* بعد رفع الحظر واستشراق عهد جديد
* لابد لليل ان ينجلي
* ولابد لعنكبوت البطون ان يرحل
* ولابد من ظهور رفع الحظر في صينية غدانا
* وفي صحن عشانا
* وفي ساندوتشاتنا البين الوجبات
* ولابد للشحم ان يظهر علي قفانا
* سنعود سلة غذاء للعالم واقعا لاشعار
* والزاد كان ماكفي اهل البيت يحرم علي الجيران
* البيض من اهم العناصر الغذائية
* للكبير وللصغير
* وطار راح الطبق وصل ستين الف جنيه
* اليومين دي فيهو نزول (عقبال الدولار )
* لكن لو دايرين نوفر دستة جني جداد لكل مواطن يوميا
* علينا بالاهتمام بتطوير وزيادة انتاج الجني جداد
* و عشان نعمل كده يجب ان تستفيد الدولة من امكانيات التش في هذا النوع من الانتاج
* الدولة لو وفرت الجو المناسب للتش
* صدقوني طبق البيض حايبقي بجنيه
* التش ده عون غذائي عديل كده
* ايها الناس
* نعيش بفضل الله احلي ايام فريق الكرة
* وشهر العسل هذا يجب ان نعمل لاجل استدامته لتصبح ايامنا كلها عسل وماننوم في العسل لنفيق علي لمة النمل الكملت العسل وشبكتنا قريص
* بالذات النمل اب ريش
* ده حاقد شديد
* عشان كده نحتاج لاعداد فني جيد وبدني متطور و نفسي علمي جدا
* كي تكتمل الصورة لابد من الجد والاجتهاد اكثر
* لم رجلينك التش في المنطقه
* الحكم زاتو قالوا لم رجلينو
* المهم
* طموحنا محطته الاخيرة ليست فريق كرة القدم طبعا
* نريد في هذه المرحلة ان نصل بفرق مناشطنا لمستويات تليق بالمريخ وحيد البلد
* ولن يتأتي لنا ذلك الا بوقفة شعب المريخ القوية
* بالذات شفوت القروبات
* ونريد في هذه المرحلة ان نطور نادينا للدرجة التي تليق بمكانة المريخ وشعبه
* مكتبه وصالة للنت وتفعيل لقدرات الاعضاء ومقدراتهم في تقديم الخدمات الطبية والصيدلانية والقانونيه والهندسية والعلمية والعمليه للمجتمع عامه ولشعب المريخ بصورة خاصة
* نريد ان نفعل كثير من قدرات الامة لصالح الكيان
* وستبهركم جمعية الحدادين والنجارين المريخاب
* نريد لاستادنا ضبطا وربطا يمضي بالمشاهد السالبه من غسيل ركشات في شرقه وسوء حال جنوب المسجد واباحية للمارة ماخذين منه معبرا
* لابد من ضبط المساحه بين السور والاستاد ووضع بوابات لها تمنع الكثير من مظاهر الهمجية والفوضي
* نريد لواجهة نادينا ان يختفي عن مشهدها ذلك الخور القبيح الذي وصل عمره سنينا عددا
* لنا الكثير من الطموحات
* لا يقوم بها الا شعب المريخ
* ايها الناس
* تحدثت للاخ شمس الدين عضو المجلس فيما يخص مشكلة بائعات الشاي
* حقيقة اقنعني الرجل بحسن النية ونبل المقصد
* بل بالوقوف الي صفهن ولكن بنظام وتنظيم ومواعيد
* وخصص لهن المكان المناسب حفاظا علي معاني كبيرة وساميه
* فقط نرجوا المساعده علي التطور وابراز الوجه المشرق
* واعجبني في حديث شمس ضبط المقصورة والزام الذين اعتادوا الجلوس عليها ملح بسداد التذكرة دعما للمريخ او افساح الكرسي لمن يسدد قيمته
* كثير من المظاهر السالبه يحتاج لتغيير
* ويسهل التغيير وسط المجتمعات الراقية بكل سهوله
* والمريخ مجتمع راقي
* ايها الناس
* امس مشيت سوق البصل
* قالوا لي الربع بي اربعين
* قلت ليهم ليه ? امريكا قالت بعد رفع الحصار الحاجات رخست
* واحد قال لي امريكا زارعه بصل هنا ?
* نطة واحد تاني قال لي امريكا البتتفاصح دي دولارا الليله بي كم ?
* شلت ملوة بي عشرة و مشيت
* ايها الناس
* ان تنصروا الله ينصركم
* اها
* نجي لي شمارات والي الخرتوم
* شفت يا والينا
* قصة البصل الفوق دي والاتقال لينا ???
احترنا يا والينا
سلك كهربا
ننساك كيف والكلب قال اذا ده سعر البصل بعد رفع الحظر الحصل امريكا حقو تلم جدادها
والي لقاء
سلك
