الديمقراطيون يفوزون
في السلك
بابكر سلك
الديمقراطيون يفوزون
*ولأن ترمب همجي وغوغائي
*خرج من قلوب الامريكان مع اول دورة
*وحتي في أمريكا بلد الديمقراطية يوجد همج حاولوا افشال العملية الديمقراطية بالبلطجة وكدة
*ولانه لايصح الا الصحيح
*انتصرت الديمقراطية علي الهمج وعلي ترمب
*وفاز بايدن الديمقراطي
*وهتف الشارع الامريكي
*ميلانيا ام جضوم الليلة مابتنوم
*وهتف الشباب في وجه ترمب
*ياعنصري ياجبان كل الدول سودان
*ايها الناس
*فوز الديمقراطيون بامريكا له مابعده
*فهم يحترمون الانسان وحقوقه ومنظماته
*ويجيدون خلق العلائق الطيبة تبادلا مع الآخرين
*والآخرين ديل الزينا كدة
*واعتقد ان فوزهم في هذا التوقيت في مصلحة الثورة وديمقراطية السودان
*برغم انو في ناس محسوبين علي السودان مابحبوا الديمقراطية
*لكن يسووا شنو الله غالب
*الماعاجباهو ديمقراطية في السودان يشرط جوازو السوداني لو كان بره البلد
*او يشوف ليهو سمبك يتخارج بيهو بره لو كان جوة البلد
*فالسمبك يشبه الفكرة
*فكرة رفض الديمقراطية لو سميناها فكرة
*المهم
*مدني لو ادي العيش لخبازو
*وخبازو اكل نصو
*اخير لينا من اكل النيم ده ياحمدوك
*الوعد كان
*حكومة كفاءات
*لا كفوات
*وفشل القيادة المدنية هذه لن يعيدنا لعهود العسكر وحكم البندقية
*ولكن ممكن يكلفنا مرقة خفيفه للشارع
*نشكل حكومة مدنية جديدة يامدني
*ونعود الي حيث النكهة
*الي حيث الواجب من خلال او مع لجان المقاومة
*اها
*قالوا سوداكال اخيرا تذكر انو الكورة الافريقية قربت
*قام اعلن اليوم بداية للاعداد
*بس ماورانا اعداد نفسي ولا بدني ولا فني
*ودي احدي خرمجات السيد سوداكال
*والعيب بتاع الخرمجة ده وارد من اي رئيس علاقتو بالرياضة حبة قريشات لملمها
*لملمها من وين ده ماموضوعنا
*فالاندية الرياضية (طشاتة)كبيرة لغسيل وتنظيف الاموال المتسخة
*لكن يشهد الله سودا ماشفناهو غسل في المريخ
*لانو اساسا ما ورانا مال عشان نعرفو مال نضيف ولا متسخ
*لكن الدايرين نقولوا لسودا
*مجالس المدينة تتحدث عن مؤامرة
*ولكن ثق تماما
*لن نسمح لك ببيع الديمقراطية التي ساندناها بكامل قوانا العقلية
*ولن نسمح لك بالتفريط في القانون
*ولا باهدار النظام الاساسي الاساسي
*فان كانت لك تحالفات تقوم علي إهدار مكتسبات تعبنا لتحقيقها
*بالله بعيدا عن ديمقراطيتنا
*فنحن بايدنيون اكتر من بايدن زاتو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا بتاع الفرن نقول ليهو دايرين عيش اسطوبة يدينا
*العيشة (ان وجدت)من جوة اصفر من الدخن يا والينا
*ومن برة فسخ وجلخ وكريم اساس مابواسي جضومها لينا
*والعيشة ام عشرة لبة مافيها يا والينا
*قول لمدني يعمل ليها لبة وبخمساشر يبيعها لينا
*اخير من تكون ملساء من بره فاضية من جوة زي بت ام لعاب يا والينا
سلك كهربا
ننساك كيف والكلب قال الليلة والليلة بايدن فاز
والي لقاء
سلك
ياعم سلوكة ماتتعب نفسك. مافي ليكم ديمقراطية مع الكاهن اليخماو صحفي المكرمات والكورال والضاربين صنف اليخماو العجيب نفسي اعرف مكونات صنف اليخماو الذي غيب عقول الكثير من الدلاقين. نسأل الله لهم عاجل الشفاء.
وضعت لجنة الحوكمة بالاتحاد الدولي لكرة القدم قادة الاتحاد السوداني لكرة القدم في محك خطير بعد ان منعتهم من تكوين لجنة تطبيع لنادي المريخ واعلنت عن استمرار مجلس المريخ الحالي واشرافه على الجمعية العمومية لنادي المريخ وكشفت جلسة الفيديو كونفرينس خفايا عن مخططات قادة الاتحاد وخاصة ان هناك شخصيات كانت تخطط للانتصار على شداد عبر قضية نادي المريخ ووضع الكرة السودانية في محك التجميد لمدة اربعة سنوات ولكن شداد وضع الاعضاء في مواجهة مباشرة مع لجنة الحوكمة التي اقنعت قادة الاتحاد بخطورة ما يسعون له وطلب قادة الاتحاد مهلة لايجاد حل لازمة المريخ
منقووول
خد ياعمنا تنقو وقل لليخماو ابشر بالديمقراطية 😅😅😅
اليومين ديل عمك تنقو ناطي في سرج الديمقراطية وعامل لينا فيها جو بايدن، والغريبة إنو من زمان كان بطبل مع مطبلاتية البتاع الطوالي ومع بداية حكم سوداكال قايل القبة تحتها لحسة وساق على درب سدوكل كم يوم، وأول ما سدوكل قفل البلف رسميا رجع لضلاله القديم…..
سدوكل الرئيس الشرعي للمرخرخ !!
عمك تنقو جانا ناطي
وعامل فيها ديمقراطي
أحمد ربك وقول ياعاطي
إنو سدوكل ما زول معاطي
أسند طولك وما تجر واطي
أوعاك راسك يبقي مطاطي
بس يا حسرة عقله الفاطي
بقت الحفرة عشر وقطاطي