الكوتش النابي يبوح بالحقيقة المره !!
لهيب النار
هاشم الطيب
الكوتش النابي يبوح بالحقيقة المره !!
================
# نحن نكابر وندعي البطولات ونحكي في الإذاعات والتلفزيونات بأننا علمنا الغير لعب الكوره وعمرنا لهم مدنهم ونحن لا زلنا في آخر الصف نذهب لرأس الرجاء الصالح وكأنك يا هلال لا رحت ولا جيت وشباكك مشحونه بالأهداف!!
# قلنا خير وركبنا الطياره ولسان الحال يا أبيض يا متوسط جيناك وأحلامنا فاقت حد الوصف خمس وأربعون دقيقة خندقه الكوره وين؟ في أحضان منجد النيل !!
# الشوط التاني كالعادة شوط اللياقة المفقوده ويا حكم باقي كم دقيقة والشوالي يضحك على الحال المايل ولو شفتنا هنا غادرنا وأغلقنا التلفاز ونوفر كهربتنا قبل كهرباء ما يكهربنا الرجل لم يكسر خاطرنا و… شنو كهرباء والهدف الثاني قلنا نسمع النتيجه باكر يا سمعه !!!
# يا جماعة الخير بدل نخت الكوره واطه رايكم شنو الناس الماسكه الدفه نخليهم يقعدوا في الواطه ونقفل علينا الباب سنتين ونبدأ يا جمال فرفور من الصفر من الروضه والأساس وطلاب الفازوا ببطولة جيم يكونوا استووا ومن هنا نبدأ ونرتاح من العجايز ونوفر الدولارات العذبت ستات الشاي والجزارين والملامح خالي عضم !!
# أول بطاقه صفراء كانت من نصيب الأصفر وأول فاول أصفر وأول ركله ركنيه صفراء والنابي جابوه فزع بقى وجع السنين في ذمتكم قدم الخير ما كان أحسن وأخير من الزول صاحب جنسيتين زي راكب سرجين ومساك دربين !!
# أها كما يقول استاذ بابكر سلك نمشي لناس أعلامنا لو وفرتوا الحبر والورق والكتابه الماجايبه حقها والدش وشكير لاعبين ما عندهم البصله شوفوا لينا طريقه لنتخارج من عنق القزازه قبل ما تتكسر وتعوق ليها زول !!
# و أسألوا أهل العلم كوتش العنابي بعضمة لسانه بعد المباراة قال أنه لعب في حدود إمكانيات لاعبيه وليس هناك أحسن من الذي شاهدناه شكرا يا كوتش يا واعي بوضع المرواد على موضع الألم.!!
لازم تدخلوا الهلال في خيباتكم؟الهلال كان لاعب معاكم بالامس ولا شنو؟؟
الراجل قال كلام واقعي عن حال الكورة المايل في البلد والهلال لم يكن احسن حالا من المريخ . وللاسف كورتنا في صحفنا والاعلاميين المطبلين
يا هجام يا اخوي قال ليك سلك بعدما انتهى الشوط الاول بالتعادل السلبي بدأ يفتل في عناوين رهيبة “الاسود اللي ركزوا في ام الدنيا مش ال .. رقدوا سلطة في جنوب افريقيا” وقعد يتفنن يمين وشمال لحدما جاء الشوط الثاني واكلوها بالثلاثة. وقال ليك ابوشيبة هاجم الحكم البوركيني هجوم شديد لانو ما حسب ستة ضربات جزاء للمريخ. قالوا مريخابي اتصل بشركة الكهرباء وقال ليهم ما تقطعوها لانو المريخ لاعب وبعد الثالث اتصل وقال ليهم: ليه ما قطعتوها؟
عندهم شنو يعملوه يا هجام غير التهجم على الهلال؟ لكننا لن نسكت. تهاجموا نهاجم تسلوا لسانكم نسل لساننا. وزي ما قلت قبل كدة انا لجلابي الدوحة الحاقد: حتشوف الهلال حيصل وين في المجموعات وحتشوف فريقك حيصل وين والايام بيننا. ولك تحياتي يا اصلي يا اصيل يا هجام.
الهلالابي حاتصل وين احسن 91 سنة حاتاخذ كاس زعلان كده مالك
راعي الخلا يعرف انو كل مشاكل المريخ ف هذا الموسم سببها الهلال
شداد يوافق لجنة تطبيع للهلال وعند ما يجي دور المريخ يقول اذ غلطنا مرة ما نغلط بعد اسبوع فقط…في ظلم اكثر من كده الله في…… شداد بالواضح يقول السوباط شلع مش الحصل يا أهل الوطنية تدمير لاعبي المريخ