الايام الجاية حتكون نار في نار ورحيلكم يشبه رحيل عزابة من بيت ايجار
تغريدة واتساب
معاذ ابومؤيد
الايام الجاية حتكون نار في نار
ورحيلكم يشبه رحيل عزابة من بيت ايجار
جمعة مباركة للجميع وربنا يتقبل صالح الاعمال
لن نقول اكثر من
شكر الله سعيكم
وعظم الله اجرنا في صبرنا عليكم !!!
معقولة لكن!!
رحلتوا وخليتو لينا النادي ذي رحول العزابة من بيت ايجار!!
بشتنة اكتر من كدى كيف؟؟
كريم الحسن قاعد في الفندق للان والايجار ماشي فوق ضهرنا؟؟
ونادي اهلي عطبرة يهدد !!
ومرتبات اللاعبين في كف عفريت
والمحترفين نص موجود ونص مسافرين!!
ومدرب قاعد في بلدو ومنتظر الدراهم والدنانير ؟؟
وريس نادي مستقيل في الخارج مامعروف الرجوع بتين؟؟
هل رحيلكم نهائي ام كميرا خفية وللنادي راجعين؟؟
وسعادة الوزير ممكن تورينا رايك في الاذاعة عشان نكون لصوتك مستمعين!!!
لانو بصراحه عندنا صداع من ناس الشتل والناقلين!!
ياسعادة الوزير
اليوم الجمعةً عندنا في قنواتنا الفضائية برنامجين
اطلع في اي برنامج وادينا الخبر اليقين !!!!!
رحيل ام الجماعة في رايك يظلوا جالسين!!
••••••••••••••••••••••••••
شكر الله سعيكم الاخوه في التسيير!!
ماقصرتوا بعد ان تم تشليع التيم في حضور حضراتكم بنجاح
ماقصرتوا بعد ان تم خروجنا من جميع البطولات بنجاح
ماقصرتوا بعد الديون كل يوم في اذدياد!!
ماقصرتوا بعد ماخليتونا منقسمين علي حب الكيان!!
بالله العناد الحاصل لشنو وعشان خاطر منو!!
معقولة لكن ؟؟
الحاجة الجيتوا من اجلها طلعتوا من دون ان تكلل معكم بالنجاح!!
يعني جلوسكم المدة دي كلها عشان شنو!!!
نحن كجمهور استفدنا شنو؟؟
النادي استفاد شنو؟؟
الناس الحاليا المتعاطفين مع التسيير تعاطفكم ليه وعشان شنو!!
مجرد سؤال
وماتقولوا لي اتصدوا
وعندي سؤال ليكم بنفس منطقكم
استقالة التسيير تسمى هروب ايضا !!!!
مافي جديد من استلامهم وحتي اليوم غير تدحرج في مستوي الفريق وادارة الفريق وذيادةً في الديون !!!
لاننكر ان التسيير بها كوادر جيدة لكن الكوادر السلبية اكثر!!
والكوادر الجيدة محتاجة تدريب ومحتاجة تدرج اداري للعمل في كيان كبير كنادي المريخ،،،،،
ام الكوادر السلبية فمقاس نادي المريخ اكبر من امكانياتكم وحجم بدلاتكم!!!!!
مقاس المريخ Free size
لايقدر علي الا المستطيع ماليا واداريا وعلاقاتو واسعة ،،،،،
لن نقول لكم غير
شكر الله سعيكم
••••••••••••••••••••••••••
ماذا بعد التسيير
اولا الوزير
قبل اي قرار نرجوك الرجوع الي قواعد النادي ورجالته وحتى اللاعبين قبل تنفيذ اي قرار،،
مرة واحدة حكم ضميرك
اعطي الامانة حقها
واعطي المريخ حقة
المريخ وطنا نعشقه قبل ان يكون فريق نشجعه،،
الجمهور لن يتحمل اي نكبة تاني وابعدنا من حقول التجريب
لابد من مراجعة المديونية حتي لانصبح علي ضياع فريق المريخ
لوسمحت،،،
ثانيا الجماهير
لابد من تواصل نفراتنا حتي القادم يحس بمعانتنا ويلاقي رصيد للمرتبات وحتى الحوافذ،،،
لابد من تطهير القروبات من اصحاب الشتلات واصحاب النفوس المريضة !!!
نظفوا قروباتنا من المندسيين واصحاب الاغراض المعروفة لتدمير الفريق!!
الفترة القادمة لاتحتمل انصاف الحلول
لابد ان نكون او لانكون
الكورة في مدرجاتنا ،،،،،،
خلونا من الفات وننادي بنكران الذات وتوحيد الصفوف،،،،،
ثالثا
مجلس الشورى واعضاءالادارات السابقة بمافيهم اعضاء التسيير
المريخ كيان عظيم
المريخ كبير برجالته وانتم منه!!
لابد من تكاتف الجميع وان يجتمع اصحاب المال مع الاداريين !!
