الكبير أوي
في السلك
بابكر سلك
الكبير أوي
*قلنا نتكلم عن الأندية الكبيرة بحق وحقيقة
*نعرف قيمها وآدابها وطريقة إدارتها وخصال مشجعيها ومبادئها ومبادئهم
*وعشان المسألة تبقي لينا واضحة
*نتبع أسلوب دروس الرياضيات الجديدة
*دائما درس الرياضيات الجديد بكون فيهو أمثلة تقرب الفهم وتركزه
*وإذا بحثنا عن مثال للأندية الكبيرة
*لن نجد مثالا أوضح من الأهلي المصري
*الكبير آوى
*ناد يؤمن بأنه أكبر من الجميع
*أكبر من الإداريين والأقطاب
*ولا يضع نفسه في مقارنة مع نجومه ولو بلغوا السماء نجومية
*النادي دائما أكبر من الجميع
*هذه هي قناعة النادي والإداري واللاعب
*وكلنا يذكر قصة الحضري وسيون
*وقتها كان الحضري نجم أفريقيا الأول وأحد أبرز نجوم العالم
*عمل عملتو بتاعت سيون
*رجع إترجى
*وكان النادي يغني
*جاي تسأل عني ليه
*ما خلاص ريد وانتهى طول عمري ما بندم عليه
*في ذلك الوقت كانت الخانة الوحيدة التي تعاني ضعفا في الأهلي هي حراسة المرمي
*ولكن كرامة النادي كانت أهم من تلك المعاناة
*والمبادئ التي تقوم عليها العلاقة بين النادي ولاعبيه كانت أعظم من أي بطولة وأقيم
*بكى الحضري وترجي وأزبد
*دون فائدة
*لأن دموعه لم تعمل على تليين تلك القيم الصلبة
*وجمهور الأهلي كان موقفه كموقف الإدارة بل أشد
*يرفضون عودته لقلعة الكرامة والمبادئ ويهتفون له مع المنتخب
*ارقص يا حضري
*إنه نفسه الحضري الذي كان يتمرن بأم درمان ويستحمى بالقاهرة ويدخل تشكيلة مباراة شندي بشندي وهو متوجه لمطار القاهرة في طريق عودته للخرطوم
*ومن زاوية أخرى
*نأخذ الأهلي الكبير آوي مثالاً لها
*موقف النادي من تركي آل الشيخ وموقف جماهير الكبير المصحوب بذلك الهتاف الشهير
*تركي آل الشيخ طال عمرو
*قارن ذلك بالتلج الذي كسره بعض الأهلة أو جلهم
*بدءاً من مجلس تسييرهم وحتى بعض جماهيرهم وصحفهم
*وهم جميعآ لا يدرون أو قل لا يريدون أن يذكروا الأمير بأن هلال السودان هو أول هلال بالوطن العربي على الأرض
*ولم يسبقه هلال إلا هلال الشهر العربي في السماء
*انخلعوا بالرجل ووعوده واندلقوا
*وما يقال عن بعض ديك يقال عن بعض ديل فيما يتعلق بالتازي
*أندية تضع نفسها دوما في مربع الرعية وتبحث دائما عن راعي
*ونطلق عليها أندية كبيرة
*على كيفنا
*مش أنديتنا؟
*إن شاء الله نطلق عليها الكبيرة جدآ أو الكبيرة آوي
*ولكن هل نضمن جمالاً لطفلة أسميناها جميلة؟؟؟
*فحسن إسم من الحُسن (بضم الحاء)
*وقد يكون حسن هذا أقبح زول
*ممكن زول يقول لي الأهلي ما محتاج لراعي وعندو استثماراتو
*لكن هل خلق ربنا الأهلي باستثماراتو أم أنشأ رجال الأهلي بفكرهم المتقد ونظرتهم الثاقبة تلك الإستثمارات ؟؟؟
*وشنو البمنع أنديتنا (الكبيرة) من أن تمتلك إستثمارات تملكها قرارها وتخلق لها الاستقرار الذي يضع الخطوط العريضة لكيفية إدارة النادي دون أدنى حاجة للبحث عن راع وإدخال النادي وجماهيرو في قفص الرعية؟؟؟؟
*أيها الناس
*الأندية الكبيرة زي الأهلي والريال مثلاً
*كبار في كل شئ
*شوف تنس الأهلي وطائرة الزمالك وسلة الريال
*أندية لا تحصر نفسها في كرة القدم وتهمل مناشط أخرى تنتمي لها
*تدير مناشطها الأخرى لأجل التنافس العالمي كمان
