افرض قلنا مادايرين
في السلك
بابكر سلك
افرض قلنا مادايرين
*الذين يهدفون لتأمين مستقبلهم
*ده من حقهم ومن حق اي انسان طموح
*لذا المساومة والمزايدة تقود المزاد ليرسو علي اعلي سعر
*يبدا من ابن حلال يفتح الباب
*وينتهي عند عبارة راح نبيع راح نكسب
*يستاهل
*طيب افرض نحنا قلنا مادايرين
*حانخسر شنو؟؟؟
*هل سيتدهور مستوي الفريق بذهاب من يريد ان يذهب؟؟؟
*ونحنا زاتنا من حقنا تأمين مستقبلنا
*وتامين مستقبلنا ببقي في الحصول علي خدمات مواهب شابه
*واستجلاب محترف او محترفين يحققوا الفارق ويساهموا في مضي الفريق قدما في المنافسات الافريقية
*يعني لو قلنا مادايرين ووجهنا ستين مليار حازم دي لخدمات محترف محترفين من العيار الثقيل يبقي مكسب
*ولو قلنا مادايرين اكيد ابو الهل عرضو بتغير
*يعني التلاتة وعشرين عاااادي ممكن تبقي تلاته
*لانو السوق بتأثر بالطلب
*والتلاتة زاتها ماكعبة
*بتأمن مستقبل من يبحث عن تأمين مستقبلو
*يبقي رأيكم شنو نقول مادايرين؟؟؟؟
*ايها الناس
*كم مباراة شارك فيها محمد الرشيد مثلا في كل الموسم؟؟؟
*كم مباراة كان نجمها؟؟؟
*طبعا الاجابة علي السؤال ده ولا واحدة
*طيب كم كرة استخلصها محمد الرشيد بدون ارتكاب مخالفة؟؟؟
*ده هين
*كم كورة لاكها واخرها وقدمت منو وفقدناها؟؟؟
*تلاتة وعشرين كورة؟اقصد تلاتة وعشرين مليار فوق كم؟؟؟
*وقس علي ذلك
*ابو عشرين
*شوف عدد الاهداف الولجت شباكنا لاخطاء ابجديه منه
*اما رمضان صاحب المجهود الوافر والاداء الحركي والعضلي الكبير
*ايضا غير مكمل
*فالمهارة تغيب كثيرا عنه
*يبقي خلونا منطقيين
*الادارة الواعية المدركة لواجباتها لا تنزل لمستوي تفكير العامة
*ولكنها ترفع من مستوي تفكير العامة
*لانو ده جزء من شغلها
*ومحاولات كسب ود الجمهور بمثل هيك معارك هي عمليات لاتؤدي الا الي سوء العملية الادارية والذي يؤدي بدورة لتراجع الفريق لاتقدمه
*تعالوا نقول مادايرين بقناعة وقابلوني آخر الموسم
*خلونا برضك نهدف لتأمين مستقبل الكيان
*المهم
*اجتماع الفيفا قام ولا قام؟؟؟؟
*لانو قوائم لجان التطبيع دي بقت الف قائمة
*قولوا للفيفا استعجلي
*ورانا معسكر اعدادي وبداية موسم وتنافس افريقي
*المهم
*الاهلة طبعا سايقين النقاش للتسجيلات هروبا من الطريقة السمانية التي جعلت الفرق بيننا وبينهم خمسة نقاط غير نقاط شكوي وادي نيالا المضمونة
*وفي كل الحالات
*هم حبايبنا وضلنا مبارننا ليهم تلاته سنين في البطولة الافريقية
*وصيفنا السايقنو لافريقيا صحبة راكب
*عفش ياروشا وداخل بص التنافس الافريقي علي مسؤوليتنا
*فالعفش داخل البص علي مسؤولية صاحبه
*وصدقوني يامحمد عبدالماجد
*السنة دي انتوا زي كلب الليدو
*مرقتكم من بيتكم تنضربوا وترجعوا جوة البيت تاني
*ايها الناس
*ان تنصروا الله ينصركم
