المازمزي تاني

في السلك

بابكر سلك

*الحبيب مزمز كعادته كتب عمودا رائعا فيه اشكال والوان من فنونه للاقناع وطرح مايراه
*ومازاد العمود روعة كتابتة للجزء التاني من العمود علي طريقة سلكوني
*هذا العمود الرائع يحتاج لروعة مماثلة للرد عليه
*فلكل منا وجهة نظر ورأي
*والي ذلك الحين استميح الحبيب مزمز في الاشارة لجزئية او اتنين من العمود موضوع هذا العمود
*عندما يثور الشعب ايام نميري
*تعد الحكومة العدة لارهاب الناس شأنها شأن اي نظام دكتاتوري يقوم علي تخويف الناس بالبطش ويعمل علي سلبهم حقوقهم جميعها
*حتي ابسطها
*حرية التعبير مادايرنها
*وفي الزمن داك قالوا زين العابدين محمد احمد عبدالقادر
*عضو مجلس مايو
*خفيف الظل
*قال وقتها لجعفر نميري
*كوامر شنو ياريس ورصاص شنو وحظر تجول شنو
*ده ماشعب وش كده
*شعبنا ده حفلة في المسرح القومي بالفرقة الحبشية
*وكورة مريخ هلال
*تاني كان عزمتهم مظاهرات مابجوك
*الوكت داك الشعب زعلان لانو الرغيفة بي تعريفة كانت
*والدولار باربعة جنية
*يعني اربعة قروش بفهم الليلة
*السعر ده كان مزعل الشعب شديد
*شايفين الدولار طار راح
*ماعلينا
*نرجع لموضوعنا
*زينكو اقترح المباراة والفرقة الحبشية
*وقد كان
*المازمزي تاني ادهشت الناس
*حت زي الحت
*كتمات شغاله في المسرح القومي وفي مدني زي الكتمات
*والشارع مات
*وغضب الامة اتبدد ساااي
*المهم
*نرجع لموضوع مزمز تاني
*او المازمزي تاني
*ذلك العمود التحفه
*يقول الحبيب مزمل فيه
*لو ادي المجلس واجباته كما ينبغي لدعمناه
*مزمز
*مزمز اخوي
*قصدك شنو بعبارة لدعمناه
*قد تخونني الذاكرة
*ولكن من ٢٠٠٤ تعاقبت علينا مجالس مختلفه
*اذا اخرجنا عهود الوالي
*وبحثنا عن (لدعمناه)
*بنطول وناخد مدة
*استقال جمال ونفر من مجلسه
*واصر عصام الحاج علي عدم الاستقالة وقرر المضي بالمسيرة
*فكان جعجاعا
*ومن تبقي معه بالمجلس اقل قامة من المريخ
*وسقط مجلس عصام وسط الزحام
*ثم جاء ونسي
*لكن لانذكر(لدعمناه)
*وان حدثت
*بتكون قلة ملامه ساكت
*ثم عادت(لدعمناه) بعد رحيل ونسي
*وعادت بشدة
*لذا ليس من المستغرب ياميزو غياب(لدعمناه)من اي مجلس لايقوده الحبيب الوالي
*وسؤال يامزمل يا اخوي
*حضرتكم صرحتم بانكم نصحتم هذا المجلس الفاشل بتقديم شكوي ضد غرزه
*والغريبه غرزه حضر في عهد مجلسكم وذهب في عهد حضرتكم
*ليه ما اشتكيتوهوا انتوا؟
*ولا كنتوا دايرين تخلوا حاجه للمجلس البجي بعدكم يشتغلها بدل يقعد ساي؟؟.
*مشي يامزمل غرزه في عهدكم
*مشي ولم يستلم مليم من راتب تمنية شهور
*حاتقول لي اديناها ليهو رفض يشيلها
*اديتوها ليهو كاملة؟
*معقولة زول يدوهوا حقوق ناقصة ويوقع مخالصة؟
*ليهو حق مايشيلها
*ضربوا تمنية اشهر في خمسطاشر الف دولار
*زائد خمسين الف دولار قسط مستحق من المقدم
*زايد عشرين الف دولار قسط اخير من المقدم
*ده كلو يطلع خمسة وتمنين الف دولار بس؟
*ضربتوها كيف بس؟
*وتقول لي يامزمز اديناهو رفض يشيلها؟
*وقصة قروشو دي وانت واحد من الذين صاغوا او اعدوا او حضروا التعاقد
*الم يكن الشرط تسليمها بفرنسا؟
*نصدق انو مجلس حضراتكم غلبو التحويل؟
*دي دايره زينكو
*مازمزي تاني
*غرزة زاتو جا في ٢٣ يناير ونزل شغل
*ليه ماوقع العقد الا في مارس؟
*مجلس حضراتكم اداهو مقدم العقد القسط الاول خمسين الف دولار وهو رفض التوقيع؟
*ولا مجلس حضراتكم انتظر الدولار من المطر الي ان احضره الاخ حاتم عبد الغفار بامر الريس في مارس؟
*طيب واحد وتلتين حضرات قاعدين لي شنو كنتوا وكت منتظرين الحبيب يرسلها؟
*ده كلو خليهو
*بعد خروج الهلال الافريقي وانعقاد الامل علي المريخ في الصعود للمرحلة التالية
*وكانت طامة التجميد الشهيرة
*موقف مجلس حضراتكم كان شنو؟
*ماذا فعلتم لهيبة المريخ وحقوق المريخ؟
*وحتي تصريحات بعض حضراتكم بانهم سينسحبوا من اي منافسة ينظمها من تسببوا في التجميد او يستقيلوا
*وجاء الخبر اليقين من السعودية
*وصرح بقوله
*مسألة الانسحاب دي قرار مجلس ولسه المجلس ما اجتمع
*موقف حضراتكم كان شنو
*مع العلم بان مجلس حضراتكم لمن مشي ما سمعنا بيهو ناقش الحتة دي وطلع فيها قرار
*حضراتكم بالغتوا عديل كده
*المهم
*ساعود لعمود الحبيب مزمز الرائع بنفس الروعة
*فالاخ مزمل ليس بالعدو ولكنه الحبيب المشاكس
*ان اتفقت معه انصلح الكيان
*وان اختلفت وجهات النظر ايضا ينصلح المريخ
*ابقوا معنا
*المزمزي تاني٢
*ايها الناس
*ان تنصروا الله ينصركم بس
*اها
*نجي لي شمارات والي الخرتوم
*والينا
*اريت كل الدنيا بي بنابينا
*تخيل كتل لينا الباعوض ياوالينا
سلك كهربا ننساك كيف والكلب قال لكن موية الصرف تاني بتلم الباعوض وترجعوا لينا
والي لقاء
سلك