الفيفا ام حمد
بسم الله الرحمن الرحيم
في السلك
الفيفا ام حمد
*الفيفا تدعونا لرأب الصدع
*ولم المكونات المريخية لاجل حل الاشكاليات
*وخارطة طريق للحل
*و… .و… .و
*وحاجات البعض يسميها قرارات
*والبعض يسميها موجهات
*والفيفا تسميها مقترحات
*وواحدين اكدوا ان الفيفا جابت 151 مخالفة في النظام الاساسي
*وواحدين قالوا خمسين بس
*وجاط راس محمد احمد المريخي
*لذا قفزت علي راسه اسئلة
*هل الفيفا قالت بالواضح المافاضح الغاء نظام 2019 ودعت لجمعية عمومية لاجازة النظام الالغتو؟
*ولا جابت سيرة الجمعية العمومية في الحته بتاعت في حالة ادخال مقترحاتها في النظام الاساسي؟
*وهل اذا الغت 2019 قالت الساري 2008 ؟
*وهل عندما طالبت بارسال نظام المريخ الاساسي تم ارسال 2008 ليها؟ وليه؟؟؟؟
*وهل مقترحات الفيفا من ضمنها تضمين مادة تلزم النادي بتسجيل علامته لدي الهيئات المختصة في بلدو ؟
*وهل الفيفا عارفه انو الحتة دي ماضرورة لانو المريخ اساسا مسجلها من زمنا بدري؟
*وهل من ضمن المقترحات تعديل مسمي لجان الحوكمة لمسمي لجنة الحوكمة؟
*طيب لو كان بالعربي مكتوب لجنة الحوكمة منو الكتب بالانجليزي لجان الحوكمة؟؟؟؟
*وهل هذه هي ال151 مخالفة بتاعت النظام الاساسي؟؟؟؟؟
*وهل قام الاتحاد بارسال قرار لجنة الانتخابات المنتخبة الاخير والذي تسلم منه صورة مترجمة للفيفا ولا مارسلو؟؟؟
*ولا ما رسلو ليه؟؟؟؟
*وهل الفيفا عارفة كدة ؟؟؟
*وماهي خارطة الطريق ان لم تكن هو ؟؟؟؟
*وهل الفيفا جابت حل ولا معني كلامها انو موضوعكم ده حلوهو جوة بيتكم وفقا لنظامكم الاساسي الساري ؟؟؟؟
*ولا الفيفا قالت الكلام البنشوفو في الميديا ده علي شاكلة 151 مخالفة؟
*ان بقي كدة
*تبقي الفيفا الفيفا ام حمد
*اخت البصيرة ام حمد بت ابوها
*بس ديك امها مشلخة ودي امها خواجية
*ولكن السؤال المهم
*ليه الاتحاد ماعين لجنة للمريخ يا حلفا ؟؟؟
*اقصد يافيفا
*والملاحظة الاهم
*انو الفيفا ماجابت سيرة 2008
*ياربي سقط سهوا ام سقط واقعا؟؟؟؟؟
*محمد احمد المريخي تعب شدييييد
*المهم
*اليوم يوافق عيد الثورة
*ويوافق ذكري اعلان الاستقلال بالبرلمان
*فهل نحن نشرف اليوم الوطن الذي اعلنا استقلاله في مثل هذا اليوم سنة 1955 ؟
*وهل نشرف الوطن الذي ثرنا من اجله قريب ده في مثل هذا اليوم ؟؟؟؟
*وطن بعزو باقي
*مكانو في جوة المآقي
*صحيح فقير ريو السواقي
*بس مكانو في نفوسنا باقي
*وبجهودنا حايبقي راقي
*ايها الناس
*ان تنصروا الله ينصركم
*اها
*نجي لي شمارت والي الخرتوم
*قالوا يا والينا
*قافلين الكباري علينا
*كان اخير يا والينا
*تقفلوا الكباري الاتعملت فينا
*وتقفلوا معابر تهريب دقيق الفينا
*العيشة بقت زي الاستوبة يا والينا
سلك كهربا
ننساك كيف والكلب قال الجلافيط للكلاب والعضام قدام الباب واللحم للبيتو عالي مابتخبت ليهو باب
والي لقاء
سلك
مبدع كالعاده لكن لماذا الغياب
الفيفا ولجان الفيفا كلهم لجان زرقاء حاقدة على المرخرخ، عشان كدة عليكم بإتحاد الكرة في دولة سكسونيا العليا، هناك بتلقوا رئيس الاتحاد الكاهن الأعظم أليخماو ونائبة عمو أبو دليبة والأمين العام ود الجاك، وديل بحلوا ليكم المشكلة ويعينوا ليكم لجنة تطبيع ويفتحوا ليها ماسورة أموال الشعب السكسوني 😂😂😂
عمك تنقو الحال فاض بيهو
قنب يسكلب لي واليهو
من شدة ألمو وعذابو الفيهو
ما لقي زول يخفف ليهو
كلام الفيفا وراضين بيهو
بس شداد يا رب تهديهو
و سوداكال إتعرف الفيهو
ربي يشيلو ويقطع طاريهو
مافيش زولا يخفف عليهو
نهار القايلة فوت بيهو
😆😆😆
سنة كبيسة عليكم يا سلك
دارت الدوائر استحملوا
اعوا الدرس واتادبو
اتفسحتوا وبقيتوا القوانين لعبة مجاملات لسنين طويلة
جاتكم رادة من كل النواحي … ورب ضارة نافعة
يمكن ناس مزمز واب شيبة يعقلو.
ولو دردقوكم الافيال لمكانكم الطبيعي
اوعو تقولوا ده شداد
كلو ما بحلك السنة دي