رابعا
الاعلام والاعلاميين
دخلنا الغريق ولابد من انقاذ الفريق
اقلامكم امانة في اعناقكم
طوعوا كتابتكم من اجل راب الصدع والانشقاقات الحاصلة
انسونا من ناس العرضة شمال
اتبعوا سياسة نقد الذات
والنقد البناء والنصح والارشاد
ارحمونا من الاعمدة الضعيفة وكتابات المجاملة الغير مفيدة
المريخ يعاني واقلامكم ممكن تخفف عننا الكثير !!!
خصصوا صحفكم الايام القادمة فقط من اجل الكيان
فقط من اجل الكيان
لا تهمنا اخبار العرضة شمال!!!!!!
ولاحتى مناكفاتكم
اسعدنا ليس بالمناكفات وانما بالاهتمام بالمريخ الكيان وقضاياه،،،،،
••••••••••••••••••••••••••
مسك الختام
القادم نار في نار
لابد من التنقية والتصحيح في نقل الاخبار
لاتنشروا الاخبار الى من مصادرها
الوسط المريخي مستهدف
والقروبات مرتع خصب (للشتل)و(الشمارات)
الحزر الحزر ياشفوت القروبات
••••••••••••••••••••••••••
ونحن علي المدرج ندعم ونشجع ونتفرج
مدرجنا ومريخنا يحتاج الي وقفتنا
نادينا برحيل التسيير
فلنتكاتف من اجل تسيير النادي ماليا
نفرة شهر يونيو ياريت يتم تقديمها
ومشرفي القروبات ياريت البدء منذ الان!!
تشجيعنا لن ينحصر في المدرجات
تشجيعنا ودعمنا سيكون من القروبات
الناس تكرب نصها بعد دا
القادم لايحتمل اي تقصير او تشتت
رحيل التسيير كان همنا والان الكرة في ملعبنا،،،،
••••••••••••••••••••••••••
همسة اخيرة
نادينا منذ الشهر الاول بالرحيل!!
لاتربطنا بالتسيير الا علاقه المريخ الكيان،،،
فشلتم في ادارة معظم ومجمل الملفات
عملكم لم يشفع لكم لدخول قلوب الجماهير
والكتاب باين من عنوانه
وانتم عنوان كتابكم مرفوض!!!
لم تصدقوا القول معنا
فلم تتحملكم عقولنا
الصدق عنوان اي نجاح
راوغتم كثير في كل الملفات فتحملوا نتيجة مراوغتكم والاحتفاظ بالكرة كثيرا!!!!
اللاعب البحتفظ بالكرة كثيرا عرضة للرباط الصليبي
وانتم احتفظتم بالكرة كثيرا وضهركم مكشوف ونحن نحتاج للزمن وفريقنا مضغوط ضيعتم الزمن علينا وعليكم!!
شكرا الله سعيكم
••••••••••••••••••••••••••
خارج النص
تكاتفوا يارجال مال المريخ وسددوا الديون حتي ينهض الاسد المريخي
اعملوا نفرة فيما بينكم
وياريت لو تكاتفتم في مجلس واحد تكون امنية الجماهير تحققت،،،
تكاتفوا من اجل سداد الديون وصفروا عداد النادي عشان مركب احلامنا ينطلق ويبحر في مقبل الايام،،،
لاعبين المريخ ينتظرون مرتباتهم
حتى الجهاز الفني والعاملين في النادي والاستاد والصحيفة!!
تكاتفوا يارجال المال
المريخ امانة في اعناقنا ويعاني
دا وقت حوبتكم
وحوبتنا منتظرين تقدمكم للصفوف عشان نتقدم وراكم
لو المريخ يهمكم امره لن تنتظروا قرار وزير ولاحتي مناشدة ،،،
••••••••••••••••••••••••••
••••••••••••••••••••••••••
تغريدة مرورية
اتصالك مهم لكن حياتك اهم
لاتسرع فالموت اسرع
الطريق ملك للجميع فلاتفتكر انه ملكك وحدك وتقعد تشتم في خلق الله،،،
القيادة فن وزوق وادب
طولك بالك لاتنفعل
طول بالك من اجل عيالك
تزكر دائما
ان اسرتك وعيالك في انتظارك
••••••••••••••••••••••••••
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية……..
حبيبنا مجلس التسيير استقال اها ورونا انت ومزمل خا تجيبوا منو ما تقولوا الوالي الذي هرب أكثر من مرة وترككم في هذه الحاله المتردية
ياخ المريخابي الجامايكي ده جبتو لينا من وين يا ناس كووورة.. تغريدات شتره لامن بتضرس الواحد ..
يا مريخاب عليكم الله ما تعملوا فيها بتنتقدوا في الفكر الإداري للجنة التسيير وبتحاسبوها علي نتائج عملها. جمال الوالي 13 سنة فشل ومافي زول قال بغم. عشان الكاش بيقلل النقاش.. انتو ما عاجباكم لجنة التسيير عشان مفلسه ما عشان ما بتفهم والا كان الأولي تنتقدوا الوالي الغالي.. حالتكم صعبة