* تقريبا ملف الانتقالات علي باب يقفل لو ما قفل
* قبل فتح الباب كان الناس يتخوفون من موقف المريخ منها لاعتبارات كثيرة
* الآن المريخ انجز الملف
* الجدد معروفين
* الجددوا ليهم معروفين
* الاجانب معروفين
* والغادروا معروفين
* في هذا التوقيت يمكننا تحليل الملف وابداء الرأي حوله
* ويكتمل الرأي بالطبع في الميدان يا حميدان
* المهم
* جمهور المريخ حاليا ثلاثي الاقسام
* قسم لو سجل المريخ ميسي بقولوا معطوب وظهرت ليهو كوليرا في الكشف الطبي والكوليرا الارجنتينية دي اخطر انواع الكوليرات في العالم
* ديل الجماعه بتاعين المثل القائل
* صديقك لو اراد بك ضر تنقط له العسل يقل لك مر
* القسم التاني لو المريخ سجلني انا بعملوا مسيرة
* تأسيسا علي شكارتها دلاكتها
* اما القسم الثالث وهو السواد الاعظم من الجماهير
* انصار هذا القسم يتمنون الخير مطلقا للمريخ في اي زمان اي مكان
* هؤلاء بحكموا علي النجاح والفشل بعد شوف عين وتمحيص وتدقيق
* المهم
* علي الجدد اقناع القسم التالت بنجاح عملية الاحلال والابدال علي الميدان
* وللمجلس الشكر و اجر المحاولة فيما فعلوا
* المهم
* الرأي عندي ان التجديد لجمال سالم كان بكون خبطة معلم
* بشرط مايكون للشو الاعلامي وبلوية ايد للمريخ
* فلا نقبل من جمال مغالاه
* ولا نقبل من المجلس تبخيس للرجل
* وانا ماعارف جمال سالم ده بتطنقع من معسكر تونس الطيرونا فيهو من التنافس الافريقي لا ايدنا لا كراعنا ليه
* جمال سالم ده من الوكت داك ماياهو
* لكن نحنا اولاد النهار ده
* اذا الموضوع بتعالج وبتلحق في باقي اليوم ده ويوم باكر
* يبقي المجلس ضرب ضربة معلم وخبط خبطة الموسم
* ايها الناس
* القوة المالية الضاربة
* جهزت تلاته مليون دولار للمحترفين الاجانب بالهلال
* ماجابوا التكتح
* وصرح كردنه بانو التلاته مليون دولار في
* لكن فتشوا مالقوا لاعب بستحقها
* فعلا قوة مالية ضاربة يافطومة يا اختي
* وبمناسبة القوة المالية الضاربة
* في اطناشر تسعه الفين وسبعطاشر
*وصحي استلم الخطاب ابو جبل بحكم منصبو وقتها
* وهو نفس منصبو حاليا
* وصحي كان خطاب الفيفا بقول علي الاتحاد ان يخصم مابين تلاته الي ستة نقاط من فريق القوة المالية الضاربة لانو ضرب قروش كافالي ???
* اسئلة تحتاج لاجابات من ابي جبل
* وتحتاج لموقف واضح من مجلس المريخ
* صحي الكلام ده ياناس القوة المالية الضاربة ???
* غايتو لو بقي صحيح
* يكون كردنه فعلا قد اطلق الاسم المناسب للقوة المالية الضاربة
* لانها بتضرب قروش الناس زي كافالي
* صحي مدرب الهلال رقم اطناشر في الموسم المدعو كافالي
* صحي القوة المالية الضاربة ضربتو باقي قروشو
* وقام اشتكي في الفيفا
* والفيفا رسلت لمن فترت
* والقوة المالية الضاربة ضاربة طناش
* قامت الفيفا خاطبت الاتحاد السوداني
* ايها الناس
* حجوة ضبيبينة تخلف بكري المدينة عن المنتخب حقو نوقفها
* بكري زول كبير وعاقل وعارف هو بعمل في شنو
* وبالتأكيد ما زاغ
* وبالتأكيد قدم اعتذارو للجهة المختصة
* وبالتأكيد يستطيع ان يدافع عن نفسو
* وبالتأكيد المريخ ما عندو دخل في قرار بكري بعدم السفر
* لان السبب حسب ما يتردد الاصابة
* وحتي لو المريخ ماعالجو يفترض المنتخب لو محتاج ليهو يعالجو
* ويخطرو بذلك اذا قرر ان يعالجو
* وبالتأكيد بكري اللاعب المحترف عارف انو المنتخب ده زاتو قبل كده اصر علي اصطحاب راجي قبل اكتمال علاجو لي مصر
* وتفاقمت اصابة راجي
* وبقت سبب لتدهور مستواه باقي حياتو الرياضية
* يبقي دايرين بكري يسافر مع المنتخب مصاب وهو نفس المنتخب النهي راجي وسكت علي رمي شعاره ارضا في مباراته ضد تشاد بمصر ???
* ان تنصروا الله ينصركم
* اها
* نجي لي شمارات والي الخرتوم
* والينا
* الشكية لغير الله مذلة
سلك كهربا
ننساك كيف والكلب قال وكت عارفين كده موش كان ترفعوا ايدينكم لي الله عشان تترفع ايدين من خلق الله !!!
والي لقاء
سلك
يا معلم خليك في بيت البكا بتاعك ده
انت ما قدر الهلال
الهلال كبييييييييييييييييييييببير
عبد اللطيف أحمد يقول
قال بكري مصاب يعني جديده عليكم م كل شهر تبرروا في أشياء ليس لها لازمة (يا أخي قوم خلي مصاب) دا متمرد … وشداد موجود ان شاء الله 6 شهور ما يدق كورة
صهيب يقول
خطابي الفيفا بخصوص كافالي و التيفو مزورين، ناس المريخ نهاية كل موسم يعملوارجقلبة و يتمسكوا بخيوط عنكبوت. انتوا ما شفتوا شفوت الهلال عملوا ليكم نفس التزوير بخصم نقاط من المريخ لصالح وارغ، عشان تتأكدوا ان التزوير سهل.
تباروا مزمل ده يوديكم الخور.
يا معلم خليك في بيت البكا بتاعك ده
انت ما قدر الهلال
الهلال كبييييييييييييييييييييببير
قال بكري مصاب يعني جديده عليكم م كل شهر تبرروا في أشياء ليس لها لازمة (يا أخي قوم خلي مصاب) دا متمرد … وشداد موجود ان شاء الله 6 شهور ما يدق كورة
خطابي الفيفا بخصوص كافالي و التيفو مزورين، ناس المريخ نهاية كل موسم يعملوارجقلبة و يتمسكوا بخيوط عنكبوت. انتوا ما شفتوا شفوت الهلال عملوا ليكم نفس التزوير بخصم نقاط من المريخ لصالح وارغ، عشان تتأكدوا ان التزوير سهل.
تباروا مزمل ده يوديكم الخور.