اقتصادياً ورياضياً
في السلك
بابكر سلك
اقتصادياً ورياضياً
*شكراً حمدوك
*فحسب كلام صديقي يس الشايقي
*حمدوك يعيد السودان للمجتمع الدولي اقتصادياً ورياضياً
*بخاته سااااااي أعادنا
*زول مبروك خلاس
*المهم
*المنتخب أنجز
*ووصل النهائيات خدمة يمين وعرق جبين
*ما وصلها بالطابق المستور
*وصل المنتخب للنهائيات
*وبعضنا لم يصل بعد للقناعة بأن كل الألوان تذوب في علم السودان
*بعضنا زعلان من التأهل
*لأن المنتخب حسب فهمه منتخب برقو
*وبعضنا كره الغربال وتيري
*عشان كانو سببا في تأهل منتخب شداد على حد قولهم
*وبعضنا زعلان لأن خالد بخيت يعمل بخيار الهلال وفقوس الكورة
*ويعمل على إعداد لاعبي الهلال لصن داونز عن طريق المنتخب
*منتخبنا يصعد
*والحس الوطني عند بعضنا لسسسه لم يصعد
*بل يتدنى يومياً
*وجبلنا علي ذلك
*على حب الأشخاص فوق للكيانات
*والولاء للكيمان أكتر من الولاء للسودان
*والضحية السودان
*فيها إيه
*لو كانت تشكيلة المنتخب كلها باحتياطيها من الهلال؟
*فيها إيه لو كانت كلها بمدربيها من المريخ؟
*فيها إيه لو كانت كلها بإدارييها من أمل عطبره؟؟
*لا يهم من أي ناد
*ولكن الأهم إنها تشكيلة السودان
*وما فيها حاجة طالما هي تنتصر وتصعد وتهزم جنوب أفريقيا وغانا
*وعلى صدرها علم السودان
*ويرفرف علي رأسها صقر الجديان
*أيها الناس
*مافي شي بشتنا قدر فرض الانتماء الضيق على الواسع
*بنضيق واسع ليه نحن؟؟؟
*أيها الناس
*هذا المنتخب يستحق التهنئة
*إدارة وجهاز فني ولاعبين
*إنجازهم رائع
*وأداؤهم أدهش الجميع
*بما فيهم الإستوديو التحليلي
*قال خيار وفقوس
*وكأن اختيار أبو عشرين للحراسة تم بعد التحاقه بالهلال
*موش ياهو أبو عشرين حارس المنتخب أيام كان حارس المريخ؟؟؟؟
*حقو نكبر شويه
*والمنتخب موعود بظهور مشرف في النهائيات
*فطالما هزم جنوب أفريقيا بالصف التاني
*تخيل كيف يكون الحال لما يكون الصف الأول بقيادة رمضان والتشششش وحمو حاضراً ؟؟؟؟
*أفلق وأداوي…. صاح؟؟؟؟
*يا ناس
*خلونا حول المنتخب بصرف النظر عن شداد وبرقو وخالد بخيت
*أي حداشر يرتدون الشعار ديل أهلي
*أيها الناس
*قون الغربال قون معلم
*قون بمنتهى الاحترافية
*الولد ده استفاد من فترتو في المريخ وفي الجزائر
*احترافو بالمريخ والجزائر رفع من مستواه كثيراً
*المهم
*معاركنا تأكلنا
*الفيفا قالت الروووووب
*وااااااااااااي
*يا اخوانا دي شبكة شنو الوقعنا فيها دي
*يحلنا الحل بله
*أنا ذاتي الدخلني شنو
*برا خارطة طريق برا….
*أيها الناس
*تتذكروا الكلام المنسوب لبلة الغائب
*مش قالوا قال الإنقاذ بتنتهي وبنتهي معاها نادي قمة؟
*أها الإنقاذ انتهت
*الله يكضب باقي كلام بلة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*الوطنية عندنا قبلية
*والقومية جهوية
*ونبدأ شعار الثورة بحرية
سلك كهربا
ننساك كيف والكلب قال لو ما ذاب الوطن فينا وذبنا في بعضينا الزمن بدل نعضيهو حا يعضينا
وإلى لقاء
ههههه ياسلك اوع يكون الصف الاول دا ناس تبش وطبنجه وتنبش ووتيش وتكت ونمر ومنجد الصف الاول ده الله خلقوا الهلال قاهر الكبار
يااستاذ ياظريف : من يفلق ويداوى بيصل لنتيجة ولكن انت بتشرك وتحاحى لذا حتكون كمن يحرث فى البحر
والكلب يصرخ و بقول زريبة العيش فتحت والمرعى جوارها خصب والحياة رغدة فاتركوا الفيفا وشداد وبرقو والمعلم قبل ان تتحقق رؤية بلة الغائب!!!!!!
فقد منحناكم الفرصة من قبل معتصم جعفر والجكومى واسامة عطا المنان ومصطفى توفيق ومازدا ولم نجنى الا الثلاثات والحسرة والاسى والندم.