ابوعشرين يطمئن القاعدة المريخية بعبارة ( انت يا الدم لونك احمر)

رحلت وجيت في بعدك لقيت كل الأرض منفى … معوووله يا أبا عشرين من الالعه للمعبره…مش ممكن وانت لونك وانت طبعك هادي ما فيهو البشين تشبه الفل في الحديقة وحتى عطرك ياسمين.. حسدونا يا سلام…شددونا يا سلام…كردنونا يا سلام…سوبطونا يا سلام … طبعا نحن ندرك كل واحد من لعيبة المريخ له بيت وأهل والتزامات ومسؤولية لذلك يا مجلسنا الموقر لازم يتم تقييم ابوعشربن ورمضان والرشيد والصاوي والتش وكل عقد النجوم بما يتناسب ومكانتهم العالية في نفوس اهل المريخ نحن كمشجعين نتمنى ان يتعامل المجلس بمستوى الحدث والأمانة يحافظ على التيم ويسجل محترفين على مستوى…الخانه الاولى جناح والتانية لواء والتالتة رايد على مستوى هههه …سوداكال …الوالي …حازم…عصام قدالة كلهم أبناء المريخ لا نفرق بينهم ونحفظ لكل منهم حقه وما قدمه للكيان وكذلك كل الاداريين هم أبناء المريخ نتمنى ان يتحدوا جميعا ويعملوا لمصلحة الكيان الذي يشجعه ٩٠% من الشعب السوداني شرقا وغربا شمالا وجنوبا و١٠٠% من دولة الجنوب الحبيب … حافظوا على المريخ يا ريس وأعضاء المجلس .

الكديس لمن ما يلقي اللبن بقول مالو؟ هههههههه والله لو كشكروا ليك بالكاش بكرة دمك ذاتو تبيعه، عشان كدة ما تخم المرخرخين ساي عشان تكبر كومك، سوداكال فرد مليار وما بزيده ليك والمليار ذاتها فيها نص بي شيك مضروب، أمال إنت قايل ناس أليخماو داقين جرس وصراخهم وجعيرهم داقات السماء لشنو ماياهو عشان عارفين أمور اللف والدوران بتاعة رئيسكم ونشافة يده، أول حاجة الهلال ما عنده قراش لكوامر وإنت لعبت لمن الله غفر ليك، وبعدين ياخي في زول عاقل بسجل ليهو زول أبو عشرين؟