الكلام دخل الحوش !

لهيب النار

هاشم الطيب

الكلام دخل الحوش !

# وعاد الممتاز عودا حميدا مستطاب ..

# و.. عاد الحبيب المنتظر ..

و.. تبدأ البدايه مجتمعه من هنا الخرتوم محل الطياره بتقوم وشداد بينوم !

# و.. تقلع طيارة الممتاز بمشئة الله يوم الاتنين ٢٨ من شهر ديسمبر الجاري تمام الساعة الثالثة ظهرا ..

# و .. الطائرة لا تقبل ركاب إضافة وممنوع إصطحاب المشجعين !

# و .. الفرق تجمعت في الخرطوم ويابخت أصحاب الفنادق بنجوم والفاقدة حتى لنجمه واحده !!

# و .. لوعاوز تحلى اكثر أحرص على نظافة شاشة سودان سبورت سمع وشوف !

# و .. لجنة الإستئنافات تعددت الإجتماعيات والقرار المزيد من التحريات و… رفعت الجلسة للثلاثاء القادمه !!!

# و .. يارمضان وبخيت والريد إطمئنوا قشه ما تعتر ليكم غايتو لغاية مارس يمكن يكون في قرار بس تفرجوا بس !!!

# و .. نعود للدرجه الوسيط فلاح حلتنا ياياسر أس إثنين والعزيز أب أحمد الكناري أنشاء الله وعيتوا درس ممتاز السنه الماضيه والرساله للباشمهندس رئيس فلاحنا الفلوس الطريق للعوده والمفلس يعود للورشه أتبرا !!

# و… ننساك كيف إنت بتتنسي الماسوره بتجيب الهوا وقالوا تحت القبة فكي طلع خاذوق هد كيان الكيان وسنة النجمه  أم ضنب الخريف نضب !!

# فاهمين حاجه ؟

# و .. أنا ذاتو لما البدر يغيب تصبح ظلام غايتو جنس خازوق ربنا يحلكم الحلا بله ..

# حلاه من شنو ؟ من النجمه أم ضنب !

# و .. الكلام دخل الحوش يا عامر..

# و  .. التحكيم ياعامر مك المكوك كيييييف ؟

قسم الفرص بالقسطاط يعني حكاية صاحبي وصاحبك زولي و ولك شيلني وأشيلك زمنها عدي وفات الزمن زمن مقاييس هذا أنسب من ذاك وهذا يجوز وذاك يرتاح !!!

# يا مك بيت المشوره ما خرب شاور جماعتك أيهما أصلح لكن الرأي المنفرد يجيب ليك وللكل الهوا والأيام شتاء !!

حبة فرح  ::

…………..

مبروووك لولدنا محمود ود المطبعجي وزغ دي يا أمه الليله يوم عديله وسير ه لبت خاله والتبريكات تتواصل العزيز عادل الأرباب وكل العناق  … هاشم