*وشوف مناشط أنديتنا الكبيرة حالها شنو؟؟؟
*أيها الناس
*قارنوا بين الأهلي والحضري وسيون
*والمريخ والحضري
*والمريخ والثلاثي والعقود والتوقيع
*في التاريخ الحديث ما عندنا نادي تعامل بكبرياء لأجل كرامة النادي خلاف الهلال في عهد الأرباب ومرة واحدة
*وصل الهلال للمربع الذهبي وكان أفضل الفرق الأربعة
*كان الأهلي ضعيفا جدا
*بدليل أن النجم هزمه بالتلاته في النهائي
*وكان النجم ضعيفا أيضاً
*بدليل أن كرة جوليت لو ولجت الشباك ما كان النجم يسجل ظهوراً في النهائي
*ووقتها كان المعز محجوب هو الكل في الكل
*حدس ما حدس
*وكان الأرباب أمام خيارين
*إما مرمطة كرامة الهلال والظفر بالأميرة السمراء التي تخرج الهلال من صفره
*وتعتبر إنجازا شخصيا للأرباب
*أو
*التمسك بكرامة الهلال وكبريائه وفقدان البطولة الأفريقية التي تعني الكثير
*فأبعد الأرباب المعز مختاراً الخيار التاني لأن الأندية الكبيرة هي التي تقيم كرامتها كقيمة أقيم بكثير من التنازل عنها لنيل بطولة
*أيها الناس
*هل سمعتم بأن القطب الفلاني أحضر لاعب للأهلي القاهري؟
*قطب يجيب اللاعب ويتفق معاهو ويدفع قروشو ويتسجل في الكشف
*لا جهاز فني طلب اللاعب
*لا مجلس إدارة عندو فكرة
*ولا اللاعب ذاتو محتاجين لي زول في خانتو؟
*سمعتوا بكلام زي ده؟؟؟
*بعد ده كلو
*بربكم هل يوجد نادٍ كبير بمعنى كبير في البلد دي؟؟؟؟
*وهل اهتمام جمهور الأهلي بنيل عضوية النادي يماثله اهتمام جمهور نادٍ في البلد دي؟؟؟
*يا إخوانا الكبير كبير
*كبير آوي
*أيها الناس
*إن تنصروا الله ينصركم
*أها
*نجي لي شمارات والي الخرتوم
*أنديتنا تبحث عن راعٍ يا والينا
*وسياستنا ودول المحور الراعية لينا
*بتدخلنا دايماً في قفص الرعية الرياضية والسياسية يا والينا
سلك كهربا
ننساك كيف والكلب قال بالرعاية دي الخوف نغير السلام الجمهوري لنشيد الأطفال البقول
يا غنماتي
ماء ماء
شو أطعميكم
ماء ماء
شوية عشب وشربة مي!
ماء ماء مأمأ مااااء
وإلى لقاء
كلامك جميل لكن بمثابة دس السم في العسل ياعم تنقو.
لو عاوزين تبقوا كبار ياعمنا تنقو بطلوا السير خلف ظل الهلال. ال الشيخ صار راعيا للهلال وانتم ركضتم خلف طال عمرو التايواني ليكون راعيا للضل وتقلدون الهلال في كل شي مثل الظل تماما. حتي اللاعبين الهلال تعاقد مع كنقولي تمشوا تفتشوا كنقولي. الهلال تعاقد مع جامايكي والان تحاولوا تتعاقدوا مع جامايكي. غايتو لو الهلال وقع في حفرة قضاء وقدرا انتو تحفروا ليكم حفرة وتقعوا فيها وزي ماقال المرحوم ابو العايلة لو في كديسة نطت استاد الهلال انتو تجيبوا كديسة تنططوها استاد المريخ😹😹😹
شكله عمك تنقو كان مجهز ليهو مقال تحفة عن خسارة الهلال من مازيمبي ولكن لما ابو الهل قلب الطاولة على مازيمبي عمك تنقو قلب هوبة وقلب الموضوع للكبير اوي.
غايتو الحمد لله الهلال ماضاق الذلة الضقتوها انتو ياعمنا تنقو. الحضري تفنن في اذلالكم ايام الرئيس طوالي وانتم رضيانين ومبسوطين وتطبلوا بقيادة كاهنكم اليخماو.ولا تنسي مافعله فيكم جمال سالم الذي تم تاديبه في سيد البلد. مافي لاعب ذل الهلال والحمد لله والعاوز يتمرد او يراوغ الباب يفوت جمل.
