إفتتاح ملعب الهلال الرديف إنجاز جديد !!
شارعين وناصية
محمد الطيب الأمين
إفتتاح ملعب الهلال الرديف إنجاز جديد !!
* الجميل في مجلس الهلال أنه يعمل في كل الاتجاهات.
* كورة ومقصورة.
* يقومون بعمل كبير.
* وشغل محترم.
* بالأمس تم افتتاح الملعب الرديف.
* وأنا صراحة عندي سؤال ما قادر ألقى ليهو إجابة ولا قادر انساهو.
* سؤال صعب وساهل في نفس الوقت.
* السؤال بتعلق بناس المريخ.
* وأتمنى إنو السؤال ما يضايقهم.
* السؤال هو : إحساس ناس المريخ شنو لما شافوا إفتتاح ملعب الهلال الرديف عصر الأمس؟
* لما شفتوا نجيلة الهلال (الإسبير) إحساسكم كان كيف؟
* طبعاً ما بقول ليكم نجيلة قطر وكأس العالم.
* شغل زي بتاع قطر ده إلا في الجنة.
* عشان كده خلونا في ملعبنا الرديف.
* الهلال يفتتح ملعبه الجديد والمريخ حايم من وادي النيل لكوبر يفتش لملعب.
* حاجة محزنة والله.
* بحمد الله بالأمس تم إفتتاح الملعب.
* نجيلة تشهيك اللعب.
* لو ما بتعرف تلعب ح تلعب.
* ماشاء الله تبارك الله.
* خضرا ورويانة.
* الملعب الرديف يشكل إضافة كبيرة لنادي الهلال ويخفف الضغط بشكل
كبير على الملعب الأول.
* تعرض الملعب الأول لضغط كبير.
* تدريبات ومباريات أفريقية ومباريات ودية والدوري وسيكافا.
* ضغط كبير خلال الفترة الماضية.
* وقد تأثرت النجيلة بشكل كبير.
* الضغط ظهر على النجيلة بصورة واضحة.
* الآن سيرتاح الملعب الأول.
* وسيواصل الفريق تدريباته بالملعب الرديف.
* وبإذن الله سيكون النجيل كما يجب أن يكون في دور المجموعات.
* الهلال يسير في الطريق الصحيح.
* هنالك عمل محترم يقوم به مجلس الإدارة.
* مجلس الإدارة وكل القطاعات.
* شهدنا خلال الأيام الماضية عيادة الأسنان.
* وايضا هي إضافة كبيرة للنادي.
* المهم.
* اليوم ينطلق المونديال.
* الحدث الأكبر والأهم اليوم على مستوى العالم.
* لا حدث ولا حديث اكبر من كأس العالم اليوم.
* ولا سيرة بخلاف سيرة قطر.
* تمنياتنا لمنتخب قطر الشقيق الذي سيلعب مباراة الأفتتاح تمنياتنا له بالتوفيق.
* كلنا ندعم ونقف خلف قطر.
* ما قدمته قطر يستحق أن يقف معاها الجميع.
* وقفـة بالدعم والكلمة الطيبة.
* ليس بالضرورة ان يفوز المنتخب القطري بكأس العالم لأن ذلك صعب بالفعل على الاقل في الوقت الراهن.
* ولكن ما انجزته قطر هو أغلى من كأس العالم نفسه.
* و.. و..
* الهلال بفتخر وبباهي بالعندو.
الناس في شنو والصفرية في شنو