التتويج

عن كثب
ادراك عبدالرحمن
التتويج

اولا أهنئ الاستاذ هشام السوباط ونائبه الهمام الاستاذ العليقى ومجلسهم العامربفوزهم الساحق برئاسة نادى الهلال العريق واتمنى لهم دوام التوفيق.. وكذلك اخص بالشكر الاستاذ الكوارتى والاستاذ الخندقاوى بوقفتهم التاريخيه التى سوف تنحت بحروف من ذهب على صفحة تاريخ الهلال الادارى…مبرووك للجميع فائزا او غير فالهلال يسع الجميع.

ونحن على مشارف التتويج واللقاء الساخن الذى سيجمعنا مع توتى برصيد 34 نقطة بعيدا عن زون الهبوط والهلال فى الصدارة بجدارة برصيد 74نقطة لقاء الذهاب كان بالابيض بقلعة شيكان تقدم الازرق بهدف ياسر مزمل الدقيقة 14اسست ميدو وأدرك توتى التعادل من قدم موسى طه الدقيقه25..وتبجج بعدها مدرب توتى كفاح صالح وصرح بأن الهلال ومواتا ضعفاء ..وعليه …فلقاء الثلاثاء لقاء ثأرى وعلى الهلال تجهيز المدفعية الثقيله والبطاريات والراجمات لدك جزيرة توتى انزال بحرى وبرى …الجاقوار الازرق عليه اجتثاث تمساح توتى العنيد ..بالمناسبة توتى يضم نجوم مميزين موسى طه،سفارى،كولينا،ونادر..لقاء توتى مع الهلال لايصب فى مصلحة توتى بشئ الا مساءلة خدمات للمريخ فتوتى بعيده من الكونفو ومباراتهم مهمة للغاية للهلال للتتويج ولا احب ان اتحدث عن التعادل يكفى حذارى… من يلعب على التعادل يقع فى الفخ ..عليه نتوقع لقاء حاسم وان شاء الله نحتفل بالجوهرة مع الاستاذ السوباط ومجلسه ومع جميع رموز الهلال والاتحاد…اهازيج الى الصباح ..معا قلبا وقالبا مع الهلال معا نملاء جوانب الاستاد يلا يا اوالتراس المجد…اللهم انصر الهلال نصرا مؤذرا …آمييييين.

مباريات الثلاثاء عصرا هلال الفاشر39نقطة مع هلال الابيض28نقطه..هنا هلال الفاشر لو تصدق على التبلدية سيفقد مقعد الكونفو لان منافسيه الاهلى الخرطوم39والاهلى شندى39لديهم لقاءات فى نفس اليوم الاهلى شندى مع اهلى مروى..واهلى الخرطوم مع السوكارتا..ترى من سينال مقعد الكونفو مع هلال الساحل؟؟
طبعا هلال الساحل ضارب الطراوة والهبوب برصيد45ونادر هبوب مرتاااح شديد صدقو عندو لقاء مع الوطنى لسسسع….ولكن للاسف الوطنى هالك لامحالة مع التبلدية حارقين حارقين..ورافضين يسلموا الورق ههههه …الوطنى فاتح شكوى فى بانغا بعد رفضوها… وهلال الابيض لسسع مستانف فى اللاعب احمد حسن لاعب ودنوباوى..رغم رفض الشكوى موضوعا…
حالة الوطنى والتبلدى بزكرنى لمن الزول يفتح ويفرش الورق ويقول للجماعه سلموا الورق تلقى المعرج كايس غطا شان يحافظ…ويقلب فى الواطه ..ويساءل الجماعه ده ما غطا…طيب هناك؟؟كدى اقلب الجوزوسرى ده؟؟اللهم لااعتراض فى حكمك ..ما فى غطا طاير طاير ههههه دحين الوطنى والتبلديه ..نحن عاذرينكم الوطنى اتوكل والتبلديه حارق لامحاله امل ضئيل حالة هزيمة الامل من الشرطه…..الامل والوادى…الله كريم..

الامل 30نقطة تحت رحمة الشرطة قولو ليهم عسكرييييياااوووووو

حى الوادى31 مع ود نوباوى36نقطة…من حظ الوادى ودنوباوى مرتاح مساءلة عطاء واجتهاد.
لم اتناول مباراة المريخ وكوبر37 نقطه لانها ستفقد اهميتها فى حالة تتويج الهلال ولن تخدم كوبر فى الكونفو…

البطولة العربية للشباب بأمانه اولادنا بخير ونتيجة طيبة ومنطقية لاننا بصرنا بهدفين والمغاربة تشغيلهم اوروبى ونحن للساعه مع المقرر القديم مازدا ..هذا الفريقيحتاج لرعاية عالميه مدرسة وطاقم اوروبى ..برازيلى ..لن نرتقى لاننا لا زلنا نمارس هوايتنا القديمة هلال مريخ ..اذا جاء اتحاد احمر وكل تيه ومازدا ومحسن واذا جاء اتحاد ازرق أوكل رموز هلاليه خالد بخيت النقر قاقا..وهذه طريقة عقيمة…نحتاج الى الاتحاد والتعاون مع كل الكوادر الشابه من جميع الفئات.
بدور ببكى
الاجهزة والكاميرات فى تطور سريع فأصبحت الموبيلات تشحن بدون بلووتوث وصله Wirelessكذلك السماعات بدون اسلاك ..وجهاز صغير ديجدتال اصغر من علبة الكبريت الله يرحم الطبق..ونقل المباريات لايف وجهاز التحكم بيدك ترجع الهدف بمزاجك وتثبت اللقطات بمزاجك..وتتعرف على اسماء اللاعبين..والحكام والخ والخ..بس لمن اشوف قناة النيلين..بقعد اجعر جد ..اهل الكهف ..ابو السوس مظلوم…ابو السوس السودان نتمنى ان نشاهد الدورى القادم ..كل المباريات بنقل يليق بتراب الوطن…
بكلووووووووييييييس احضر
شبيك لبيك مولاى…
ادينى الزيت
كورة توتى منتهية الجن الضوئى والقمرى والمائى كلهم مع الاولتراس قدام..
وين الجن الهوائى والترابى؟
شغالين مع خشم الموس خاتين كركاسات ومعاكسات للجاكومى وحازم..
مولاى اسمعها منى شفت لو زرعو الاستاد بطيخ فى السخانه دى بجيب ليهم دخل احسن ملا يرجو خشم الموس وحازم…..موووووووههههههاااااااا دماااار للمريخ مووووووهاهاهاهاها……كرمبؤلا فرند أكسى…ههههههههه موووووووهاهاهاها
تحياتى
ادراك
من قينت سيتى..بلجيكا..