ابو ناصر لم ياتي لمذلة الهلال كما تدعون ولو كان كذلك لما هرولتم للسعودية لايجاد راعي حتي ولو مجنس وقبل كدي هرولتم خلف ابو ناصر لرعايتكم ولكنه ابي واستعصم عليكم وقال ليكم هلالابي. لايهمنا اذا كان الهلال السعودي ابن او اخراصغر لهلال الملايين والسعوديون يعرفون ذلك جيدا وليس في ذلك منقصة او مذلة لسيد البلد. واكاد اجزم لو كان ابو ناصر تقدم لرعايتكم لضربتم له الدفوف والطبول بقيادة كبير الكهنة اليخماو وكورال الضلال ولكن عندما يكون الامر يخص الهلال اكيد ستبخسونه وستحرصون لانهاء هذه العلاقة ونحب نطمئنك وكل الدلاقين الحاقدين الذين يضمرون مالايظهرون للهلال نطمئنكم ان الهلال محفوظ الكرامة بجمهوره الكبير ولن يستطيع اي كائن من كان اهدار كرامة الهلال.
كزااب اداره الاهلى القلت الكبير ده كانو موجهين قناة الاهلى للتطبيل لراعى النادى.. ادخل الفيديوهات وشوف الكبكبه ظاهره فى اللقاءات التلفزيونيه . انت بتتكلم ولا عارف اى شى سجل للاهلى 4 لاعبين محترفين ده غير الماعارفنهم نحنا . منو الحول مسار اللاعب المصرى رمضان صبحى من الاهلى لى فريق برميدز هو نفس الراعى السجل اللاعبين للاهلى و للهلال.. يا عمك تنقو انت الحارق وحاشيك جوه هو انو المستشار تركى اختار يرعى الهلال وما اختار مريخ السجم بتاعك ده هو اختار الهلال لانو هلالابى هههههههههه طبعا” لو دعمكم انتو كان انت والمطبلين الباقين ناس ابودليبه وبقيه شله الكاهن اليخماو ( بتاع حول لى يا ريس ) كان قلتو فيهو شعر لكن ربنا بدى كل زول على حسب نيته وانتو لانو حاقدين على الهلال ونيتكم سوده ادارتكم ماعندهم التكتح والمرخرخ ماشى بالشيرنق والانتخابات عندكم زووول بترشح عشان يمسكم ما ف لدرجه سودكال فاز بالتزكيه لانو ما لقى منافسين .
لاول مره تكتب ليك عمود حقيقي
احسنت
قالو الكديسة لما م تلحق اللبن بتقول عفن.
دة أختصار لكلآم أخونا مدني.
ناس لآيصين للآن ماعارفن المحترفيين وسودا التكتح ما عندو وألأقطاب ما دايرين يدفعوا ألآ يعينوهم رؤساء أو شركاْ.
صراحة مقالك في غاية الروعة ومثالا حيا للوطنية . ورغم هلاليتي ولكن لا يمنع ان نقول لمن اصاب الحقيقة اصبت وانت محقا ومن يخطئ حتى ولوكان من يكون ونقول له اخطأت وبهذا الاسلوب بإذن الله ستنهض كرتنا ونكون في مصاف دول افريقيا المتقدمة كرويا. شكرا بابكر
شكرا على مقالك ولكن هناك مغالطات يا بابكر وارجوا ان لا تخلط الماء بالزيت اولا سعاده المستشار تركى ال الشيخ كان رئيس شرفى للاهلى وقدم للاهلى الكثير ولولا الاساءه التى تلقاها المستشار من جمهور الاهلى لما انسحب المستشار من االنادى الاهلى وما خفى اعظم هذا اولا ثانيا نادى المريخ هرول خلف تركى ال الشيخ ولكن المستشار صاحب بصيره رفض عرض المريخ واعتذر وقال لكم بالفم المليان انا هلالى حتى النخاع ثالثا ما الضير ان يكون المستشار تركى ال الشيخ رئيس شرفى للهلال والله بصراحة يشرفنا والرجل صاحب فكر كروى وفكر استثمارى اهلا به اعتقد ما ذكرته يالحبيب شتر .
ثالثا لماذا هرولتهم انتم بعد ان اصبح تركى ال الشيخ رئيسا شرفيا فى الهلال لاخرين مع كامل احترامى لهم
رابعا وهو الاهم المريخ يعانى الان والوضع فى المريخ ينذر بكارثة ونحن الاهلة لا نرضى ان يمرض المريخ وذلك لمصلحة الكرة السودانية ولكى يستمر التنافس بين الفريقين والفريق مقبل على منافسات افريقية .. على العموم نحن بتركى والسوباط جهزنا فريقنا انتو شوفو نفسكم بسرعة قبل ما الفاس يقع فى الراس