول بعدين أطلبو الأكل
* وأنا أُصّر
* نحتاج لإعادة كشف نظر
* النضارة دي طششت
* أيها الناس
* إن تنصروا الله ينصركم
* أها
* نجي لي شمارات والي الخرتوم
* والينا

* صحي قصة الشيخ الكشف الإمتحان لينا ؟
* جابت ليها كمان جن يا والينا ؟
سلك كهربا
*ﻧﻨﺴﺎﻙ ﻛﻴﻒ ﻭﺍﻟﻜﻠﺐ قال لو قامن لى قرون كان جبت ستة مليون؟!
والي لقاء
سلك