الشاعر البشرى ابراهيم يوضح ملابسات مشاركته في مهرجان سلام الجنينة …
الشاعر البشرى ابراهيم يوضح ملابسات مشاركته في مهرجان سلام الجنينة …
الخرطوم: كورة سودانية
انطلقت امس في حاضرة ولاية غرب دارفور الجنينة مهرجان السلام والذي يجئ برعاية من الفريق أول محمد حمدان دقلو وشارك فيه عدد من نجوم المجتمع والإعلاميون ومن ضمنهم الشاعر بشرى ابراهيم صاحب القصيدة المشهورة إبان فض الاعتصام (درشونا بالدوشكات دريش) و انتقد عديد من رواد مواقع التواصل الإجتماعي البشرى على حضوره المهرجان باعتبار ان حضوره منافي لكتابته عن الثورة على حد تعبيرهم ، و بعدها اوضح البشرى ملابسات مشاركته ، (كورة سودانية ) قامت برصد توضيح البشرى حيث وضح ( احبابي القراب ، توضيح بسيط مع ضعف الشبكة جاني تلفون يوم الخميس بالليل اعلامي من الخرطوم ، الحبيب بشري حبابك ياخي كل قبايل الجنينه عملو صلح عام واتفقوا يرمو السلاح ويوقفو الدم وانت شاعر عرفناك مسخر شعرك لنبز القبليه والجهويه والعنصرية
والناس ديل عاملين احتفال كبير في الاستاد
طيب معاي منو ؟؟قالي معاك الهلال والمريخ وفرقة فضيل وفرقة الاصدقاء ومكارم بشير وعمر احساس ، قلت ليهو الكلام دا متين قالي باكر ٦ صباح قلت ليهو انا اخو التعايش السلمي قدام يا زول هي طبيعة اهل السودان الصلح لو القتيل زول واحد بمشو ليهو الالاف الناس وينحرو الإبل ويزبحو الضأن خلي قباااايل يتقاتلو بالسنين علي الطلاق لا جاب لي سيرة شخص لا قالي بكون لي شأن وعلي الطلاق ولا قلت ليهو بي كم وحتي كتابة هذا المنشور انا م عارف شغال بكم
اللهم جزء عزيز من الوطن بدأ يتعافي وماشي اشجعهم
في رأيي اهل الجنينه الغبش من حقهم يشاهدو القمه ويسمعو مكارم ويشاهدو فضيل
وفعلا اقسم بالله طربو وفرحو بينا فرح لمن بكو وبكونا معاهم والله والله والله لمن طلعونا بعربات الشرطه كترة صور وسماحة ناس وحفاوه
ودا الجابنا من هناك
ام حكاية اللافته دي والله والله والله اللافته زاته م شفتها الا في الفيس مش المكتوب اللافته زاته م شفتها ولو شفتها معناها انا يا احوص يا جراده وشوف انا جاييها بي وين
نازلين من الطياره استقبلتنا كل الجنينه بحفاوة اهل الولايات في المطار مرينا علي طابور طويل جدا فيه عشرات اللافتات وماشين و بتصورو معانا وكالعاده نحن هازين علي كل الناس انا مشيت لدعم التعايش السلمي ونبز القبليةوالله والله والله م اكتب في نبز القبليه وادعم التعايش والله اخلي الشعر) .
لا تأبهون تتعاملون مع الشعب السوداني على أنه شعب ساذج.
حليفة الطلاق دي تمشي تحلفها في سوق المواشي و الا في الدلالة مكان السماسرة، المبادئ لا تجزأ يا شاعر الغفلة. لن تثخن جراح الوطن و أولها جراح دارفور ما لم يتم القصاص. قلت لي اللافتة ما قريتها و الا اتغابيت؟
أخيراً : ناس فضيل و غيره من الأرزقية اسعارهم معروفه انت سعرك كم؟