*دخلنا اجواء مباراة المولودية
*هي ليست مباراة عادية
*ورغم ذلك ندخلها ونحن في ظروف صعبة
*غيابات بسبب الاصابات علي مستوي اللاعبين
*غيابات علي مستوي مجلس الادارة
*بسبب الزعل او الاستقاله
*ولعل صديقي علي اسد يكاد الوحيد الذي لم يلوح باستقالته اطلاقا
*اسد يا اسد
*المهم
*ندخل المعركة وصفوف العيش والجاز والصراف والفيفا قد عادت من جديد
*وهاهو غرزه يحتل مكانه في صف الفيفا وما مستعجل
*الخمسة في المية السنوية جراء التأخير
*مابلقاها في اجعص بنك كافر كفائدة ربوية
*ندخلها ومازلنا نفترق ونحترق ولايهمنا شئ سوي الحرب
*ندخلها وهي في معناها ليست مباراة عادية
*ولكنها خطوة في الطريق نحو الجرجير
*ذلك الجرجير الذي لن نطاله الا بانجاز التأهل
*بعضنا يتمني للكيان عدم التأهل
*لانو في اعتقادهم ان الجرجير بقعد المجلس ده طويل
*يبقي يطير المريخ عشان يطير المجلس ده
*تخيلوا فهم زي ده
*ولكن للمريخ رب يحميه
*سندق الصخر في هذه الظروف
*ونطال التأهل ومزارع الجرجير
*بعد داك ان شاء الله ندي غرزه حقوقو
*وبالمناسبة
*غرزه ٢٠١٧ حضر في ٢٣ يناير
*واشتغل طوالي
*ومشي في ٢٣ اغسطس من نفس العام
*وقع العقد في مارس ٢٠١٨
*يعني اشتغل شهرين بدون عقد
*ثم كان العقد المرفوض والذي يلزم غرزه بدفع راتب شهرين للمريخ حال فسخه للعقد من طرف واحد
*العقد ده ما اتوقع
*اتوقع عقد تاني بدي غرزة حق يفنجط سااكت متي ما اراد
*واستفاد غرزه من ذلك
*فضلا عن استفادته من نص الفيفا بتاع شهرين مرتب مافي انت ممكن ماشي محل ماداير يا صديق
*وغرزة لما مشي ما استلم راتب ولا شهر
*حتي مقدم العقد ليهو قصة
*ومن شروط غرزه تحويل راتبو فرنسا
*والمريخ وقتها القروش عندو
*لكن عدم الحيلة في التحويل
*صدقنا
*حانعود بعد نتأهل لحوض الجرجير لموضوع غرزه
*لكن المحيرني
*المجلس الحكومي او مجلس التعيين او لجنة التسيير القبل المجلس الديمقراطي المنتخب
*غرزه ده فحط في عهدهم
*وقعدوا بعد تفحيط غرزة شهرين موكلين الامر للكابتن محمد موسي مدربا(اظن هو زاتو ماقبض حق الشهرين ديل)
*خلال الشهرين دي ما اشتكوا غرزه ليه ياربي؟
*كان التقاضي موقوفا وقتها ياربي!
*ولا مواصلات الفيفا كانت واقفه؟؟؟
*حانعود
*بس بعد حوض الجرجير
*اللهم انصر المريخ ووفقه في التتويج بطلا علي العرب
*وقبضه اللهم السبعه مليون دولار كاااااااش
*عشان يقل النقاش يارب العالمين
*ايها الناس
*ان تنصروا الله ينصركم بس
*اها
*نجي لي شمارات والي الخرتوم
*والينا
*لا للتخريب
*هكذا قالوا لينا
*ندين ونشجب نهب الصيدلية الفي الواتس رسلوهو لينا
سلك كهربا ننساك كيف والكلب قال هم الناس ديل يشيلوا من رفوف الصيدلية ويجدعوا في واطات الصيدلية مالهم؟ماعاجبهم الدوا في الرف؟وهز ضنبو وحك اضانو بي رجلو الورا وقام جاري يتضاحك سااااااي
والي لقاء
سلك
