الرخيص برخصتو يضوقك مغستوا!!! شكر الله سعيكم وورنا مقاس كتفكم
تغريدة واتساب
بقلم : معاذ ابومؤيد
الرخيص برخصتو يضوقك مغستوا!!!
شكر الله سعيكم وورنا مقاس كتفكم
قبل كل حاجة كلامي دا ماعندوا اي علاقة بالنتيجة بتاعت المباراة كلام مشجع ممغوس!!!
مقسومة ليكم كده اخواني شفوت المدرجات،،،،،
عذابكم علي ايدي الاخرين
نبداها من منو ولا منو؟؟
نبداها من فوق وننزل تحت!!!
وقبل دا كلو كبيرنا ود الياس التزمنا بكلمتك والتزمنا الصمت الايام الفاتت ،،،
لكن بعد دا نستاذنك نحن عشان نقول كلمتنا،،،
شكرا ونسي واركان حربك ماقصرتو وبيض الله وجيهكم ونشوفكم في اي موقع تاني الا ادارة نادي المريخ،،،
مقاس البدلة بتاع الادارة اكبر منكم
قلناها زمان رجعونا محل مااستلمتونا !!!
علاقتكم بادارة كرة القدم كعلاقة حبوبتي بالنت ،،
اي والله
بكلمك بصدق ،،،
انتم بعيدين خالص عن ادارة ملفات كرة القدم حتى لو نادي في الدرجة الثالثة!!!!
باكر من بدري مكتب الوزير عارفين دربوا امشوا بهدؤ وقدموا استقالاتكم،،،
شكر الله سعيكم
ماحندخل في اي تفاصيل معاكم،،،
استلمتو عظم تيم لكن للاسف
شلعوه التيسراب!!!
ماتستعجلواالناس البتقراء وتقول لي ونسي يعمل ليك شنو؟؟؟
مايعمل اي حاجه ويرجعنا مكان استلمنا !!!
قدامو تسجيلات نصفية يرجع الشطبهم بمدربهم يكون ماقصر!!!!
قروش وعندكم
وخانات وعندكم
رجعوهم وانتوا امشوا،،،
سمعتونا نكورك ليكم عشان تسمعوا،،،،
••••••••••••••••••••••••••
يلا ننزل تحت حبة لجون سينا واركان حربة،،
هو اصلا ماعندو اركان ،،،
شغال بمسرح الرجل الواحد
قلت لينا اللاعبين وجلوسهم مع ستات الشاي ترويح عن النفس !!!
بالله دا كلام رئيس قطاع
لاعبين في محلات شيشه وستات قهوة وشاي وراجعين المعسكر بكرة !!
اي والله بكرة
الساعة ٢ ص تكون شنو
وواحدين حايمين في الديم علبة السجاير ماتاخد معاهم ساعة !!!
بالمناسبة دا كلو بشهود وموثق للزمن يعني!!
وين الانضباط
وين ضباط المعسكر
ولا مهمتكم تتصدوا للرواتب والتصريحات!!
تصريحاتك ياجون سينا اكتر من الناطق الرسمي !!
المعسكر عبارة عن ونسة وكلام واتساب،،،
وتصريحات للصحف والاذاعات !!!
منتظرين اكتر من ستة شهور عشان مدير كورة ومساعد مدرب !!!!
دا يسموه شنو بالله عليك
طبعا انت تبع الجماعة الفوق
وحنقول ليك
شكر الله سعيك
سلمنا لائحة المعسكرات ودربك اخضر ،،،
•••••••••••••••••••••••••
ننزل تحت حبة
الرجل الغامض بسلامتو!!!
الرجل الاخضر
يالحبيب لو في فرق بينك والمدرب السوداني حاجتين بس
رص العلامات
والصبر علي المرتبات!!!
تاني صدقني ماعندك غير الاناقه بالبدلة الثابتة والصوت العالي !!!
اول مرة اشوف لي خطة مدرب تبني علي الاهداف من ضربات ثابتة وبعديها اللاعبين يجروا في الميدان ذي عربات الملاهي طقش طقش !!!
لن نستثناك من السابقين
شكر الله سعيك وورينا مقاس بدلتك!!
سلمنا علامات التدريب قبل الرحيل !!
••••••••••••••••••••••••••
جينا لبيت الكلاوي وام فتفت
اللاعبين !!
قلتو قروش والناس وقفت معاكم
استلمتوا الضحاكات وضحكتوا علينا !!!
الباشا في المدرجات كمل ضفورو
مافضل ليه الا يقول جيبوا فنلة!!!
وماذدا في الخط ماعرف دي كورة ولا سيجة!!
غايتو الي لباسات الشعار دا يكون ناس زيت مرحبا خاتين بدل الشعار باقات !!
كرعينكم مربطات ولاشنو!!
غايتو نستثني منكم اتنين ثلاثة
والباقي
حدث ولاحرج!!!!
••••••••••••••••••••••••••
ختاما
رجعونا محل استلمتونا والله تكون ماقصرتوا
لابتشبهونا لانشبهكم
••••••••••••••••••••••••••
ونحن علي المدرج ندعم ونشجع ونتفرج
امس دي غايتو ماقصروا الالتراسات ،،
وفرجتنا كانت كيف كيف
ودعمنا شكلو راح شمار في مرقة
لك الله يامدرج الشفوت
غايتو ربنا يديكم صبر قدر حق ايمال علي رواتبوا!!!
كل مانقول باكر يكون احلى نلاقي احلى ذاتة تقول باكر
••••••••••••••••••••••••••
همسة اخيرة
النتيجة كويسة
لكن الاداء ماكويس
النتيجة بالحسابات تمام
لكن الشفناهو ماتمام
نتيجة امس دي مع مريخ السنة الفاتت تطمن،،،
لكن مع مريخ السنة دي نقول ياحليل فلان وياحليل علان !!
قدموا استقالتكم يرحمكم الله
وشكر الله سعيكم
•••••••••••••••••••••••••
خارج النص
الوالي كان حضور امس،،،
بس الكميرا ماجابت لينا زول من التيسراب!!!
الباشا كان حضور امس،،،
الكميرا ماجابت لينا لاعب من المصابين يدعم من المدرجات!!
غايتو شفنا الوك بكميرات الجماهير !!
الباقين مالهم ماشين بعكاكيز ولابيكون بيحضروا الكورة من قهوة ومكان شيشة !!!
ومذيع قناة الملاعب قال اسم مدير القناة اكتر من جمال سالم!!!
رجعونا ماكان ماستلمتونا
وشكر الله سعيكم ،،،،،
••••••••••••••••••••••••••
سائقي المركبات العامة والخاصة
اتصالك وواتسابك مهم لكن حياتك اهم ،،
نغمة موبايلك ما تشغلك وتيتم عيالك ،،،
المابشوف من الغربال يكون عميااااان !!!!!
والشايفوا انا التسيير ضيعتنا وضيعت التيم !!!
فتناكم عافية ونصبح علي اخبار الاستقالات والرحيل قادر ياكريم،،،،،
رحيلكم بقى غاية امنياتنا والله….
••••••••••••••••••••••••••