*اها
*نجي لي شمارات والي الخرتوم
*الليلة داير احكي ليك يوميات واحد فينا
*اسمو بابكر سلك ياوالينا
*بالليل العربية قطعت جاز لقي الباغة بستة ملايينا
*خلاها في شارعها ياوالينا
*راجع البيت البنات قالن بابا فول من نوش معاك جيب لينا
*شال الفول بعد حاسب نوش بمليون ومأتينا
*اكل الفول واسرتو ونامو ياوالينا
*الصباح البنات للجامعات ماشينا
*شالن مليون جنيه منو يا اخينا
*قلت لي وزراء قحت ماهية الواحد فيهم مية وخمسين مليون ولا ميتين مليون يا والينا
سلك كهربا
ننساك كيف والكلب قال سلك وكت بدفع ده يومي مايرفع ليهو علم ويعمل ليهو سلام جمهوري ودولة شقيقة لينا
والي لقاء
سلك
احييييييك واحي كل كلمة قلتها
ما عاوزين يذهبو الله معاهم
عاوزين محترفين قلته يغطو نقص الاهداف المريخ في الهجوم بلا انياب والمحترف بخلق الفارق ويهابه كل المدافعين وهنا تاتي فرص التسجيل من لاعبينا وياريت نحل مشكلة العقرب ونحل مشكلة الهجوم العقيم
ةرمضان والرشيد خلوهم يمشو بالف سلامه ومشكورين علي المجهود الفات المريخ صانع المواهب وغيرهم موجود وشباب يشيلو الفريق
خلو العناد واتركوهم للهلال بدون زعل وجيبو لينا 3 محترفين بس هجوم ووسط
شكرا سلك
كلامك عين العقل ياعمنا تنقو ونحن مقتنعين بيهو مية مية والبادي اظلم. بس حاول اقنع الكاهن الاعظم اليخماو صاحب السر المقدس. هو لسه فاكر نفسو في عصر الرئيس طوالي وعاوز انتصارات ادارية ولايهمه مصلحة الوصيف المزمن.
كلام في الصميم
ياريت إدارة نادى المريخ وحازم يعملوا باقتراحباقتراحك
منطقي وعقلانى وفي مصلحة المريخ والجميع
يعنى خلاص لمن لقيتو الهلال سجلهم جدجد قلتوا احسن نقنع منهم ههههههههه . ماقلتوا نوبا .. اها بخيت خميس زاااتو طلع مسجل فى الهلال . مع السوباط مش حتقدر تغمد عينيك
هههههههه المرخرخ لمن ما يلحق اللبن بقول عفن !!
يعني تشيلوا وتطبلوا وتمجدوا في اللاعبين وأول ما يحاولوا يتخلصوا من فقركم يطلعوا ما عندهم موهبة وبتاعين شلاليت؟ صحي والله، المرخرخ حا يفضل مرخرخ، وعمر الدلقون ما يبقي صفوة !!
عمك تنقو فقد أعصابو
سكلب وجقلب لي أصحابو
ثلاثة لعيبة زادوا عذابو
والسوباط حرق أعصابو
قال يا ناس كرهنا العيشة
مرق النجم اللعاب كيشة
جنب الحيطة عملو عريشة
قاعد يشفط فوق الشيشة
نسجل لاعب بدون تهويشة
واللاعب البمشي للهلال كيشة
هههاااايا 😂
هههه اطرف حاجة سلكلك قال انهم ماخدين الهلال معاهم صحبة راكب وبهضربته عن الثلاثة لاعبين وانتقاده ليهم ذكرني قصيدة الطالب الي حب بنت وادته شاكوك وقال الا يمشي يقع البحر ووصف خطيبها بإنو قبيح وبعدما الجماعة اتكلموا معاه قام تاني جاب سيرة البحر. تعيش يا سلسكلك وتاخد اسهال غيرها. بحر السوباط بلاكم بل صاح ولسة دة ليهو ثلاثة شهور بس.