* بعد ان شاهدنا امس الاول احد العروض الهنديه الهزليه ، بطوله (تطوان خان) و (زنطور شاه) ! تاكدنا بما لا يدع مجالا للشك ان المجموعة الاولي ، عبارة عن عروص باهتة لافلام مكرره ..
* واندهشنا حد (الاستغراش) كما يقول الكاتب الساخر الجميل (الفاتح جبرا) ، واستغراشنا ينبع من كمية (التهليل) الذي تابعنا بالامس من فئات غير مصدقه نفسها وهي تري الهوان بعينه والعجز الكروي ومع ذلك واصلت قرع طبول الفرح …
* تشبيهنا لاحداث مباراة الزناطير بالفلم الهندي الهزيل والمكرر لم ينبع من فراغ ، وانما هو نتاج احداث شاهدناها بانفسنا !
فتكرار المشاهد هي نفسها ولا جديد ! يقاتل البطل (اباه) بعد اكتشافه انه خائن ، احداث تتكرر دائما ..
والزنطور باداء هزيل يقابل فرق متواضعة المستوي وهزيله ومع ذلك يفشل في الانتصار عليها …
* من فرحو بالامس عليهم أخذ دروس تثقيفيه في كرة القدم وكيفية ممارستها ، حتي لا تخدعهم نتائج وهمية امام فرق ضعيفه غير قادره حتي علي تحقيق نتائج داخل ملعبها …
فالمغرب التطواني وسموحه المصري والزنطور لا اظنهم سوي تمامة (عدد) لفريق مازمبي الذي هو نفسه شاخ ولم يعد قادرا علي ايجاد نفسه ..
* اعلم ان هذه الحقائق قد يراها البعض بمنظار اخر ، ولكنا الحقيقه المجرده ، اذ ليس من المعقول ان يكون المستوي العام لمجموعه في اكبر بطولات افريقيا للانديه بهذا المستوي المخجل والمتدني !
* مجموعه مستواها الفني لا يؤهلها للتواجد ضمن فرق الليق ناهيك عن ابطال افريقيا ، مباريات تثير الملل ، وتدعو للاحباط ..
حاجه اخيره كده :
* حاجه التومه دي شخصيه براها كده ساكنه في اخر حي في بلدنا ، زوله تلقاها وسط الرجال متحكره ، مره تلقاها (دلاليه) واحيانا تلقاها (امينه صندوق) جنها قصص الصناديق دي ..
* انسانه شليقه شلاقه عجيبه ، لو (حريم الحي) بتاعم عندهم قعده ، هي بتشتغل ليهم (منسق اعلامي) تمشي تنقل الشمارات لي باقي الحي ..
* الغريبه رجال الحي بتاعم بسمعو كلامه ، تلقاها الامر الناهي !
ممكن عادي تلقي حاج العوض لافي عمتو وسط الرجال ويقول ليهم (نحن نشوف راي حاجه التومه) في الاول ..
اي حاجه تقوله بعملو بيها (ممكن عادي تسرق لسانم) وتطلع (شمار) !
* حاجه التومه دي في مواضيع الكوره ما بتتفاهم (لسانه صعب) ونباااشه! كانت بتشجع فريق (حلة فوق) ، لم فيها حاج (الخضر) من كبارات (بلدنا طبعا) عندو (مزارع) كتييره ، ومحاصيله دائما حصاده وافر !
اقنعه تخلي فريق (حلة فوق) وتشجع فريق (التريعه) ، ومن اليوم داك ولي هسه قابضه الجو وعائشه القصه كلها ..
تحلف تقول هي الاسست فريق (التريعه) …
ونحن نشيل ونصفق ليها ، زوله ما بتنقدر نهائي …
عندها حكاوي كتيره يوم تاني بحكي ليكم عنها ..
يا اباجهل شوف ليك شغله المغرب التطوانى أطاح بالاهلي المصري نادي القرن وفقد عناصر كثيره في مباراه الهلال وهداف دورى الابطال من هذا الفريق ياجور الاحترف في قطر وحتشوف مستواه الحقيقي في الخرطوم
يا اباجهل شوف ليك شغله المغرب التطوانى أطاح بالاهلي المصري نادي القرن وفقد عناصر كثيره في مباراه الهلال وهداف دورى الابطال من هذا الفريق ياجور الاحترف في قطر وحتشوف مستواه الحقيقي في الخرطوم
انت فرقك من حاجه التومه شنو وعلاقتك بالكوره زى علاقه الدلاقين بكاس الابطال وماتستعجل العريجه لى مراحها.